Јас најискрено очекувам Баерн оваа сезона да потфрли ептен. Не ми прават ќејф сега со Пеп, за разлика од лани кога играа преубав фудбал. Сепак, моментално имаат проблеми со повреди, можеби потоа ќе се средат работите.
Дортмунд или Јуве да освојат не би имал ништо против, ама мислам дека Јувентус нема да може со таа нивната италијанска формација со бекови кои се и крила во исто време да се спротистави на поголемите европски екипи. Средниот ред и нападот им се супер, во секој случај. Како и да е, Јувентус да е фаворит, а Јунајтед да не е не ми поминува никако.
Дортмунд има супер тим, истиот што играше 1/2 финале и Финале лани, плус некое засилување.
Барса до сега играат малце топло ладно. Со Атлетико, на двата меча ништо посебно не покажаа, со Валенсија стартуваа одлично, после тоа примија 2 брзи гола и потоа се спасија и успејаа да си заминат со 3 бода од Местаља. Појма немам како ќе се покаже овој Тата, кој е без искуство во Европа, ама јасно е дека тука пред се зависи од Меси и колку ќе биде расположен (или добро чуван). Чави не е веќе тоа што беше, Иниеста е вон форма, ама очекувам да се врати во право светло. Голем минус им е што не земаа дефанзивец. Слаби се во одбрана, реално.
Реал веќе 12 години наназад е се главен фаворит и никако да дојде до целта. Друга работа, што очекувам Бејл малце да флопне и да им фали Озил.
Челзи со Мурињо секако е во фаворитите. Имаат и добар тим, исто така. Ама во никој случај не се издвојуваат пред некој друг. Истото важи и за Сити, имаат добар тим, ама некако знаат да ја посерат работата кога најмногу треба да победат. Групата обавезно ја минат, после тоа зависи од среќата.
Арсенал и Милан не ми се за прваци според ростерот на играчи. Арсенал се појача ептен со Озил, Милан го имаат Балотели, го вратија и Кака.. Ама сепак мислам дека им фали уште по еден класа играч.
Наполи ако се протне некако исто така може да направи некое проблемче. Сепак малце немаа среќа со ждребот.
Атлетико е исто зафрката екипа, која знае да направи проблем, ама
Атлетитко и
Наполи скоро и да немаат шанса за титула. Онака, да избацат некој фаворит можат.
Јунајтед, можеби ќе биде најпотценуван оваа сезона. Фактот дека нема никакво искуство Мојс во ЛШ малце ме демотивира, ама Јунајтед си има добро тимче, нападот со Перси, Руни и Кагава е страшен, средниот ред со Керик и Фелаини треба да биде цврст, одбраната игра на ниво од почетокот на 2013, Видиќ се врати во форма, Џонс и Рафаел секогаш играат пожртвувано и се борат до крај.. За крилата зависи дали ќе се вратат во форма Нани и Валенсија, ако се разиграат и тие, Јунајтед секако има шанса да направи нешто повеќе.
И така, од овие екипи не гледам ни една што се издвојува и никако неможам да издвојам фаворит за титула. Мислам оти не очекува ептен интересна и возбудлива сезона, со добар фудбал и многу неизвесност.