Фудбалерот на Фулам од средниот ред, 30-годишниот Џими Булард, ги помина медицинските прегледи и потпиша за Хал откако клубовите вчера постигнаа договор. „Ова е амбициозен потег, но е знак колку е сериозен нашиот директор Пол Дафен, колку е сериозен Фил Браун и колку е сериозен Хал Сити во врска со Премиер лигата“, изјави менаџерот на Хал, Фил Браун.
Тренерот на Фулам Рој Хоџсон признава дека му е жал што ѕвездата си оди.
„Разочарувачки е што го губиме Џими. Цело време велиме дека би сакале да ги задржиме сите наши играчи, но можноста Џими да си отиде беше тука цело време“, вели Рој Хоџсон.
Тој бараше договор каков што ние не можевме да му понудиме. Им честитам на Хал и Џими за добивање на договорот што го посакуваше“, додаде Хоџсон.
Во меѓувреме египетскиот напаѓач Мидо потпиша со Виган, а со позајмениот договорот му се овозможува да остане на „Џеј Џеј Би“ до крајот на сезоната.