Серпико, сакам да кажам кратка забелешка.
Идиоти има насекаде и тука и таму. Невоспитани исто така. Ама еден невоспитан повлекува десет други и тогаш настанува проблем затоа што и оние кои се умерени влегуваат во филм.
Човек кој доаѓа на форумов (од било каде) и навредува треба да се банира или опомене ама зашто да се навредуваат оние кои сосема нормално комуницираат?
Ако ФМИ лично некого навредил треба да биде опоменат и да му биде укажано што направил но ако не тогаш треба да биде изземен од навредите!
Не знам како тоа ќе се направи ама кога можеше повеќето да се научат да пишат Албанци наместо Албанци може да се направи уште еден исклучок за оние кои заслужуваат.
Се ми доаѓа дека се сипеме на оние кои најмалку се криви а вистинските виновнивци седат некаде далеку и гледаат сеир.
Се согласувам со речиси се, напишано од Фми. Вистина е дека не провоцира или навредува - токму затоа јас немам никаков проблем со него. Проблемот доаѓа кога некој ќе улета на сред дискусија, испровоциран од некој трет и ќе започне со навреди. Тешко е, верувај ми сето тоа да го држиш под контрола. Тешко поради што провокациите постојат, и ќе постојат. Тешко поради тоа што дискутираме на теми од историја или политика каде редовно се вметнува историјата, посебно во вакви времиња кога на луѓето им излегуваат бубулици од споменување на збор на соседна држава која со нас има нерасчистени односи.
Тешко и ќе остане, бидејќи не гледам блиска иднина во која две академии на науки ќе седнат на една маса и ќе се договорат што и како било, што и како е.
И најтешко е од мене да бараш ти или некој друг да носам во "европа" дете од 16-17 години кое развило омраза, невозможно е истото да го сторам со некој од 47 години. Јас знам дека и да се распцуеме на форум, ништо нема да се промени на подобро, дури ни нашето его кое можда привидно ќе порасне. Big deal...си му рекол татар, тој ти рекол фиромец и сите среќни и весели сме заминале дома.
Наместо да бараме меѓу себе разбирање, наместо да се обидеме да се заложиме за она што навистина би значело интеграција во ЕУ (и не го зборувам ова заради членството на Бугарија или било која од соседните земји во некаква организација), значи живеење на полуостровот и континентот на кој живееме од памтивека, сакале несакале со оваа околина, наместо да се привикнеме едни на други, правиме чекори од старт. Ова е нашата шанса...пред нас заминале и загинале за ними вредни цели. Ние денес имаме шанса да одбереме пат.
Омраза или почит. Немора љубов...фиктивна идеја би било тоа. Но почит и помагање во сферите во кои е можно. Крајно, останува надежта. Надеж дека евентуалната почит нема да биде злоупотребена, надеж дека секој во секого може да препознае нешто од себе, може да препознае човек кој само заради тоа што учел од некакви книги од негови 7 години и бил во околина која му всадила некаква идеја - не значи дека е заслужен за пцости и навреди.
Честопати сум се сретнал на форумов со дискутанти од Бугарија кои имаат една интересна стратегија: започнуваат со фино, завршуваат со лошо. Финиот дел е неопходен за да се стекнат со доверба кај одредена група на луѓе, лошиот е неизбежен кога ќе се обидат да ја изиграат таа доверба, да ја искористат во свои цели.
Јас лично, немам ништо против никого. И точно е дека се трудам да го искоренам зборот албанец од вокабуларот на форумџиите...Еј, па еден куп клинци има овде кои ќе излезат од пубертет со Кајгана. Клинци кои утре ќе бидат носителите на оваа земја. Клинци кои еден ден ќе се татковци и ќе треба да ги учат своите деца на вредности кои се на цена...
Мене не ме учеле на омраза. Но ме научиле (иако без нити еден кажан збор) на љубов према Македонија. И точно тоа е мојот приоритет во вакви ситуации. Затоа, ќе го почитувам секој оној кој ќе е доволно пристоен да не се дрзнува допирајќи по моите емоции. Како администратор барам од вас трпение и размислување.
Како човек, барам од секој да размисли што всушност прави подобро од оној кој го навредил, кога ќе му врати на навредата.
А кога ќе треба да се пресече, тука сме ние.
Се извинувам на долгиот пост.
Фала.
pipi
