Непостоењето на копнена граница меѓу Израел и Иран наметнува употреба на авијација, дронови, крстаречки и балистички проектили. ПБР и ракетна артилерија се надвор од игра ради домет.
Со што тоа располага Иран во вид на воено воздухопловство?
Ловци-пресретнувачи има околу 200 во прва линија и 100-тина во резерва/ротација.
Постојат две ескадрили од легендарниот, со Топ-Ган славниот Ф-14 Томкет. Чудно е што Иран поседува америчка опрема но таа е од времето на Шахот кога Иран, САД и Израел биле гз и гаќи.
И покрај возраста на овие авиони сепак се работи за квалитетен систем кој и тоа како може да претставува главоболка за израелски Ф-16.
Од поновите тука се 2 ескадрили од советскиот одговор на Ф-16 а тоа е МиГ-29, солидно летало но мора да се напомене дека има многу слаб скор во воздушни борби, особено примерот со Етиопија и Еритреја кога во воздушни борби Су-27 соборија 7 МиГ-29 со губиток на само еден Сухој,
Се зборува дека русите испорачале една ескадрила Су-27/30/33.
Тука е и домашниот Азаракш кој се базира на Ф-5 Тајгер но со помодерна опрема и појака погонска група. Тешко е да се знае колку авиони од тој тип постојат но се шпекулира со барем 5 ескадрили. Борбените можности на овој авион се непознаница.
Една ескадрила Мираж Ф-1 би била добар додаток но во случајов се работи за екс-ирачки машини кои пребегале во 1991 и тешко е да се каже во каква состојба се тие фрејмови ако се знае дека Иран нема можности за набавка на делови.
И на крај во резерва се две до три ескадрили со кинеска верзија на МиГ-21, претежно летани од револуционерната гарда, фанатици и камикази.
Тоа е од пресретачи, Ударната авијација располага со две ескадрили Ф-5 Тајгер и три со Ф-4 Фантом, легендарен авион но крајно застарен. Овие два авиона се одржуваат во живот со канибализирање на одреден број машини и нешто производство на делови во Иран.
Две ескадрили на Су-24 тактичкиот бомбардер ја заокружуваат ударната авијација на ИР Иран.
Армијата располага со две јуришни ексадрили АХ-1 Кобра но тоа се прастари варијанти од 70-те.
Тука се домашните јуришни хеликоптери во 7 ескадрили од кои 4 Туфан и 3 Пана, сосема непознати како би се прикажале во реални боеви услови. Очигледно овие хеликоптери се базираат на Кобрата преку реверс енџениринг.
Се на се` евентуален израелски напад со Ф-15 и Ф-16 покриван од Ф-35 би бил соочен со погоренаведените системи и огромниот број на ПВО единици. Да се надеваме дека нема да дојде до тоа.