Ајде и мое искуство да дадам од вчерашниот натпревар. Со оглед на тоа дека немав карта до последниот ден и бев помирен со ситуацијата дека омилениот клуб нема да си го гледам во својот град, кога ми се јавија дека сакаат да ми препродадат карта не ми се веруваше. Иако не ја преплатив, ми ја дадоа по цена колку што ќе си ја купев картата за преку лотарија и да ја преплатев немаше да ми биде воопшто криво. Best money spend ever!
При влагање организацијата беше 0, ма каква 0 дури и во минус идеше. Редарите кои беа поставени таму очигледно беа истите редари кои стојат на натпревари од прва македонска лига и беа тотално не спремни за волку голем број на фанови. Имаше четири прстени на безбедност и беше се многу аматерски направено, на секој од тие прстени имаше гужва. Картите ги обележуваа со маркер, немаше никаква проверка на идентификација, беа поставени огради и на моменти на 30+ степени се осеќаше нервоза кај луѓево, ко животни во кафез беа. Си реков на момент дека чим тука има вакви заебанции, којзнае што ќе биде на стадион.
Ама на стадион се деси сосема спротивносто. Од моментот на седнување на стадионот, до излегување од стадионот се беше најдобро организирано. Церемонијата пред натпреварот беше одлична со играорците од Танец и дечињата од Партение. Многу убава атмосфера направија, моментот на паузите за вода, поставувањето на бината за трофејот експресно одма по завршувањето на натпреварот. Се беше одлично изорганизирано, се гледа дека овде умешала прсти УЕФА додека влегувањето на врата им го оставила во рацете на нашите и нормално се дешаваа пропусти.
За натпреварот и публиката. Ваков спектакл мислам дека нема да имаме пак во брзо време, се надевам дека македонски тим во најбрзо можно време ќе се квалификува во Европа, ама целата таа церемонија пред натпреварот и подигањето на трофејот, мислам дека тоа не може да се долови на такви натпревари. За тие што збореа за навивање, што очекувате кога 90% од луѓето си беа дојдени да си гледаат фудбал. Немаше шпанци, па да покренат песна они. Англичаните топ си навиваа скоро цел натпревар. Некој па ми споредува навивање у кафич со 50 луѓе максимум, со навивање на стадион со 35.000. Нема везе, секој со своето.
Изгледа Мурињо бил во право кога кажа дека имало огромна разлика во квалитетот на двете екипи. Да, Реал Мадрид во моментов е екипа две класи подобра од таа на Јунајтед. Ма да, мило ми е што успеаа и Јунајтед да дадат гол. Се израдуваа фановите на Реал на голови, се израдуваа и они на гол, имаше топ атмосфера. Иако не кренаа титула, сигурно проводот и искуството што го имале било подеднакво добро како тоа на фановите на Реал.
Уште еднаш, best money spend ever!
