Младата македонска актерка Ана Стојановска глуми во првата веб-серија за тинејџери од просторот на поранешна Југославија „Само кажем“, која ќе почне да се емитува на 7 ноември. Таа го толкува ликот на Александра, насмеана и оптимистична девојка, која секогаш е подготвена за добра забава. Сака да стане актерка, од Скопје да се пресели во Холивуд и со својот заводлив фустан да остави впечаток на патеката на славните, пишува Б92.
Премиера - два пати неделно
Серијата ќе се прикажува само на интернет - на официјалната страница на друштвената мрежа „Фејсбук“ и на каналот на сервисот „Јутјуб“. Нови епизоди ќе се емитуваат секој понеделник и четврток во 22 часот. Ваков начин на прикажување е иновативен и единствен во целиот регион.
„Приказната е фокусирана на едно необично лето во животот на неколку девојки и момчиња. Тие доаѓаат од различни земји што се граничат една со друга. Но жителите на тие држави неволно ги поминуваат границите. Зборуваат различни јазици, но одлично се разбираат. Делат исти соништа и стравови, но досега немале шанса за тоа да зборуваат. Се запознаваат сосема случајно и стануваат пријатели“, се вели во српските медиуми.
На „Фејсбук“
и „Јутјуб“ 26 епизоди
Продуцент на серијата е „Фонд Б92“, а извршен продуцент е „ТунаФиш студио“. Режисер е младата Јелена Гавриловиќ од Белград, а на саундтракот на „Само кажем“ се најдоа песни од Вуду Попај, Владо Георгиев, „Стреј дог“ итн. На каналот на „Јутјуб“ и на „Фејсбук“ ќе бидат емитувани 26 епизоди од по пет минути. Покрај Ана, главните улоги ги толкуваат и Милена Станиќ, Младен Совињ, Ана Мандиќ, Давор Голубовиќ и Бујар Ахмети. Во една епизода се појавува и српската фолк-ѕвезда Драгана Мирковиќ. Во најавата за „Само кажем“ стои „Оваа програма не е погодна за постари од 21 година“.
Премиера - два пати неделно
Серијата ќе се прикажува само на интернет - на официјалната страница на друштвената мрежа „Фејсбук“ и на каналот на сервисот „Јутјуб“. Нови епизоди ќе се емитуваат секој понеделник и четврток во 22 часот. Ваков начин на прикажување е иновативен и единствен во целиот регион.
„Приказната е фокусирана на едно необично лето во животот на неколку девојки и момчиња. Тие доаѓаат од различни земји што се граничат една со друга. Но жителите на тие држави неволно ги поминуваат границите. Зборуваат различни јазици, но одлично се разбираат. Делат исти соништа и стравови, но досега немале шанса за тоа да зборуваат. Се запознаваат сосема случајно и стануваат пријатели“, се вели во српските медиуми.
На „Фејсбук“
и „Јутјуб“ 26 епизоди
Продуцент на серијата е „Фонд Б92“, а извршен продуцент е „ТунаФиш студио“. Режисер е младата Јелена Гавриловиќ од Белград, а на саундтракот на „Само кажем“ се најдоа песни од Вуду Попај, Владо Георгиев, „Стреј дог“ итн. На каналот на „Јутјуб“ и на „Фејсбук“ ќе бидат емитувани 26 епизоди од по пет минути. Покрај Ана, главните улоги ги толкуваат и Милена Станиќ, Младен Совињ, Ана Мандиќ, Давор Голубовиќ и Бујар Ахмети. Во една епизода се појавува и српската фолк-ѕвезда Драгана Мирковиќ. Во најавата за „Само кажем“ стои „Оваа програма не е погодна за постари од 21 година“.
dnevnik
___________________________________________________________________________
Трејлер
1 епизода
