- Член од
- 25 септември 2011
- Мислења
- 6.448
- Поени од реакции
- 18.281
Инди рок/алтернатив поп бенд, кој доаѓа од Нотингем, Англија, формиран 1993. Составен од Stuart Staples (vocals) Dave Boulter (organ and accordion) Neil Fraser (guitar) Dickon Hinchliffe (guitar and strings) Al Macauley (percussion and drums) John Thompson (bass). Името на бендот произлегува сосема случајно кога Staples наоѓа кутија германски кибрит на некоја плажа во Грција, на која е испишано името Tindersticks.
Во своите девет студиски албуми, се чувствува мешање на различни правци на музиката, од лаунџ џез до соул, зачинет со баритон гласот на вокалот на бендот Staples, пропратени од неколку инструменти како: пиано, виолина, тромбон, кларинет...
Бендот своето демо го снима 1992 год, и го издава својот прв сингл "Patchwork”
Со својот прв и втор студиски аблум, бендот го истакнува својот специфичен звук, кој позитивно е оценет од повеќето музички критичари. По мини кратката турнеја, проследена со комплетен оркестар и топлиот прием од публиката, решаваат да го издадат првиот албум во живо The Bloomsbury Theatre 12.3.95
За време на третиот албум Curtains, се наметнува потребата да дојде до промена на правецот на звукот.
Четвртиот албум Simple Pleasure, ја најавува промената, каде песните почнуваат да бидат под директното влијание на соул музиката. Женските вокали во позадината на некои од песните, ја сигнализираат потребата на бендот да тргне кон посветол правец.
Петтиот албум Can Our Love..., го продолжува новиот правец, посебно тоа е нагласено во сингловите "Sweet Release" и "Chilitetime"
Шестиот албум Waiting for the Moon, е повеќе “соголен” албум, користејќи интроспективен метод, со доза на меланхолија пропратена низ неколку синглови.
Во 2005 год, Staples започнува соло кариера. Започнуваат шпекулациите дека бендот се разделува и неизвесна е неговата судбина. Во својата соло кариера тој издава два албуми Lucky Dog Recordings 03-04 и Leaving Songs.
2006 год, бендот настапува на концерт каде ги изведуваат песните од нивниот втор студиски албум. Staples во едно интервју вели: “Иако ова шоу е среќен триумф, сепак има и нијанси на тага”
Во 2007 Staples, Boulter и Fraser, го поминуваат времето во пишување и снимање на нов материјал во студиото на Limousin во Франција. Им се приклучуваат Thomas Belhom кој свири тапани and Dan McKinna бас. Како резултат на оваа соработка го издаваат албумот The Hungry Saw, кој излегува април 2008 год. Следат неколку европски летни фестивали и објавуање на зимската европска турнеја.
Во 2010 год, го објавуваат албумот Falling Down a Mountain, со мала промена во составот на бендот. Earl Harvin го заменува Belhom, а David Kitt се приклучува на бендот.
Деветиот студиски аблум The Something Rain, излегува февруари 2013 год.Смислата на овој албум според Boulter е одредена енергија која им дава на луѓето воља да искочат од меланхолијата.
Покрај деветте студиски албуми, Tindersticks имаат работено и на саундтрак на четири филма, на францускиот режисер, Claire Denis (Nenette et Boni, Trouble Every Day, 35 Shots of Rum and White Material.)
Имаат снимено неколку кавер верзии на песни. Учествуваат со музика во сериите: The Sopranos, Brotherhood и Eastbound & Down.
Дискографија
·1993 - Tindersticks (прв албум)
·1995 - Tindersticks (втор албум)
·1997 - Curtains
·1999 - Simple Pleasure
·2001 - Can Our Love...
·2003 - Waiting for the Moon
·2008 - The Hungry Saw
·2010 - Falling Down a Mountain
·2012 - The Something Rain
Членови
Stuart Staples, David Boulter, Neil Fraser
Поранешни членови
Dickon Hinchliffe, Al Macaulay, Mark Colwill