Честитки до Реал.
Пеналите се најсурова игра во спортот, но јебига некој мора да победи.
11-та титула во Лига на Шампиони човече, еден од најдобрите спортски колективи во спортот. Искрен да бидам не верувам Зидан да има некој бог знае каква менаџерска кариера во Реал, но ова што го направи во една полусезона не им успева на менаџери во текот на целата кариера. Но освен тоа што некако им го наметна победничкиот менталитет кој во последниве година година и пол го имаа изгубено. За него кажав дека правата оцена треба да следи во следната година-две и дека Реал конечно ќе покажат трпение со некој менаџер и да му дадат повеќе време.
За Атлетико што да кажам...ова Симеоне што го прави е рамно на најголемите светски чуда во фудбалот. 3-4 сезони да им се држиш на екипи како Барса и Реал и притоа да загубиш две многу тесни финалиња во ЛШ е нешто неверојатно. Да сум навивач на Атлетико воопшто не би очајувал пошто нивната иднина е светла. Имаат одлично јадро на играчи, спој на младост и искуство, го имаат Симеоне кој е во топ 3те менаџери на свет и кој во блиска иднина не верувам да си оди од клубот. Атлетико допрва има што да каже на светска сцена.
Околу мечот, мислам дека за нијанса Атлетико беше подобар тим. Беа многу подобро организирани и многу повеќе знаеа што сакаа. Зидан глуп што ги направи сите измени до 75та минута. Во финале јас ова го немам видено. Наместо да чуваш една измена за повреда или да внесеш свеж играч на 20тина минути од меч (во случај да има продолженија) тој ги налупа сите измени. Од друга страна Симеоне пак мораше да направи побрзо измени, особено Партеј. Со неговата брзина и свежина ќе правеше дар-мар во изморената средина на Реал.
И на крај, изумив да кажам. Искрено најмногу ми е мака што утре Роналдо ќе ги полни насловите како тој го решил натпреварот со пеналот. Не, Роналдо беше најмизерниот играч на теренот денес. Само еднаш избега и промаши 100% шанса после која Атлетико израмни. Дефинитивно денес беше за најголема критика, пошто од такви играчи очекуваме да решаваат такви финалиња а не да ги нема 120 минути.