Како што дознав, изгледа дека проблемот со музичкиве HD канали е до тоа што самите канали немаат веќе авторски права за емитување во Македонија. Демек се работи на случајот да се обнови договорот и да продолжат со емитување во Македонија.
Како и да е, таканаречената алтернатива на Djazz и Brava - Stop TV - е смешен изговор за алтернатива на такви квалитетни музички канали.
И се разбира, отстранувањето на HRT 4 од дигиталната ТВ понуда - особено со важечки авторски права до крајот на 2019 година - исто така воопшто не е оправдано.
Како и да е, се ближи Нова Година, па новогодишни и Божиќни празници, па потоа Велигден, а отприлика тогаш - април 2016 или мај 2016 - се споија Вип, Оне и Близо, па имаше краткотраен наплив на нови корисници или постоечки корисници кои потпишаа нови обврзувачки договори, па ќе имаат добри причини за да размислат до тогаш дали вреди да ги обновуваат договорите со Вип ТВ во вакви услови.
За мене - кој веќе 2 години не сум обврзан со договор со Вип - и понатаму Вип ТВ ми останува најисплатлива опција, бидејќи MaxTV телевизиската понуда на Македонски Телеком сеуште нема никакви сериозни новитети, па дури и сеуште наплаќаат дополнително за Спорт Клуб каналите, кои од поодамна ги има во основната дигитална ТВ понуда на Вип ТВ и Телекабел - со исклучок на најевтиниот дигитален ТВ пакет на Вип ТВ, за корисниците кои планираат да користат само дигитална телевизија од Вип ТВ, односно без Комбо пакет.
Во одбрана на Македонски Телеком, мора да се потенцира дека во дополнителен пакет ги нудат сите Спорт Клуб и Арена Спорт канали со слика и во стандардна (SD) и во висока (HD) резолуција, но сепак тоа не го оправдува дополнителното наплаќање за Спорт Клуб каналите.
Па дури и ЕуроСпорт каналите во HD резолуција ги имаат ставено во дополнителен пакет, за волја на вистината, иста е ситуацијата и кај Вип ТВ, но за долгогодишни корисници како мене, тој пакет ми доаѓа во редовната месечна претплата, односно не плаќам дополнително за истиот, додека Македонски Телеком не им го нуди тој дополнителен пакет бесплатно дури ни на корисниците на најскапите Магента пакети.
Македонски Телеком очигледно не планираат да инвестираат во својата телевизиска понуда - а би требало, особено со оглед на фактот дека постојано ја прошируваат својата оптичка телекомуникациска мрежа, со што се овозможува додавање на повеќе HD канали - но истовремено и Вип ТВ не нудат вистинска алтернатива на каналите кои ги исклучиле - па макар и само привремена алтернатива, под претпоставка дека ќе се вратат каналите Djazz и Brava во блиска иднина.
Значи останува да чекаме Телекабел да продолжи со проширување на нивната оптичка телекомуникациска мрежа, па да видиме што ќе понудат тие за корисниците на таа нивна оптичка телекомуникациска мрежа - дали ќе понудат нешто подобро, или ќе се придружат на орото на Македонски Телеком и Вип, па од телевизиски дуопол преминеме кон телевизиски триопол, со што во пракса ништо нема да се смени кон подобро од гледна точка на телевизиската понуда на трите најголеми телевизиски оператори во Македонија.