- Член од
- 14 мај 2011
- Мислења
- 374
- Поени од реакции
- 388
„Тиранин“ е американска телевизиска серија од жанрот драма. Режисер е израелскиот сценарист и писател Гидеон Раф. Премиерата се емитуваше на 24 јуни.
Басам "Бери" Ал Фаед, педијатар во Лос Анџелес, живее во самонаметнато изгнанство речиси 20 години. Тој потекнува од измислената турбулентна арапска земја Абудин со која владее диктаторот Балади. Бери е помладиот син на Балади.
Во пилот-епизодата тој се враќа во татковината со неговото американско семејство по повод свадбата на внукот. Тоа го прави крајно неволно и планира престојот да трае што е можно пократко. И сопругата Американка и децата тинејџери се соочуваат со културните разлики, но доаѓањето во Абудин најдраматично го доживува Бери, бидејќи одново се судира со семејната и националната политика кои ги напуштил во раната младост.