Малку чудно се однесува кабелскиот рисивер со новиот рачен распоред на ТВ каналите, не го помни распоредот на каналите за возрасни.
Вообичаено каналите за возрасни ги ставам на крајот од распоредот, но еве веќе 3 пати ги наместив и набрзо ги заборава. Дали не може да го памти целосниот распоред или каналите за возрасни мораат да бидат наредени така како што се, не знам, но се додека останатите ТВ канали ги помни како што ги имам наредено, ќе бидам задоволен.
Интересно е и тоа што и за каналите за возрасни одвреме навреме ми вели дека не сум претплатен на нив. Не дека ми испотребале, но знам дека спаѓаат во месечната претплата и достапни беа претходно, а и сега се достапни, но одвреме навреме им замрзнува сликата и ми вели дека не сум претплатен на тој канал откако рачно го наместив распоредот на ТВ каналите.
Но се додека ваквиот проблем остане ограничен само на каналите за возрасни, ќе бидам задоволен. Уште да им текне на Вип ТВ да ги стават и локалните и регионалните ТВ канали во дигиталната ТВ понуда и ќе немам за што да се жалам.