- Член од
- 17 октомври 2011
- Мислења
- 13.629
- Поени од реакции
- 33.184
Пред се - заради графиката и визуелните ефекти. Од тоа малку што имам видено од Star Trek (со исклучок на последните филмови), визуелно личи на нешто правено со дигитрон. Пред некое време мислев да почнам да гледам се, од почеток, и од првата епизода од оригиналната Star Trek серија, очобол добив. OK, I get it, во тоа време такви биле условите и техниката, ама од денешна перспектива, тоа е, во најмала рака - смешно. Затоа од Discovery бев дури и импресиониран.зошто тебе ти е одлична?
Второ - ми се допадна тоа што има континуитет, и тој е во преден план, а не е секоја епизода засебна приказна, а од заднина да се надзира нешто повеќе, поврзано.
Трето - прилично брзо почна, и ме навлече веднаш. Немаше растегнување на дејството, непотребно, немаше филер епизоди, цело време имаше билдање тензија и не те остава да пропуштиш ни момент.
Инаку, се согласувам дека ликовите се површни, но, овде се работи за SF, не е ова драма, па да ми е тоа пресудно, затоа не ни забележав. Во книжевноста, на пример, жанрот фантастика и научна фантастика спаѓаат во доменот на т.н. тривијална книжевност, или mass-литература (секако, не целосно, со исклучоци, кои се мали). Тоа треба да е лесна литература, наменета да забавува, и многу често без високи естетски критериуми. Во светот на подвижните слики (филм и телевизија), можеби не е во таа мера издиференцирано, но дефинитивно кај различни жанрови има различни елементи кои се пресудни, ако ништо друго, барем за мене. Така како што хоророт има цел да исплаши, романсата да разнежни, како што комедијата треба пред се да ме насмее, така SF треба да ми наполни очи со убавини, а Discovery тој дел и тоа како одлично го сработи.