Предмети кои би требало да се укинат или изменат

[Sagan]

Кога после завршено средно обрзование, ќе се свртите назад и ќе забележите на кој начин секој наставен предмет дејствувал во изградувањето на одредени елементи и ставови од вашата личност, дали сте зажалиле што некој предмет воопшто сте го имале, сте одвојувале време за да ја заработите оценката, и после тоа сте заклучиле дека тој само вградил негативни погледи кон светот и неговите делови или бил толку непрактичен, што не наоѓа никаква примена во вашиот натамошен живот?

На пример, мене предметот историја ми делуваше толку негативно, што во тинејџерските години имав развиено толку силни националистички чуства, што некои наши соседи ги мразев толку многу... човек страв да го фати. Та ние сме ти биле мирен народ, нас сите не окупирале, поробувале...

Значи, ваквото перење мозок кај децата во основно и средно е многу лесно. Детскиот мозок впива како сунѓер, а стекнатите ставови подоцна тешко се менуваат, толку тешко што го поматуваат умот и те претвораат во машина-робот спремна да служи на државата, која претходно те одраснала за тоа.

Е сега, некој е способен со подоцнежно занимавање со проблематиката, своите ставови да ги смени и да се оттргне од пропагандната машинерија на државата, но повеќете луѓе продолжуваат да живеат со таква состојба на умот, која е штетна и за нив и за добробитта на општеството. Па имаме беспредметна национална и верска омраза, философско-религиозно слепило, генерации произведени според шаблонот зацртан од власта, во име на власта и во нејзина корист.

Друг случај е предметот латински јазик. Еден средношколец на свои 15 години едноставно нема претстава што се тоа деклинации, па учењето на наставки е апсурдно губење драгоцено време и учење на памет, кое не само што не е продуктивно, туку напротив.

Наместо предметот да се реформира и да се изучуваат зборовите од латинско потекло кои се употребуваат во нашиот јазик и интернационално, со учење на соодветниот превод на македонски, учениците се заглавени во некаков круг на преведување текстови посветени на Римска Империја, барање наставки од падежи и обидид за склопување на глупавите реченици. И 5 години потоа, ќе се сеќаваат само на -а, -ае, -а, -а... а нема да знаат што е еманација, дедукција, CV...

Ваши ставови?

 

[Peaceful Anger]

Добра тема

Да многу од предметите (најголемиот дел) нема да имаат никаква примена во нашиот натамошен живот и многу од тоа учење нема смисла. Ама ке кажам дека сегде е така и перфектен систем неможе да има, секогаш ке има некој предмет што на некој ке му нема смисла.

И уствари цело образование до факултет и не е толку за стекнување на знаење колку шо е за вежбање на мускулот за стекнување на знаење т.е мозокот.

А историјата си е матна и многу субјективна и секоја држава си ја пишува како што сака, финтата е шо коа си тинејџер професорот и книгата ти се господ и до покасно не сфаќаш дека има и друга страна на приказната.

 

[_JIGSAW_]

На пример, мене предметот историја ми делуваше толку негативно, што во тинејџерските години имав развиено толку силни националистички чуства, што некои наши соседи ги мразев толку многу... човек страв да го фати. Та ние сме ти биле мирен народ, нас сите не окупирале, поробувале...

Значи, ваквото перење мозок кај децата во основно и средно е многу лесно. Детскиот мозок впива како сунѓер, а стекнатите ставови подоцна тешко се менуваат, толку тешко што го поматуваат умот и те претвораат во машина-робот спремна да служи на државата, која претходно те одраснала за тоа.

Ваши ставови?

После три години од завршување на средно , јас сеуште си ги мразам нашите соседи.
Па да му се сневиди, коа викам по него се прави дека не слуша демек глув е ,стар е, коа пуштам музика одма на врата доаѓа да ја намалим.
А тој другиот што го мразев(порано сега не), неговото куче како трета смена да беше лаеше од 00:00 до 05:00.
Ама the dog has left this world така де сеа почнав и муабет да му праам(само здраво )

 

[FortuneTeller]

Математика у 3-та и 4-та гимназиско да се укине сместа

 

[AlternativeF]

Јас мислам најдобро да се укинат сите предмети! Не, најдобро да се укине образованието воопшто, затоа што никому не му е потребна општа култура и знаење од повеќе области, и да се создаде еден совршен систем ист како оној во филмот "Idiocracy". Tака нашата младина ќе израсне во совршено добро просперитетна и воспитана нaција!
Можеби сега како средношколци/основци мислите дека предметите немаат никаква практична примена, но со учењето на секој предмет си ги развивате мозочињата, се надградувате себеси и се издигнувате ниво повисоко. Да, факт е, и јас мислев дека непотребно губење време ми беше кога учев колку тони индустриска пиперка се произведува во Македонија или колку овци имало, но не може врз основа на она што мислиме дека ни е личен интерес во период кога од денес до утре ни се менуваат ставовите да разграничиме кој предмет не е потребен. Да не бил потребен - немало да стои во програмата.
Низ досегашното искуство, како што сум се среќавала со странци кои учеле во систем на образование кој им овозможувал да "прескокнат" одредени предмети, се посвесна станував колку е во суштина подобар нашиот систем на образование и дека е замислен да создаде интелектуалци од учениците и студентите. Сега, кој колку ќе се пронајде во него или колку ќе го искористи или на часовите ќе седи на интернет и ќе блее во празно, тоа е друга работа.
Disclaimer: Зборувам за системот на образование по кој јас учев, не за овој сегашниот зашто сега состојбата е карикатура на она што порано беше. Да не звучам како бабускера, но мислам дека заклучно со мојата генерација имаше образование кое добро функционираше. Сите оние програми кои се појавија после, "чекор по чекор" и сличните програми, како и (помалку или повеќе, чест на исклучоците) сите нови учебници кои ги напишаа на две-на три и ги објавија само за да се сменат старите, се полни со глупости. Мислам дека во моментов дефинитивно постои конфликт помеѓу желбата да се осовремени системот на образование и реалните капацитети кои ги имаме како земја за да го направиме тоа.

 

[Sagan]

AlternativeF, јас зборувам од аспект на човек кој пред неколку години завршил средно, а знам дека повеќето средношколци не би сакале ниеден предмет да имаат.

Ти зборуваш за пиперки и овци, и тоа е во ред.
Јас спомнав пример со историја, која не е ни пиперка да ја ставиме во шопска, ниту овца да ја измолзиме. За мене предметот историја е чист отров, машина за перење мозок, синџир со кој ни го заклучуваат мозокот и не тераат да имаме негативни чуства кон цели едни нации за нешто што се случило пред 60, 100, 1000 години. Тоа е инструмент со кој државата создава послушна војска, повикувајќи се на настани од минатото.

Предметот историја, онаков каков се изучува сега, треба да се вика “Историја на војните“, бидејќи освен за кралеви, војски, освојувања, светски војни, атентати и политика, ништо друго нема.

Како ти мислиш дека еден ваков предмет (каде уметноста, науката и културата се исфрлени, како да не се историска категорија), дејствува врз психата на младите, споредено со твоите пиперки и овчички?

 

[AlternativeF]

Како ти мислиш дека еден ваков предмет (каде уметноста, науката и културата се исфрлени, како да не се историска категорија), дејствува врз психата на младите, споредено со твоите пиперки и овчички?

За уметност има предмет кој се вика Ликовна уметност, на часовите по тој предмет ние учевме за историјата на уметноста, како и предметот Музичко образование во чија програма се изучуваше историјата на музиката. Не го коментирам начинот на кој тоа се предава и колку учениците всушност обраќаат внимание на овие два предмета.
Науката, во мое време, се учеше во историја и во самите предмети (физика, хемија, биологија) имаше лекции кои се викаа "Историја на __________" и кога ги учевме лекциите за битните научни откритија, беше објаснета нивната историја.
Не знам по кои книги сега се учи историја и што има во тие книги, но во учебниците по кои јас учев не се промовираше етничка нетолеранција ниту беа видливо изразени ставовите на авторите кон соседните народи. Беа наведени историски факти, нивното толкување е проблемот и тоа зависи од професорот кој ја предава лекцијата.
Во предметот историја има многу повеќе од само војни, кралеви, атентати и перење мозоци. Сепак, многу зависи од професорот кој ти предава, училиштето во кое учиш/си учел, како и од тоа колку е твојот мозок подложен на сугестија и каков е твојот иницијален став кон тие нешта.

 

[Пепси_]

Историјата да се укине благе веза нема ни го перат мозокот и сакат да станиме политичари,англискиот да се уче од 1во одделение (како што е сега мислам),географија да биде изборен,ликовно и музичко да ги нема (или изборни). Најмногу ми смета што има стари професори и наставници што врска немат од животот и не се поставуват како родители со учениците и не им навлегуваат во психата едноставно крекат ќе ти ставам единица и мислат сета ја решиле.

 

[Gogi-ManUtd]

Ликовно и музичко во прва година. Ај разбирам да се учат овие предмети неколку години во основно, еве нека се 4-5 години, ама па 8 години и + 1 година средно е многу за такви глупи предмети. Ако сака некој да е музичар има средно музичко и то е то.

 

[Lurtz]

Да се укине физичко, да се укине и факултетот за физичко. Кога ќе ги прашав децата што правеа -ни дадоа топка, игравме фудбал...за таков фудбал не треба предмет, не треба професор, ниту големи пари за факултетот. Физичко требаше да има друга намена, можеби и има во некои школи друга намена, ама воглавно е утнато.

 

[Torchyrus]

Да се укине физичко, да се укине и факултетот за физичко. Кога ќе ги прашав децата што правеа -ни дадоа топка, игравме фудбал...за таков фудбал не треба предмет, не треба професор, ниту големи пари за факултетот. Физичко требаше да има друга намена, можеби и има во некои школи друга намена, ама воглавно е утнато.

Од една страна си во право , ама сепак физичко не е час на кој треба нешто да се научи тоа е во главно час за рекреација и опуштање , сепак има некои професории кој ги тераат децата на по обемно вежбање та дури некои и книги им бараат па и тестови прават ...
Е сега ако се укине факултет за физичко кој тогаш ќе биде професор ? служителите ?
И јас од мое лично искуство потврдувам дека повеќето од професорите само им даваат топка на децата и ги пуштаат како овци да трчаат и шутираат низ училишните сали и игралишта .
Еве на пример мојот професор по физичко е еден од тие кој ни дава топка на кој му се игра, игра на кој не си оди од час и никому ништо , додека пак другиот професор кој предава на другиот клас и имаме заедно физичко ги тера да носат опрема (во спротивно им става неоправдан ), прават вежби , не играат фудбал и не шутираат ко ненормални секој час итн итн . Значи се зависи до професорот според мене не треба да се укине физичко и факултетот за физичко туку треба да се превземаат по ригорозни мерки за контрола на професорите .

 

[milika]

Ликовно и музичко во прва година. Ај разбирам да се учат овие предмети неколку години во основно, еве нека се 4-5 години, ама па 8 години и + 1 година средно е многу за такви глупи предмети. Ако сака некој да е музичар има средно музичко и то е то.

Предметите музичко и ликовно образование во средните училишта не се изучуваат со цел сите ученици да станат музичари или ликовни уметници, туку за да бидеме запознаени со извонредните достигнувања на човештвото во овие сфери, што спаѓа во некое општо образование кое секој од нас повеќе или помалку треба да го поседува.

 

[Kaiser]

Што е до мене 90% од предметите би ги укинал а останатите би ги реформирал драстично.

Во основно не би смеело да има повеќе од 3 до максимум 4 часа на ден. Математика, физика, хемија за првачиња никако туку нека бидат изборни предмети САМО за ретко талентирани.

Главен акцент би ставил на физичко воспитување составено од гимнастика, борбени вештини и колективни спортови. Остатокот од времето на уметност и музика. Сите останати предмети би ги ставил во еден предмет каде професорот би ги раскажувал лекциите како приказни без оценување и без присила да мора да се биде присутен. На кое дете не му е интересно не мора да присуствува но на физичкото МОРА. Оценки нема да има во основно школо ниту паѓање.

Наместо уметност читање стрипови и гледање цртани филмови и дискусија по истите.

Многу честа настава во природа со кампување и логорување.

Во средно програмата би била слична на оваа:

Борбени вештини пракса
Борбени вештини теорија
Вежби за сила и еластичност
Вежби за кондиција
Телесно здравје и хигиена
Природно лечење и превентива

Како да се развие креативниот потенцијал (пракса и теорија)
Кака до успешни финансии (пракса и теорија)
Како да водите приватен бизнис (пракса и теорија)
Како да се развие психичкиот потенцијал (пракса и теорија)
Развој на енергетскиот потенцијал (теорија и пракса)
Меѓусебна комуникација помеѓу мажите и жените (теорија и пракса)
Како да не бидете манипулирани
Како до успешна мотивација
Брзо читање
Супер меморија

Музика (се слуша и се свири музика од класика до поп рок, се дискутира за слушнатото или се вежба одбраната композиција) - факултативен
Уметност (пракса и теорија) - се изучуваат и се дискутираат најпознатите уметнички дела - факултативен
Литература - се читаат класики и модерна литература и се дискутира прочитаното - факултативен

Историја и географија - мултимедијален концепт каде преку нови технологии им се пренесуваат знаењата на учениците - факултативен (се учат Херодотова историја, антички митови, Епот за Гилгамеш, географија од антички писатели, Најинтересни факти за секоја земја и најубави знаменитости во истата, 100 знаменитости кои мора да се видат, итн)

Јазици - 2 изборни јазика исклучиво преку мултимедија и конверзација

Математика, физика и хемија - факултативно

Може нешто испуштив ама ова на брзина ми текна .

 

[Lurtz]

Од една страна си во право , ама сепак физичко не е час на кој треба нешто да се научи тоа е во главно час за рекреација и опуштање , сепак има некои професории кој ги тераат децата на по обемно вежбање та дури некои и книги им бараат па и тестови прават ...

проблемот со другите предмети не го дискутирав пошто одамна не знам што се учи и по каков систем (не им се мешам на синовите во школо). Во теретана гледам дека на младите им фалат повеќе аеробни активности, со физичката подготвеност се многу назад, а е многу битен фактор за здраво население (пример ако погледнеш од авион над Берлин, ќе видиш едно чудо фудбалски терени). Може сите оние средства што ги даваме за теретани, базени може да влезат во склоп на физичката култура. Пример, наместо за синот да давам целосна сума за пливање и фитнес, може групно истата да се намали до 50% на име на масовност од цело училиште. Трипати неделно фитнес, двапати пливање и двапати трчање, можеби еднаш месечно тенис... ќе даде здрав спремен возрасен човек за придонес кон државата и семејството затоа што физичката активност е од голема помош за умствената. Како пример за измена на умствена и физичка концепција, големите шаховски мајстори големо внимание му даваат на физичкиот дел (пливање, тенис, трчање).Едноставно млитав и поспан човек потешко размислува, токму заради биохемиските процеси кои (не) се одвиваат во организмот заради одредени не/активности.
Да не должам, сепак ова е само мое мислење, а ми се допаѓа во глобала она што го има предложено Кајзер како концепт и распоред (само би дополнил по мој избор -џудо како еден добар спорт со добар концепт). Со задоволство би запишал ваков систем на школување.

 

[Kaiser]

Да не должам, сепак ова е само мое мислење, а ми се допаѓа во глобала она што го има предложено Кајзер како концепт и распоред (само би дополнил по мој избор -џудо како еден добар спорт со добар концепт). Со задоволство би запишал ваков систем на школување.

Џудо би се изучувало во склоп на борбените вештини првата година средно, значи од сите популарни вештини по малку теорија и пракса за општо запознавање а од втора година секој ученик бира една до две вештини како главен предмет кои би ги изучувал по желба и на факултет.

Значи кој одбере џудо како главна вештина ќе има прилика да го тренира 7 години што е феноменално за физички и психички развој .

Ќе ставев и пливање во вежбите за кондиција ама немаме базени по школите и затоа го испуштив .