На седумте Чкемабри, кои гласно и гордо навиваат за македонските лавови, не им пречеше дводневното патување со автобус. Уште пред да почнат натпревартите тие ги вежбаа навивачките химни не штедејќи го гласот, а богами и пивото.
За БезПардон.Мк 23 годишниот Иван, кој веќе 13 години верно навива за Пелистер но и репрезентцијата вели:
“ Одиме на Олимпијада!!! Ништо помалку…Верувам во ракометарите, одиме на три победи и се гледаме во Лондон.
Не ми пречи патот, од Битола до Гетеборг, бидејќи одиме да навиваме и да ги бодриме. Ќе навивам за сите, ама дефинитивно најмногу очекувам од сограѓаните Стефче Алушевски и Бранислав Ангеловски“.
На Иван, друштво му прави 21 годишниот Мики, кој 11 години е верен на моќните чкембари.
“ Барем две победи кои ќе ни ја обезбедат визата за Лондон. И покрај долгото патување се чувствуваме подготвени да го дадеме нашиот максимум на трибините, а истото го очекуваме и од ракометарите. Немаме никакви помошни реквизити, одиме чисто со грло и дланки“.
Навивачката група Чкембари како досега, така и секаде ќе ја бодри македонската репрезентација било каде и да игра – велат веселите Чкембари додека во позадина се слуша нивната песна – оооооо можи малку сме ама дојдовме да ве бодриме да победимеееее…….