Другари,абе има некој друг проблем со интернетот?(додуша ја сум на Оне ама пошто се споиа можам овде да пишам)
На секој 10тина-15 минути паѓа,и тоа смета премногу.Се јавив 200 пати,беа екипа кај мене дома(свиткаа џам тие па,го преврзаа кабелот)и увидоа дека сигналот максимум што го праќа бандерата(околу 7000кб/с) и макс сигналот што прима рутерот(околу 6800кб/с) биле многу блиску едно до друга,па од телеком го намалија малку,ама ете,пак е исто.
Од тие 200 пати што се јавив,195 пати им се заканив со АЕК,ама некако слабо.Ако не биде ништо до понеделник се јавувам во АЕК.
Некој слично искуство со ова,совет нешто...?
Ако користиш ADSL Интернет од Вип, односно од поранешен Оне, преку бакарна телекомуникациска линија од Македонски Телеком, тогаш ништо нема да се смени кон подобро, на Македонски Телеком не им се исплати да решаваат проблем кој Вип треба да го реши, поисплатливо им е да се исклучиш од Вип и да се префрлиш на Македонски Телеком, тогаш барем ќе можеш на нив да им се качиш на глава, вака ќе си ја префрлуваат одговорноста едни на други.
Од Македонски Телеком ќе се оправдаат дека толку држи бандерата и дека сигналот не може да биде појак, поради што ќе го префрлат решавањето на проблемот кај Вип, а бидејќи бандерата и телефонските кабли не се на Вип, туку се на Македонски Телеком, од Вип ќе ти кажат дека можат само да ти го сменат рутерот и евентуално да го преработат приклучокот кај тебе дома, што тешко дека ќе придонесе за значително подобар сигнал.
АЕК може само да го/ги казни Вип и/или Македонски Телеком, но нема да ти овозможи побрз и постабилен ADSL Интернет.
Македонски Телеком на дебело губи корисници изминативе неколку години, Магента пакетите им се жива превара која повеќето корисници им ја прочитаа како селски буквар - затоа и сега повторно нудат нови Магента пакети
, бидејќи не успеваат да привлечат нови корисници или да ги врзат постоечките корисници на поскапи претплати со нови договори на 2 години, поради што дури и ако бидат казнети од АЕК, не им се исплати да решат проблем од кој повеќе ќе профитира Вип отколку Македонски Телеком.
На оваа тема на форумов се дискутира за кабелскиот Интернет на Вип, кој е достапен преку кабелските телевизии кои ги купи поранешен Кејблтел/Близо, односно денешен Вип ТВ.
Мој совет, а претпоставувам и на повеќето кои активно учествуваат во темава, е да поднесеш барање до Вип за миграција од бакарниот телекомуникациски приклучок на Македонски Телеком кон кабелски, односно кон коаксијален приклучок на Вип ТВ. За ова ќе мораш да поднесеш барање за некој од
Vip Net пакетите за кабелски Интернет и евентуално ако сакаш да го задржиш и фиксниот телефон со истиот телефонски број, да поднесеш барање и за мигрирање кон
Vip Fix пакетот за фиксна телефонија.
Или ако сакаш да користиш и дигитална телевизија од Вип ТВ, тогаш можеш да поднесеш барање за миграција кон некој од
Вип Комбо 3 пакетите или ако сакаш и мобилниот телефон/мобилните телефони да го/ги додадеш во месечната претплата, тогаш можеш да поднесеш барање за миграција кон некој од
Вип Комбо 4 пакетите.
На наредниот линк кој води кон официјалниот веб сајт на Вип, можеш да провериш дали на твојата адреса на живеење има техничка можност за поврзување со кабелската телекомуникациска мрежа на Вип ТВ.
https://www.vip.mk/proverete-kabelska-dostapnost
Преку кабелската телекомуникациска мрежа на Вип ТВ ќе добиеш брз и стабилен Интернет каков што никогаш нема да имаш преку бакарната телекомуникациска мрежа на Македонски Телеком, без разлика дали би користел ADSL Интернет директно од Македонски Телеком во иднина, или преку Вип каков што користиш сега.