Русите ги бие глас дека се убав народ. Убави ко слика, што викаше баба ми. Руските убавици не престануваат да им го матат умот на мажите на планетава. Но убави се и руските мажи: со светол тен, најчесто сини очи, правилни црти на лицето, понекоја азиска нијанса на генерално словенскиот изглед. А се прочуле и по големи дела: во литературата, сликарството, архитектурата, медицината, технологијата, филмот, политиката, воените вештини… Белки тоа значи дека имаат и убав генетски потенцијал.
Америка е убава земја. Убава е, пред сѐ, нејзината природа: големи реки, восхитувачки високи планини, карпести кањони, огромни прерии… Но убави се и оние американски пејзажи што човекот ги изградил: небесно високите згради, долгите мостови, шармантните ниски предградија, многуте вили и палати, кина и театри, универзитети, болници, воени бази, вселенски станици…
Убаво е и да се живее во Америка. Не баш секому и секаде, но споредено со светскиот просек, многу поубаво е овде отколку во некои други земји и на некои други континенти. И доколку човек не си ја бара бељата, некако побезбедно е. А и разни опции се нудат за оној што е работлив, способен и храбар. Океј, не течат мед и млеко - ама каде па тоа течат на планетава?
Еднаш еден Рус ми призна дека потаен сон на неговите сонародници е да дојдат во Америка. Демек, сите Руси сонуваат за тоа - некои само да ја посетат, а некои и да живеат во неа. Сум имал можност да се дружам со овие вториве: некои од нив имаат раскошни куќи, а некои, пак, живеат во комуни многу слични на руските згради во Тафталиџе. Тие што се богати и успешни, парадираат низ американското општество како и секој друг богат Американец. Тие што не се, денот го минуваат како и секој друг американски пролетер - со тоа што навечер се враќаат во своите заедници, гледаат главно руски телевизии, готват руски манџи и пијат руски пијачки испоседнати по малите тераси. Но како и да е, американскиот сон не згаснал ниту за едните ниту за другите - наспроти повеќедецениското ривалство помеѓу нивната татковина и Америка.
Тајната врска постои и во обратен правец, па многу Американци фантазираат да имаат девојки Русинки. Но не само девојки туку и деца. Како поинаку да се протолкува податокот дека во изминатите дваесет години околу 60.000 руски сирачиња биле посвоени во Америка? Можеби овие руски дечиња ги краси бистрина што американскиот родител ја посакува во својот дом… А можеби овие деца ги посвојуваат руските емигранти, кои, од биолошки причини, не можат да имаат крвно потомство. Како и да е, илјадници руски сираци досега имале среќа од скудните руски сиропиталишта животот да го продолжат во едно, повеќе или помалку, средено општество.
Арно ама - толку им беше!
Неделава Советот на Руската Федерација усвои закон со кој на американските граѓани им се забранува да посвојуваат руски деца. За овој закон, во чија корист претходно се изјаснија пратениците од Долниот дом на рускиот парламент (Државната дума), гласале сите 143 пратеници од Горниот дом. Сега останува уште претседателот Путин да го потпише овој документ, па на сите оние што имаат американско државјанство да им се ускрати правото да имаат Русинче по дома. Односно, да им се ускрати шансата на руските сираци да го добијат она што го посакува секој руски тајкун, манекенка, писател или домаќинка - да отидат во Америка.
Е, зошто? Е, така! Не затоа што Америка е некое лошо место за живеење, не затоа што таму со децата постапуваат како во приказната за Јованче и Марика, не затоа што тоа е некое мрачно општество во кое учениците ги тераат да носат црвени шамии и да се поклонуваат пред мустаќлести (или, пак, тазе бричени) диктатори… Туку затоа што руските политичари во моментов им се лути на Американците заради воведувањето на таканаречениот законски акт „Магнитски“, со кој на руските политичари одговорни за смртта на адвокатот Сергеј Магнитски (починат во еден московски затвор заради даночна проневера) им се забранува влез во САД. Затоа руските пратеници одлучија: ако не можат нашите да одат таму кај вас, не можат ни вашите да земаат деца од кај нас.
Или што би рекле Србите - се налутил попот на селото, па си ја исекол онаа работа!
Само што во случајов не е Путин тој што си ампутира нешто себеси, туку тоа право им е ампутирано на оние на кои им е навистина потребно: на 740.000 руски сирачиња. Голем дел од тие деца, освен што немаат родители, немаат ни многу здравје - повеќето се инвалиди или, пак, страдаат од болести, чие лекување многу скапо чини во Русија. Сите до едно се повеќепати нудени на посвојување на руски родители - и сите до едно се одбиени (во сиромашното руско општество бројот на посвојувања е многу понизок од развиените западни земји, пред сѐ поради економските услови). Нивната единствена шанса за опстанок е да бидат посвоени од американски родители (за што веќе постои интерес, пред сѐ од богати филантропи и нивните добротворни фондации), со што ќе ги уживаат бенефициите на здравствената заштита изборена во текот на првиот мандат на претседателот Обама.
Арно ама, баќушка президент сказал њет!
Кога ќе прочитам ваква вест, во која големите моќници си ги мерат врз грбот на своите несреќни поданици, си велам: оној попот од српската поговорка можеби е будала - ама е барем високоморална будала, за разлика од будалите без морал што раководат со нашиот свет.
Авторот е режисер и сценарист
Автор: Дарко Митревски
http://www.novamakedonija.com.mk/NewsDetal.asp?vest=122812172323&id=13&prilog=0&setIzdanie=22768
A mozhebi ruskite vlasti imaat poinakva pretstava za polozhbata na decata vo Amerika, mozhebi imaat poinakvi statistiki od ovie shto ni gi kazhuva avtorot na gorenavedeniot tekst neshto vo stilot na "tra la la land" za decata vo Amerika.
Eve nekoi izvadoci od sajtot
http://www.childhelp.org/pages/statistics za polozhbata na decata vo Amerika.
Child Abuse in America
Children are suffering from a hidden epidemic of child abuse and neglect. Every year 3.3 million reports of child abuse are made in the United States involving nearly 6 million children (a report can include multiple children). The United States has the worst record in the industrialized nation – losing five children every day due to abuse-related deaths.
1
- A report of child abuse is made every ten seconds
- *More than five children die every day as a result of child abuse.2
- Approximately 80% of children that die from abuse are under the age of 4. 1
- It is estimated that between 50-60% of child fatalities due to maltreatment are not recorded as such on death certificates. 3
- More than 90% of juvenile sexual abuse victims know their perpetrator in some way. 4
- Child abuse occurs at every socioeconomic level, across ethnic and cultural lines, within all religions and at all levels of education.
- About 30% of abused and neglected children will later abuse their own children, continuing the horrible cycle of abuse. 5
- About 80% of 21 year olds that were abused as children met criteria for at least one psychological disorder. 5
- The estimated annual cost of child abuse and neglect in the United States for 2008 is $124 billion. 6