STEALTH
God is a DJ
- Член од
- 25 ноември 2011
- Мислења
- 10.734
- Поени од реакции
- 14.854
Во сабота, 23 ноември 2013. во 18.30ч на Westfalenstadion во Дортмунд, гостува ланскиот првак во Бундеслигата, освојувач на Германскиот куп, првак во Лигата на шампиони и Европскиот суперкуп Баерн Минхен гостува кај минатогодишниот финалист во Лигата на шампионии свој најголем ривал за освојување на Бундес, Борусија Дортмунд. Ова дерби го означува ,,малерозното” 13-то коло во 51-та сезона на Бундеслигата. Моментално Баерн Минхен е на прво место на табелата со 4 бода предност пред Борусија Дортмунд , кој е втор.Натпреварот се чека нестрпливо бидејќи може да биде клучен за решавање на првакот во оваа сезона и ќе покаже дали Баерн ќе ја зголеми бодовната разлика или сепак Б. Дортмунд може да му се доближи. Нерешено му одговара на Баерн кој би заминал од своето најлошо гостување во сезоната со иста разлика во бодови.
Борусија Дортмунд
Борусија Дортмунд пак, ја доживеа скоро истата судбина како и Баерн минатата сезона. Завршија втори во Бундеслигата, а и беа поразени во финалето на ЛШ од својот најголем конкурент, Баерн. Но тоа е она што ги прави тимовите подобри, да се вратат после секој пораз. Со победа во ова дерби, би му се доближиле на Баерн на само еден бод од првото место.
Во Лигата на шампиони, слично и како минатата година каде беа во група со Реал Мадрид, Ајакс и Манчестер Сити, но сепак успеаа да завршат на прво место, и оваа година се наоѓаат во таканаречената ,,група на смртта”, заедно со Арсенал, Наполи и Марсеј.
Од клубот заминаа: Марио Геце во Баерн, Леонардо Битекурт во Хановер, Фелипе Сантана во Шалке, Мориц Лајтнер во Штутгарт.
За наредната сезона се очекува и премин на напаѓачот Роберт Левандовски во конкурентот Баерн, по истекот на неговиот договор. Како можна негова замена во медиумите се шпекулира со тазе репрезентативецот на Шпанија, Диего Коста од Атлетико Мадрид.
Нови играчи на жолто-црните се: Хенрик Мктаријан од Шахтјор Донецк за сума од 27 милиони евра, Пјер-Емерик Аубамејанг од Сент Етјен за сума од 13 милиони евра, Сократис Папастопулос од Вердер Бремен за сума од 9.5 милиони евра.
По повредата на Невен Суботиќ на натпреварот против Волфсбург, кој ќе отсустува од терените до крајот на оваа сезона, со Дортмунд тренира слободниот играч Мануел Фридрих.
На полето на финансиите, го надминаа Баерн во поглед на чистиот приход за фискалната година 2013 (до јуни 2013), каде имаат 53.3 милиони евра.
На тренерски план, Јирген Клоп штотуку го продолжи договорот до 2018 година, што дава јасен знак дека Борусија имаат многу јасен план во која насока сакаат да се развиваат.
Моментално имаат два порази во низа - од Арсенал на домашен терен и Волсфбург во Бундеслигата што можеби е знак за мала слабост во редовите, но сепак никогаш не може да се потценат Дортмунд кои пленат со својата брза игра, брзи контри и убиствен напад.
Интересна грешка се случи во зимскиот каталог на Борусија, каде имаше слика од кореографија на фановите на Баерн (на натпревар од Купот одржан на 27 февруари против Дортмунд) кои држат жолто-црни знаменца и банер со натпис ,,Боите на најдобриот град”, потсетувајќи дека жолто-црно се официјални бои на градот Минхен.
Баерн Минхен
Баерн Минхен беше хит на минатата година, со освојувањето на тројната титула после 2 многу разочарувачки сезони.
Конкурентот на овој натпревар Б. Дортмунд, беше поразена на Вембли во финалето на Лигата на шампиони со 2-1, каде стрелци за Баерн беа Манџукич и Робен, додека за Борусија беше Гундоган.
Во финалето од Германскиот куп, Баерн му нанесе пораз на Штутгарт со 3-2. Иако водеа убедливо 3-0, со двата гола на Гомез и еден на Милер, сепак Штутгар се врати во игра со двата гола на Харник. Но, резултатот остана ист и Баерн ја освои тројната титула со што станува само седми тим во европската историја на кој му успева истото.
Најголема промена летото се случи на тренерски план. Веќе легендарниот тренер, Јуп Хајнкес се пензионираше, с о што му се ослободи местото на шпанскиот стручњак Хосеп ,,Пеп” Гвардиола, по неговата едногодишна пауза од работа во фудбалот. Иако на самиот почеток на својата работа, Пеп доживеа пораз во Суперкупот од ривалот Борусија Дортмунд и некои навивачи му замеруваа за експериментите со поставите, сепак досегашните резултати и те како го оправдуваат неговиот избор.
На полето на трансферите, дојдоа Марио Геце од најголемиот ривал за сума од 37 милиони евра, Тиаго Алкантара за сума од 25 милиони евра кој беше доведен од Барселона, по барање на неговиот поранешен тренер Гвардиола. Без отштета дојде и Јан Кирхоф од Мајнц.
Заминаа Луиз Густаво во Волфсбург, Марио Гомез во Фиорентина, Анатоли Тимошчук се врати во Зенит, а Емре Кан во Баер Леверкузен.
На 9-ти ноември, Баерн го совлада Аугсбург, со што има низа од 37 мечеви без пораз. Беше надминат рекордот од 36 мечеви на Хамбург, стар 30 години.
На 13-ти ноември, Баерн го одржа своето годишно собрание. После освојувањето на тројната круна, се очекуваа многу добри резултати. На собранието, претседателот на бордот Карл-Хајнц Румениге го објави рекордниот обрт од 432.8 милиони Евра за бизнис-годината 2012/13, додека чистиот профит изнесува 14 милиони евра. Во 113 годишната историја, ова се најдобри резултати. Уште еден интересен факт е дека со 224 000 членови, Баерн е втор најголем клуб после Бенфика кои имаат 235 000 членови.
Последни пет меѓусебни дуели
German Supercup (GERS) Jul 27, 2013 Borussia Dortmund 4 -2 Bayern
UEFA Champions League (UCL) May 25, 2013 Borussia Dortmund 1 -2 Bayern
1. Bundesliga (BUN) May 4, 2013 Borussia Dortmund 1 - 2 Bayern
DFB-Pokal (GERC) Feb 27, 2013 Bayern 1 - 0 Borussia Dortmund
1. Bundesliga (BUN) Dec 1, 2012 Bayern 1 - 1 Borussia Dortmund
Последни пет натпревари на Борусија Дортмунд
Nov 9, 2013 Wolfsburg 2 - 1 Borussia Dortmund BUN
Nov 6, 2013 Borussia Dortmund 0 - 1Arsenal UCL
Nov 1, 2013 Borussia Dortmund 6 - 1 Stuttgart BUN
Oct 26, 2013 Schalke 04 1 - 3 Borussia Dortmund BUN
Oct 22, 2013 Arsenal 1 - 2 Borussia Dortmund UCL
Последни пет натпревари на Баерн
Nov 9, 2013 Bayern 3 - 0 FC Augsburg BUN
Nov 5, 2013 FC Viktoria Plzeň 0 - 1 Bayern UCL
Nov 2, 2013 TSG Hoffenheim 1 -2 Bayern BUN
Oct 26, 2013 Bayern 3 - 2 Hertha BSC BUN
Oct 23, 2013 Bayern 5 - 0 FC Viktoria Plzeň UCL
Кај Баерн повредени се и со сигурност нема да настапат: Швајнштајгер, Шаќири, Пизаро и долгоповредениот Бадштубер.
Кај Борусија Дортмунд повредени се: Невен Суботиќ и Илкај Гундоган, додека Лукас Пишчек штотуку почна да тренира и настапот на овој меч е неизвесен.
Moжни состави не е логично да се напишат (освен очигледните позиции) бидејќи и со Гвардиола и со Клоп можни се ротации и во крајниот термин на нивно објавување.
Со среќа, знаење и без повреди - нека победи подобриот.
Mia San Mia или Echte Liebe
фан-клуб Баерн Минхен & фан-клуб Борусија Дортмунд
