L
.Lost Angel.
Гостин
Мочковците во базените ќе се обојат во сино!
Трите градски базени подготвени го дочекуваат летото. Во базенот Младост како новина се воведуваат детектори за урина кои ја обојуваат во сино и задолжително носење на капа за пливање, во Олимписки велат дека водата е доста квалитетна, а од Бисер конкурираат со најевтини цени
- За да се задржи хигиената на базенот задолжително е носење на капа за пливање. Оваа мерка е воведена заради новиот систем на прочистување на водата, бидејќи косата како материја е најтешко распадлива. Исто така во базените има и уринарен детектор кој ќе ја обои водата во сино при вршење на физилошка потреба во водата, а несовесните пливачи ќе бидат отстранети од базенот. Мислам дека нивото на култура на граѓаните е на доволно високо ниво, а превентивна мерка е воведена за да се заштитат пливачите од несовесните исклучоци - вели Ивана Стојановска од секторот за односи со јавност на "Борис Трајковски".
Граѓаните што нема да носат капа со себе ќе може да ја набават во центарот, но таму ќе ве чини 300 денари. Минатата година базенот доби нов ентериер, нов систем за филтрација на водата, тераса со бар и терен за одбојка на песок, реконструиран покрив, сончеви колектори и столчиња на трибината со капацитет за 500 гледачи. Цената за дневниот билет изнесува 200 денари, а месечниот чини 2500 денари.
Пеколните летни температури и оваа година ќе ги натераат граѓаните се почесто да ги посетуваат базените. И останатите два базена - Олимписки и Бисер велат дека се подготвени за летниот шпиц. Првите велат дека водата во базенот е квалитетна, а вторите ќе привлекуваат граѓани со поевтините карти.
- Голем дел од граѓаните постојано прашуваат кога ја менуваме водата, веројатно со желба да не посетат кога таа е најчиста. Но водата не се менува цела, од такво нешто некогаш нема потреба. Таа постојано циркулира низ системот за филтрација кој е најефикасен систем за прочистување на вода со помош на песок, и се менува континуирано во текот на целиот ден. Исто така за чистењето на базенот имаме и роботи кои се особено ефикасни за собирање на косата. Водата постојано се одржува околу 25 степени Целзиусови. Исто така екипи од Заводот за здравствена заштита редовно вршат испитувања на квалитетот на водата и досега немаат забележано никаков проблем - информираат од Олимпискиот базен, каде цената на дневниот билет е 200 денари.
- Голем дел од граѓаните постојано прашуваат кога ја менуваме водата, веројатно со желба да не посетат кога таа е најчиста. Но водата не се менува цела, од такво нешто некогаш нема потреба. Таа постојано циркулира низ системот за филтрација кој е најефикасен систем за прочистување на вода со помош на песок, и се менува континуирано во текот на целиот ден. Исто така за чистењето на базенот имаме и роботи кои се особено ефикасни за собирање на косата. Водата постојано се одржува околу 25 степени Целзиусови. Исто така екипи од Заводот за здравствена заштита редовно вршат испитувања на квалитетот на водата и досега немаат забележано никаков проблем - информираат од Олимпискиот базен, каде цената на дневниот билет е 200 денари.
Сепак, како што покажа праксата како единствена алтернатива на отворено базенот Бисер во населбата Аеродром е еден од најпосетуваните во лето. Како причина за поголемата посетеност, освен што е на отворено па скопјани може да се сончаат, е и цената на билетот кој чини само 100 денари и е најевтин во градот. Останува на скопјани да го изберат своето омилено освежувачко прибежиште за да избегаат од летните горештини.
(Гр.З.)
Повелете со коменатарите околу оваа нова појава 
