@cool@
Η Μακεδονία δεν είναι Ελληνική
- Член од
- 2 јуни 2007
- Мислења
- 23.601
- Поени од реакции
- 27.109
Во организација на Матицата на иселениците од Македонија, Светскиот Македонски Конгрес и Сојузот на Македонците од Егејот „Македон", на 2 август на Илинден, во подпелистерското Трново, битолско, ќе се одржи Триесет и осмата традиционална Светска Македонска Средба Трново 2009.
Очекуваме масовна посета на Македонците од сите делови на Македонија и иселениците од Македонија.
Истовремено, очекуваме присутните да ги поздрави претседателот на Владата на Република Македонија господинот Никола Груевски. На средбата поканети се речиси целиот дипломатски кор, пратеници, министри, градоначалници и советници.
Присутните ќе ги поздрават и градоначалникот на Битола Владимир Талевски, претседателот на Матицата на иселениците од Македонија Иван Џо Петрески, претседателот на Сојузот на Македонците од Егејот „Македон" Ташко Јованов и претседателот на Светскиот Македонски Конгрес Тодор Петров. Средбата ќе ја благослови митрополитот преспанско-пелагониски и администратор австралиски Неговото Високопреосвештенство г. Петар.
Подготвена е богата културно-уметничка програма во која ќе учествуваат КУД „Рудина" од Битола, КУД „Гоце Делчев" од Битола, КУД „Распеана гајда" од Сандански, КУД „Пирамида" од Охрид, градскиот хор од Прилеп, Сузана Спасовска, Крум Спасевски и Ристо Краповски.
Во црквата „Успение на Пресвета Богородица" во Трново од 8 часот ќе се одржи богослужба на која ќе чиноначалствува митрополитот г. Петар, од 9.30 часот во истата црква ќе се служи панихида за сите упокоени, загинати и убиени знајни и незнајни јунаци и борци за Македонија, а програмата започнува од 10.30 часот.
Македонското прашање е интегрално и универзално, а не парцијално и сепаратно, и затоа најголемиот број македонски здруженија обединети во Сојузот на Македонците од Егејот „Македон" масовно ќе учествуваат на Илинденската Светска Македонска Средба во Трново. На тој начин ќе ги вратиме традициите кога пред 38 години до 1980 година во Трново се одржуваше една и единствена Македонска средба. Не сме ни Егејци, ни Пиринци, ни Вардарци. Ние сме Македонци и затоа го поддржуваме одржувањето на една единствена Светска Семакедонска централна прослава за најголемиот македонски празник Илинден. Затоа и годинава на 2 август ќе бидеме во Трново.