1.
Информирајте се за местото/земјата што ја посетувате. Колку и да звучи клише, многумина не го следат овој совет. Во време на интернет и милион сајтови за патување и препораки срамота е да не се одвоии саат време за најосновно информирање. Ќе испуштите многу убави работи, а може да нагазите на многу гадни.
2.
Носете го ранецот фронтално. На шетање сигурно ќе носите апарат, новчаник, а ако градот ви е и на проаѓање а не се сте сместени во близина, кај вас ќе бидат и пасошот, виза и други документи. Не сте ни свесни до кој стадиум се професионални џепарошите во странство, особено големите градови, нема ни да приметите дека сте обработени, дури и кога се џебови на пантолони или внатрешни џебови во прашање. Може изгледа смешно од страна гледано, ама од мое искуство нема посигурно.
3.
Ако е премногу добро за да биде вистинито значи дека не е. Излегувате во некој ноќен клуб и ви приоѓа згодна и атрактивна девојка која баш за вас се заинтересирала и баш со вас доаѓа да муабети. Вие сте на одмор и благо пијан, и мислите дека не може подобро да биде. После неколку скапи коктели девојката мистериозно исчезнува или веќе е на некое друго место со друг пациент. По кажувањата на мој другар кој долги години живееше во Прага, некои клубови вработуваат супер атрактивни девојки баш за тие финти. Поентата е ти да се напалиш како мајмун, она секако ќе бара нешто да пиете и тоа нешто нема да биде кисела вода туку ќе биде скап коктел кој секако ти ќе го платиш, а ќе мора и ти да ја дружиш со уште еден. 5-6 коктела, 50-60 евра, не е лош промет од еден човек за помалку од саат време работа. Во екстремни ситуации може да завршите и без бубрег, уште го памтам настанот со некој наш или од Балканот кој после ваква предобра приказна која кулминирала со секс, сабајлето се разбудил без бубрегот. Ќе ви се нудат дроги, проститутки, одлични курсеви за валути, супер евтини пијачки во некое сокаче на само 200 метра оддалечено. Ако не сте гледале ниедна епизода од Banged up abroad, редно време е.
4.
Извадете си патничко осигурување. Не е многу скапо а може и те како да ви се најде, нарочито на подалечни дестинации.
5.
Здравјето пред се. Ако примате некои лекарства, задолжително земете ги од тука каде што можете на плав картон отколку таму каде што коштаат ѓавол и пол. И да немате, не е лошо да си понесете барем основни лекарства за настинка по некој Парацетамол, оние што се за тегоби при патување, аспирин. За некои поегзотични земји треба вакцина поради некои нивни болести.
Друго што ми текнува е веќе спомнато на темата. Во главно најбитно е информирањето. Пример некој музеј можеби во вторник е бесплатен за посетителите а во други денови се плаќа колку еден солиден ручек. Ќе заштедите, ќе направите поубава организација на рутите наместо да губите време и пари на одење натаму-наваму па после пак во истиот правец за џабе.
Друго е се ситници, ама па некои ситници злато вредат. На пример оние перничињата што се како потковица, ги има памучни и на дување
На едно мое подолго автобуско патување мака мачев со спиење во автобус и укочен врат и рамења. На враќање назад купив едно вакво на дување 2 евра. Цел пат после сум ги благословувал и перничето, и тој што ја произвел, и продавницата и продавачот каде што ја купив. Најдобро потрошените 2 евра во мојот живот.
