Некаде во 1999 или 2000 година...
Делот од мојата населба кој е одма под Водно е поделен на неколку маала.
Моето маало е Славијашкото маало (ради блискоста до стадионот на Славија) и попското маало од другата страна на стадионот (ради тоа што кога куќите биле дадени на попови кога биле изградени по земјотресот). Од другово маало имаше неколку деца што беа најбељаџии во цела населба. Често игравме фудбал маало на маало и доста често некои постари фаци ќе ни ја земеа топката и со саати се натегавме да ни ја вратат. Така беше и во еден ден од годината која ја спомнав. Еден маалски сељак, најголем оток на светот, ни ја зема топката и не сакаше да ја врати. Ама еден од бељаџииве му скокна и го направи гомно од ќотек
На постариов му се наруши гордоста па еден ден закажаа ферка позади месна
Во меѓувреме, преку ден често игравме џамлии. Братучед ми имаше милион џамлии и ги чуваше во една ќесичка. Додека игравме, ни се приклучија и децава од попското маало, па без да приметиме кога си оделе ни ги собрале повеќето џамлии од ќесата.
Се враќаме на дента на ферката.
Додека игравме фудбал на игралиште, еден бот дотрча и на сите ни разгласи дека за 15 минути ќе почне закажаната тепачка. Игралиштето е на врвот на една угорница, а месна каде што требаше да се случи тепачката во долниот дел од угорницата.
Нема да заборавам како 50-тина души со шпринт се упатија по удоолницата. Почнаа постариве да прашуваат што се случува, ама моравме да ќутиме за да не се расчуе.
Ама татко му на детево што тепаше првиот пат и што ни ги украде џамлиите, наслушнал дека син му има ферка некаде низ населба и почна да го бара по улициве.
Налета на мене и батучед ми, а ние лути дека ни ги украдоа џамлиите го издадовме детево
Ни тепачка падна ни бутур, туку брканици и криенки низ цело маало меѓу татково и синот кој другите умешно го криеја, правејќи се наудрени
Одиме во 2014...
Во последниве 6-7 години тој што го издадовме и ни ги украде џамлиите, сега ми е еден од најдобрите другари
Кога и да се присетиме на тематикава, се паѓаме од смеа.
Моментот е што пред некој ден нашол дома цела ќеса со џамлии.
И погоди кои и чиви се тие џамлии?
Лопов
И после ќе спречувале користење на џамлии. Ради тие џамлии беше спречена маалска ферка бе
Бисдејќи по 2-3 пати неделно одиме на Водно, пасдна договор да си организираме турнир во џамлии нареден пат, на нашето излетничко место
П.с. моментот кога дома си најдов една преполовена џамлија, момент кој уште толку ми пробуди спомени. Мојата омилена џамлија, која еден другар ми ја преполови погодувајќи ја со "турска" (ваљда така се викаше тој удар, кога се гаѓа од висина) со картал
Колку се потресов тогаш.
Тоа се случи во 5 или 6-то одделение, што значи едно 12 години го чувам преостанатото делче од нејзе
П.п.с. моментот кога на сликите од основно поголем дел од машките носат дресови од Лацио (Cirio) и Парма (parmalat). Времето кога овие тимови беа популарни во Македонија
П.п.п.с. моментот кога почнав да пишувам пост во темата за спомени од детството. И после пола саат пишување не стигнав ни третина да напишам. Викам чекај ќе пастирам во ворд, и оп 8 страни ми фаќа
Ако го довршам некогаш, веројатно ќе фати едно 15 поста на кајгана, пошто има лимит за карактери
