FILM CLUB (КРУГ 5) (198. Le conseguenze dell'amore / The Consequences of Love: 13.05-26.05.2024)

[Violetova]

Го гледав одамна, и немам време да го изгледам пак, заради притисок на времето во моментов.
А чекав со пишување оценка, мислејќи дека ќе најдам пак време, ама ми го нема (времето).
Оценка 7/10

 

[Zlatikevichius]

Falling Down го гледаа дури 13 души и му дадоа средна оценка 8,0 , што е уште едно израмнување на највисоката оценка во кругов. Го испуштија:

- @grande-juve - прв неизгледан
- @Shutmanga - трет неизгледан (црвен картон)
_________________________________________________________________________
Да резимираме за третиот круг:

Гледавме 16 филма.
Вкупно 18 форумџии учествуваа во кругот.
188 рецензии напишани.
7,35 просечна оценка за филмовите во кругот (многу повисока од претходниот круг, таму беше 6,77)
Сите 16 филма ги гледаа: @moongoses , @Џонтра Волта и @The Cooler King .

-највисоко ги оцениле филмовите, и средни оценки:

@wot - 8.50​

@Manga - 8.42​

@123456 - 8.07​

@Anon - 8.00​

@Darklady - 7.93​

@Zlatikevichius - 7.66​

@Комита Ултрас - 7.45​

@Варвара - 7.33​

@Miss.Independent - 7.23​

​

-најниско ги оцениле филмовите, и средни оценки:

@The Cooler King - 7.21​

@moongoses - 7.18​

@grande-juve - 7.10​

@frizider - 7.10​

@Violetova - 7.07​

@Shutmanga - 7.00​

@Gazpapir - 7.00​

@Imperatorot - 6.83​

@Џонтра Волта - 6.65​

-најгледан филм: Lock, Stock and Two Smoking Barrels на @frizider - 15 гледачи
-најмалку гледан филм: The Mission на @Darklady - 8 гледачи

-највисоко оценети филмови: La Belle Epoque на @Варвара , Central Station на @Imperatorot и Falling Down на @Manga - сите 3 со оценка 8,0
-најниско оценет филм: The Mission на @Darklady со оценка 6,2.

Наскоро ќе следи нова тема во која ќе продолжиме привремено во четвртиот круг, а по извесно време истата ќе биде споена со оваа.

ЧЕТВРТ КРУГ: https://forum.kajgana.com/threads/film-club-КРУГ-4-185-where-the-wild-things-are-26-11-19-11-2023.117175/

 

[Zlatikevichius]

Се роди на 25 декември 2015, и еве не уште со него, скоро 8 години подоцна! За овие 8 години гледавме 184 филма, напишавме нешто повеќе од 2052 рецензии, учествувавме преку 50 различни членови на форумов во одредени делови од Клубот, испишавме 358 страници со 5 356 мислења... И создадовме спомени од кои дел ќе се памтат вечно!

Ова е почетокот на четвртиот круг по рестартот на Клубот! Или вкупно 14 круг од основањето на Клубот! Сакате да бидете дел од едно интересно друштво на филмски ентузијасти кои заеднички чекорат низ филмските скалила? Многу едноставно можете да се приклучите - се што треба да направите е да имате волја, да ги прочитате правилата од подолу и на секои 2 недели да гледате по 1 филм и да напишете кратка рецензија за истиот тука.

Сега за сега продолжуваме во нова тема, со надеж дека ќе привлечеме и нова, свежа крв, но, по некое време истава ќе биде споена со оригиналната тема на Film Club-от која моментално стои заклучена, и ќе продолжиме таму, за што навремено ќе бидете информирани. За сите оние кои не знаат за што се работи, еве и линк до ПРВИОТ FILM CLUB.

Правилата... :

1. The first rule of Film Club is: you do not talk about Film Club!

2. Како клубовите на читатели. Идентично! Сите гледаме еден ист филм (поточно - иста верзија на еден ист филм) и потоа го коментираме истиот.

3. Секој кој сака може да стане член на клубот! Потребно е само да имате волја, и да одвоите по 2 часа време на секои 2 недели за да изгледате еден филм предложен од некој од членовите на Film Club (FC).

4. Да, исто како и во читачките клубови, и тука самите членови на FC ќе ги предложуваат филмовите. Првиот филм во овој трет круг го предложувам јас. Следните предложувачи се оние кои останале на листата активни членови на Клубот од претходниот круг, ова е листата:

1. @Zlatikevichius
2. @Комита Ултрас
3. @moongoses
4. @grande-juve
5. @Џонтра Волта
6. @Violetova
7. @The Cooler King
8. @123456
9. @wot
10. @Miss.Independent
11. @frizider
12. @Imperatorot
13. @Darklady
14. @Manga

Следни, по 14 предложувач ќе бидат оние кои први ќе го гледаат мојот филм и ќе напишат кратка рецензија тука, по истиот редослед по кој ќе ги напишете рецензиите. Секако, доколку било кој од предложувачите на оваа листа го прекрши членот 12 (види подолу), му се одзема правото да предложува и се префрла на дното на листата, па доколку се врати во клубот, ќе предложува последен. Листата на членови и редоследот по кој ќе предложуваат филм ќе ја најдете тука: ЛИСТА НА ЧЛЕНОВИ НА FILM CLUB, истата се update-ува по секој предложен филм.
NOTE: Секој предлог за филм ќе биде прво разгледан од моја страна, како креатор на клубот. Ова - со цел да не ни изумрат милиони мозочни клетки ако некој предложи нешто како „Патот на кенгурите“, што еднаш се случи. Доколку некој од предложувачите се обиде да нѐ истрола на таков начин, ќе биде трајно баниран од клубот.

5. Предложениот филм МОРА да може да се најде за download преку некој од тракер сајтовите во минимум 720p. резолуција (HD). Секако, по договор, некои исклучоци може би биле дозволени (пример, ако станува збор за македонски филм (каков што веќе сме имале), или авторски филм кој уште немал премиера (нешто што @Setsuko еднаш ни овозможи) и сл.).

6. Имајте разбирање за предлозите, почитувајте го мислењето на другиот. Да не се расправаме со муабети од типот - леле колку глупав филм, јас не го гледам!

7. Ова е Letterboxd листата во која еден по еден ќе бидат додавани филмовите за некој кој ќе се вклучи подоцна во клубот да може да нѐ следи што сѐ сме гледале, па ако сака и да изгледа. Тука се веќе ставени претходните 168 предложени филмови. Продолжуваме надолу од 169. Линк до листата: http://letterboxd.com/zlatikevichius/list/film-club/

8. Доколку некој веќе го има гледано предложениот филм, препораката е да го репризира додека го гледаме сите, затоа што и репризите се бројат во Moviespotting. Но, ако го гледал скоро и се сеќава доволно добро, или не сака да го репризира, а напише рецензија за истиот, нема да има никаков проблем, и истите рецензии ќе се бројат.

9. Што ќе постигнеме со клубов? На вашите изгледани филмови ќе додадете бројка од 26 нови (52 недели во годината = 26 филма), ќе научиме нешто ново за светот на филмот и ќе се дружиме разменувајќи ги нашите ставови за филмовите што ќе ги гледаме.

10. Темава ќе биде spoiler free, што значи не ја отварајте пред да го гледате филмот!

11. Нормално, правилата на форумов важат и во темава, затоа be careful!

12. За еден предложувач да има право да предложува филм следен, кога ќе му дојде редот, мора да има изгледано и напишано рецензија за минимум 1 филм од последните 3 предложени, и минимум 3 од последните 10. Во спротивно, го губи правото да предложува се додека не бидат задоволени овие два услова.

13. Почнуваме: ВЕДНАШ!

Најпрво би сакал уште еднаш да се заблагодарам на сите кои зеле учество во работата на Клубот, па макар и со само еден гледан филм, и да ги поканам уште еднаш да се вратат назад во најкул дружината на форумов: @Anon , @Варвара , @Shutmanga , @Gazpapir , @Dumbledore , @devilko , @Setsuko , @Corvus , @zmija1 , @__Vita____ , @Erich Zann , @ob1 , @Васил МКД , @Leo Bonnie , @Tyler Durden , @bobipp , @SK-92 , @Shawn Spencer , @Daedalus , @Хефест , @santelli , @џимеј , @Хоуп , @ManUtdChampions , @ElNinho , @dragonsky , @1307 , @Viollet , @Saladin , @Vlatko_Gjorce , @whatto , @Iceboy , @Patience. , @Bojan Van Buuren , @MyloXyloto , @Zarniwoop , @Goodfella , @Толстој , @Донев , @dejan_k , @wicked_1 , @ob1 , @Spiegel , @RectumAnale , @AceCaleb , @Krk1 , @marinetti , @Hurin , @Carax , @Chovek , @AniMagus , @K!KI и @beaverknight
_______________________________________________________________________________________________________

185. Where the Wild Things Are - Spike Jonze (2009)
предложувач: @Zlatikevichius , 06-19.11.2023



Ова е филм кој ми беше во првата листа од 5 филма, заедно со Harvie Krumpet, уште за моето прво предложување во 2016. Од тогаш многу пати ми паднал на памет да го предложам, но се некој друг излегувал „посилен“. Затоа овојпат одлучив воопшто да не размислувам дали овој или оној - мора да е Where the Wild Things Are!

Да бидам искрен, ме одвраќаше и помислата дека нема да се допадне на многумина, зашто не е баш нешто едноставно (иако е во суштина - детски филм, или филм за деца). Но филмов е и многу повеќе од тоа. Кога прв пат го гледав бев запрепастен од тоа колку гротескно се претставени суштествата во филмот, но истовремено баш онака како што во мојата фантазија постоеја кога бев дете. Како да ми брцнале во мојата глава и од неа го извадиле цел тој свет, или како да местото „Каде што живеат дивите нешта“ е токму мојата глава. Знам дека кога ќе го гледате ќе се прашувате: „какви се овие глупости?“ или „што по ѓаволите јас гледам“, но тоа ќе биде така само ако премногу сте пораснале. За сите оние кои уште го чуваат детето во себе, овој филм ќе биде полн погодок. На Letterboxd следам еден филмски ентузијаст кој го имаше перфектно опишано во неговата рецензија, која парафразирано би гласела:

„Денес на мојот четиригодишен син му го купив првиот Lego комплет. Беше некој сноумобил за истражување на Арктикот. Возбудено го отворивме пакетот заедно и ги истуривме коцките. Мојот одбивен инстинкт на возрасен веднаш се подаде и посегна по инструкциите. Па почнавме да градиме и јас да го поправам син ми, по што ми рече - тато, јас сакам сам! Го погледнав, со милионите можности кои се исцртаа во неговите очи и му дозволив да продолжи сам. По кратко ми рече дека е готов. Направи нешто гротескно, Франкенштајн сноумобил. Но беше толку горд и веднаш почна да измислува приказни за сноумобилот. Вечерта, сам, се најдов себеси како го репризирам филмов. И одеднаш се во него почна да има многу повеќе смисла!“

Затоа, кога ќе гледате, сменете ги очилата. Ставете ги оние, детските. Верувајте дека ќе уживате! No need to thank me later!

 

[frizider]

Where the Wild Things Are

воведот беше многу добар, делот кога се запознаваше со суштествата беше мех, а остатокот исто многу добар. Имаше некои цитати кои може да се извлечат како поука (не само цитати, туку целиот филм може), тоа ми се допадна дека во денешниве филмови за деца тешко дека некоја поука ќе извечеш.
8/10

 

[Violetova]

Where the Wild Things Are
5/10

Знам дека кога ќе го гледате ќе се прашувате: „какви се овие глупости?“ или „што по ѓаволите јас гледам“, но тоа ќе биде така само ако премногу сте пораснале.

Изгледа детето во мене пораснало до тој степен што не ми легна филмчето.
Ептен ми беше детско, како приказна со чудовишта за заспивање на дете.

 

[The Cooler King]

Where the Wild Things Are (2009)

Филмов го дознав за прв пат поради режисерот кога му ги гледав неговите филмови, овој му беше најнепопуларен. Имам измешани мислења за сите негови филмови, па може и тоа да влијаеше на моето мислење за овој филм.
Многу сакав да го гледав како дете филмов иако и сега ми остави силен впечаток. Не ми беше воопшто лесен за гледање, на моменти дури премногу тажен.
Суштествата ми беа баш интересни како изгледаа, баш детски.
Не знаев и сеуште не знам што оцена да му ставам на филмов, едноставно ми се допадна ама на чуден начин па така би размислил на кого би го предложил да го гледа, не е филм што би им се допаднал на многумина.
Ама бидејќи морам да ставам оцена, ќе добие 7/10 од мене.

 

[123456]

Детево од старт -2 оцена му кине многу лошо одглуми, а некаде читав во тоа време многу проблеми им правел на снимање, затоа и сум го прескокнал

5/10

 

[moongoses]

Where the Wild Things Are (2009)

Филмов е некаков амалгам помеѓу Бескрајната приказна, Нарнија, Мостот за Терабитија, Легенда за чуварите и уште неколку други со слична тематика.

Обично се работи за дете (или деца) кои на некој начин се префрлени во некаков бајковит свет и таму се среќаваат со некои добри некои лоши фантастични ликови и по извесни авантури и перипетии, поискусни и позрели се враќаат назад.

Така и овде, малиот бунтовен и темпераментен лик пристига до еден остров на кој живеат некои необични суштества, започнува авантура и стекнува пријателства.

Чудовиштава, не знам како да ги наречам, изгледаа многу добро. Баш како некоја напредна и современа верзија од чудовиштето од Мапет шоу. А баш од таа работилница и ги работеле куклите.

Гледливо, со убава музика, но не можам да одредам која е целната публика за филмов. Не е баш за мали деца, а не е ни за поголеми. Исто како што не можев да ја одредам и возраста на суштествата, дали беа деца или беа возрасни. Најверојатно беа на различни возрасти.

Баш ме интересираше што јадат, ама не ми ја задоволија љубопитноста.

7/10

 

[Zlatikevichius]

Се враќаме назад во старата тема.

 

[Џонтра Волта]

Себично и распрдено дете, лигле, љутко кое сака да биде центар пажња ќе почне да плаче откако другарите на сестра му, играјќи се низ снегот ќе му го срушат иглото кое овој го напраи, па откако сестра му нема да изреагира на тоа, ќе и ја демолира собата. Нешто покасно, кога мајка му која е разведена, на вечера ќе донесе нејзин пријател/дечко, мочково ќе напраи сцена и ќе ја посрамоти мајка му пред него пошто никој не му обраќа внимание. Ќе избега од дома и некако со еден чамец ќе се пушти низ отворена вода и ќе залута на еден остров каде живеат едни смешни чудовишта. Сакајќи да го изедат и уништат, малиов им вика дека е крал и има некои моќи. Овие ќе му поверуваат и таму нешто ќе се дружат ќе живеат заедно бла бла бла тука веќе тотално го одјебав филмов и чекав само да истече времето.

Глупости у најмала рака.
4/10 оценка.

 

[Zlatikevichius]

Дедо Џонтра ^^

 

[Darklady]

Where the Wild Things Are (2009)

Макс би го опишала како прилично размазено и непослушно дете, а филмов би го опишала како необичен.
Ми се допадна спојот на предадолесцентната фрустрација, семејните проблеми, преку превземањето одговорност за своите дела, до спознавањето на тоа дека не постои перманентна среќа.
Детево ми беше крајно нехаризматично, со чудни гримаси и не знам зошто, ама ептен ме потсетуваше на машка верзија на Грета Тунберг

7/10

 

[Zlatikevichius]

Where the Wild Things Are

Пак уживав во филмчево! Мене не ми беше иритантно детето како на мнозинството тука, напротив. Сите деца се такви, имам 2 дома, едното на приближно иста возраст како Макс. Не сте имале ситуација кога детето ќе почне да вриска, писка и плаче само зашто си го погледнал, изгледа, па затоа викате дека бил разгален. Макс сакаше само другарче за да си игра, ама сите беа премногу зафатени за него. Тантрумот на Макс почна кога виде дека мајка му „си нашла друго другарче“, а претходната вечер му велеше дека не може да си игра со него, зашто имала работа. Затоа се качи на масата и рече: „ќе те изедам“. Затоа избега и од дома (денеска ја прочитав и книгата за деца на Морис Сендак по која е направен филмот, таму се заклучува во сопствената соба и истата се претвора во во шума). Како и да е, верувам сфативте дека детето не отплови на некој остров некаде далеку, далеку, туку дека беше блиску до дома, но островот и дивите нешта беа плод на неговата бујна имагинација. Јас пак ќе речам - мене врв ми беа чудовиштата, баш како излезени од мојот ум. И моите чудовишта беа страшни, се додека не им пријдов и ги запознав, исто како Макс. Тогаш сфатив дека се тажни зашто нема никој кој сака да си игра со нив. Не знам што би додал, навистина, за мене преубав филм - 9/10

@Комита Ултрас , @grande-juve , @Miss.Independent , @Imperatorot и @Manga - денес е последен ден за Where the Wild Things Are.

 

[Miss.Independent]

Where the Wild Things Are (2009)
6/10

Ниту као дете ниту па сега сакам филмови со некои вакви суштества но Макс стварно долови едно типично дете што не знае како да се справи со лутина и мал милион вакви ги имам видено што лупаат, кршат кога не е по нивно.
Лесно, океј филмче ништо посебно.

 

[Violetova]

Нема нов предлог?
Понеделник е веќе 3 попладне