The Ocean, Dedicated For Life, Victim Yield во Кастро на 06.05.2008

[plagijat]

На 6 мај 2008 година, екипата на Plagijat организира свирка на германските звучни фрикови The Ocean, на која како домашна поддршка ќе настапат Dedicated For Life и Victim Yield. Подолу следуваат детали за бендот, линкови, цени на карти и места за претпродажба.

The Ocean звучат извонредно барокно, а дури и нивната heavy-страна е уметничка. Според концепт, пакување и стратегија, Precambrian дрско ги поместува идеите за еден албум (Pitchforkmedia.com, 8.4/10)

Precambrian е посебно парче уметност и не е музика што ќе се продава, туку е арт-експеримент. The Ocean создале албум што комбинира метал, пост-рок, џез и електроника и звучи компактно (Sputnikmusic.com, 5/5)

Оркестрална величина (Revolver, 4/5)

Извонредно дело (Terroriser, 9/10)

The Ocean е мевлем за сите што сакаат музика која надминува граници, отсвирена е беспрекорно, звучи продукциски извонредно стегнато и со сите пори ја пренесува идејата дека целината е подобра од збирот на засебните елементи кои ја сочинуваат. Со сите четири албуми, Fogdiver (2003), FluXion (2004), Aeolian (2005) и особено Precambrian (2007), квартетот прикажа извонредно чувство за експерименти, оригиналност и силна намера да создаде пакување што ги надминува стереотипите. Настрана од многуте позитивни рецензии, доказ за квалитетот на The Ocean се 58 свирки кои групата ќе ги одржи до 22 август во рамките на европско-американската турнеја што почнува на 11 април. Во Скопје носат свое лајт-шоу и интригантни видеопроекции.

Опсежна официјална веб-страна
The Ocean @ MySpace
Пријави се на ЛастФМ

Dedicated For Life е еден од најактивните и најквалитетните македонски метал-бендови. Основан на почетокот на 2001, квартетот во 2006 година го објави деби-албумот By All Means, беше на турнеја низ земјава, а во март пред околу 1.000 посетители одржа официјална промоција во холот на Младинскиот културен центар во Скопје. На истото место, на 12 април тие го претставија второто студиско издание, Another Dawn.

Dedicated For Life @ MySpace

Victim Yield постои од септември 2004 година. Бендот дебитира во живо во Хациенда во 2005, со Point Blank и со Diverge. Во следните три години составот одржа голем број свирки, настапи на фестивалите Plagij.at turns 1 и W.O.A. Metal Battle и сними и објави две демо-изданија: Sentenced To Live и Voice of Consciousness. Со DFL одржаа над 10 успешни заеднички свирки. Од јануари имаат нов тапанар, Драган Теодосиев од Arcanum.

Victim Yield @ MySpace

Претпродажба од 15 април во Лаика, Круг (Аеродром), Агора (Куманово).

Резервации на е-маил: karti@plagij.at.

За да нема претерана гужва во Кастро, бројот на билети е ограничен!

ПРЕТПРОДАЖБА: 250 ДЕН. / НА ВРАТА: 350 ДЕН

 

[srni4ka]

Definitivno sum tamu

 

[brainticket]

sigurno odam na ovaa desavka, tie the ocean treba da se dobar post metal pa ke cueme

 

[Гижо]

По кој основ плагијат декларира дека Дедикејтед квалитетен бенд, или според промотивните текстови, увек се поквалитетни од другите бендови, од Виктим?

Дебилно ми е ова хистерично рекламирање на Дедикејтед, кога воопшто не се ниту иновативни нити оригинални, ко што кажале многумина по безброј пати тренд бенд. Турбофолкот во металот.

А во врска со темата... не би идел.

 

[BliND]

Гижо незнам зашто имаш нешто против ДФЛ , и иновативни се , спотот им е Уан Оф А Кајнд у нашава мала Македонија , беа пред Бенд на Апокалиптика ... И Текстовите им се топ .. АКо не ти се свиѓа таков стил на музика твој избор , ама за тренд бенд , нема везе..

 

[AceCaleb]

Гижо незнам зашто имаш нешто против ДФЛ , и иновативни се , спотот им е Уан Оф А Кајнд у нашава мала Македонија , беа пред Бенд на Апокалиптика ... И Текстовите им се топ .. АКо не ти се свиѓа таков стил на музика твој избор , ама за тренд бенд , нема везе..

Tekstovite kaj gi ima?

 

[Гижо]

Гижо незнам зашто имаш нешто против ДФЛ , и иновативни се , спотот им е Уан Оф А Кајнд у нашава мала Македонија , беа пред Бенд на Апокалиптика ... И Текстовите им се топ .. АКо не ти се свиѓа таков стил на музика твој избор , ама за тренд бенд , нема везе..

Потсети се, или види што е популарно на светската метал сцена последниве години, и многу или доволно јасно ке ти стане, при тоа ако пристрасноста ја тргнеш на страна.
И би сакал иновативноста кај им ја гледаш да ми спомнеш

 

[BliND]

Иновативноста им ја гледам во спотовите Ај наброј ми друг метал бенд од нашава мала Македонија со добар спот ... И не гледам баш дека Металкорот е популарен . Се повеќе гледам Треш-Гараж Рок Бендови.

А текстовите ги има >Тука<

 

[Гижо]

Ај спореди го спотот со спотовите надвор од Македонија и ке ти стане јасно што зборам. Воопшто не зборев за сцената во Мк, туку ко што пишав погоре светската метал сцена. А башка музиката ...

 

[Tonchie]

Спотовите им се добри затоа што Огнен е мајстор за видео. Има работено во Томато, и може да се забележат сличности со неговите претходни дела направени за поп ѕвездите.

 

[plagijat]

Со мало задоцнување, картите се пуштени во претпродажба.

Од вчера има во Кастро, така што, кој ќе иде вечер на Bloody Sign / Agonize нек си побара на шанк.

Ако, пак, не идете, а сакате да земете карта, пишете ни приватна порака, па некако ќе се договориме за примопредаја.

Успут, цената во претпродажба е 250 денари, а на врата ќе биде 350. Веќе договоривме рентање на звук (ќе биде перфектно), а бендот потврди дека доаѓаат со комплетно LED-light show што вклучува и неколку стробо-светла.

Места за препродажба се:

Кастро – само, како што знаете, подоцна отвора, освен ако нема свирка.

Лаика – кој не знае, тоа е кафиќ во Дебар Маало спроти Наџак. Има плакат залепено на врата, ќе го видите. Работи после седум.

Круг – во Аеродром во Бисер позади Тобако. И таму има плакат.

Арт 108 – во Стара чаршија.

Агора – во Куманово.

И на крај, ако ниедно од овие места не ви е успат, пишете приватна порака или на маилот karti@plagij.at па ќе ја наредиме некако.

Би ви препорачале да си земете у претпродаја, пошо ем е поефитно, ем… па да, поефтино е, не треба друга причина))

Ќе има уште некои новости поврзани со свиркава, а една од нив е одличното интервју, кое ќе биде објавено во скоро време.

 

[\m/arko]

are u scared? no. well u should be!

 

[plagijat]

​

Како што најавивме, на 6 мај The Ocean ќе свират во Кастро заедно со Dedicated For Life и Victim Yield. По тој повод оваа среда (30 април) во Браво во Буњаковец (големото) ќе се одржи promo / metal / hardcore party на која ќе се пушта музика од германскиот бенд, но и други слични и различни heavy-состави.

Освен тоа, ќе можат да се купат и карти за концертот. Тие што вечерта ќе го направат тоа, ќе добијат компилациско цеде од The Ocean. Значи, среда, 30 април, Браво. Карта + цеде + добар провод = 250 денари. Следниот ден е неработен, така што Браво ќе работи до еден, а ќе се пушта супер музика и ќе има ептен позитивна атмосфера.

 

[plagijat]

Како што веќе знаете, во вторник (6 мај), екипата на Plagijat организира свирка на која гостува прогресивниот/експериментален хардкор колектив од Берлин, The Ocean. Момците се моментно на масивна европска, како и американска турнеја од 60-ина настапи што ја почнаа едвај две недели откако се вратија од низата изведби со пеколните Rotten Sound, Victims и Trap Them. На настапот во Скопје бендот доаѓа со сопствено светло, а во Кастро ќе има озвучување специјално изнајмено за свирката. Подолу следуваат три битни работи што можеби не сте ги знаеле за The Ocean, надополнети со неколку видеоклипови - колку да видите каков пекол ќе се случува во вторник во Кастро.

1. Долга листа значајни соработници: The Ocean важат за отворен арт-колектив во кој може секој да членува - на албумите и на свирките настапуваат музичарите кои се во можност, а креативните конци ги влече Робин Стапс. Затоа, воопшто не изненадува што досега, на изданијата на бендот, гостувале многу битни фаци од прогресивната хардкор и метал сцена. На Aeolian, како вокалисти се појавуваат: Томас Халбом од Breach, Нејт Њутон од Converge и Шон Инграм од Coalesce, за кого ова е омилената соработка во кариерата. На Precambrian, пак, освен Њутон и Халбом, пеат и: Кејлеб Скофилд од Cave In, Дуид Хелион од Integrity и Ерик Калсбик од Textures. Албумот е миксан во Њујорк од Ендру Шнајдер, кој има работено со групи како Unsane, Pelican, Cave In и Made Out of Babies. За мастерингот, пак, беше одговорен Ник Зампиело - на неговата листа се имиња како Converge, Isis и The Red Chord. Артворкот е дело на Мартин Кваме кој ги работи обвивките на проектите на Мајк Патон: Fantomas, Tomahawk и Patton/Kaada. И на крајот, но ништо помалку важно: оркестарските елементи на Precambrian се снимени од членови на Берлинската Филхармонија.

Orosirian [Precambrian]:
2. Настапи со важни прогресивни групи: штом ќе завршат со турнејата низ Европа, The Ocean се префрлаат во САД каде што ќе свират со ништо помалку импресивните и значајни: Kylesa, Lair Of The Minotaur и Withered. Потоа одат на францускиот Hellfest, каде што годинава, на неколкуте бини, меѓу другите, настапуваат: Anathema, Baroness, Between the Buried and Me, Come*ack Kid, The Dillinger Escape Plan, In Flames, Katatonia, Meshuggah, Opeth, NOFX, Porcupine Tree и Sick of It All. На 24 јуни повторно се враќаат на европско тло, но овој пат со брилијантните Швеѓани Cult Of Luna.

Ecstasian [Precambrian]:
3. Детален геолошки концепт на Precambrian: Името на четвртиот албум на The Ocean, Precambrian, го означува првото поглавје од еволуцијата на Земјата - на македонски, терминот гласи "предкумбриски". Изданието е поделено на два дела. Првиот е мини-цеде од 22 минути со наслов Hadean/Archaean, а вториот е комплетен албум од 62 минути именуван Proterozoic. Обата збора со однесуваат на последователни геолошки еони во рамките на Precambrian-ерата. Песните, пак, се поделени во пет "пониски" ери, а нивните наслови ги носат имињата на посебните геолошки периоди. Комплицирано, нели? Да, знам, ама има уште. Концептот и артворкот на цедето се вртат околу раните денови на планетата, кога Земјата била сурово место во кое не можел да опстојува живот, а насекаде имало оган, сулфур и лава. Додека во Hadean и Archaean-периодите стартувало формирањето на атмосферата, во времето на Proterozoic, планетата почнала да се лади и на неа се појавиле првите форми на живот. Токму затоа, Hadean/Archaean е енергичен, директен и поедноставен, додека Proterozoic поизбалансиран. Иако често еруптира во моќни сегменти, тука материјалот се смирува во моменти на убавина и мелодија. Нумерите имаат епска допжина и ја менуваат атмосферата, динамиката и емоциите кои ги испраќаат до публиката.

Nazca [FluXion]:

 

[brainticket]

концертот беше лудница. супер си поминав. дфл и виктим добро си го отсвироа делот, the ocean bea страшно добри, hardcore/progressive/post metal за мераци, осветлувањето беше јако добро.