Европските официјални лица не се способни да донесат напредок со стотиците милиони вложени евра, националистичките тензии во БиХ се силни и се повеќе се стравува дека насилството повторно би можело да бувне - пишува Њујорк тајмсс и турскиот весник Милиет. И покрај тоа што Сараево е само на неколку часови лет до Виена и Рим, таа оддалеченост е тешко премостива. Поради минималниот напредок во реформите, граѓаните на БиХ се изоставени од планот за безвизен режим. Угледниот американски весник се занимава со кризата во земјата која кулминира и сериозно се заканува и со распаѓањето на државата... Конгресменот од Флорида, Елис Хастингс, деновиве отворено кажа: Јас тамошната ситуација ја гледам како буре-барут кое секој час може да експлодира.....Сенаторот Бенџамин Кардин посоч дека администрацијата на Обама веднаш сфатила дека состојбата во БиХ не е средена, поради што потпретседателот Бајден го посети Сараево. Меѓутоа и по таа посета во Босна и Херцеговина ништо не се помрднаа.
БиХ копнее за добри лидери кои во овој момент ги нема...Европската унија не е способна да го реши проблемот и дека таа работа ќе ја преземе Вашингтон и Анкара. Впрочем, и Хилари Клинтон кога ја преземаше функцијата најави дека Америка не ја заврши започнатата работа во БиХ и дека заедно со Турција тоа секако ќе се направи. Факт е дека Америка се повеќе го губи трпението, додека ЕУ се однесува доста лежерно кон кризата во БиХ - пишува Њујорк тајмсс и турскиот весник Милиет.
Во меѓу време тензиите расте
Навивачи дивееја во БиХ, двајца убиени
Нереди за време на натпреварот меѓу Широк Брег и Сараево. Убиено е 24-годишно момче, навивач на Сараево, полицијата тврди со остар предмет, а друг починал во Мостарската болница од прострелна рана со огнено оружје.
Според непотврдени информации, во животна опасност се уште тројца навивачи.
Нередите почнале зад северната трибина на стадионот „Пецара“ во Широк Брег.
Поголема група навивачи на Сараево, штом излегла од автобусот почнала да фрла камења и да тепа случајни минувачи.
Хулиганите упаѓале во куќите близу до стадионот и ги напаѓале станарите. Две лица се повредени со нож во сопствениот дом.
А1
Според очевидец, во општиот метеж човек почнал да пука со калашњиков во воздух, но и тоа не ја спречило разбеснетата толпа.
Во втора стрелба, е пукано директно во навивачите, се уште не се знае дали од полицијата или цивил кој одзел оружје од полицаец.
Малубројните сили на редот успеале да ја стави ситуацијата под контрола дури откако биле распоредени специјалците.
Полицајците од Широк Брег претходно биле распоредени на друг ризичен натпревар во Мостар меѓу Зрински и Велеша, и порано одбележан од меѓунационални судири меѓу хрватите и бошњаците.
Од босанското МВР најавуваат дека за причината на смртта на двајцата навивачи ќе известат по обдукцијата. Голем број повредени побарале помош во болницата во Мостар.
