Бог да ја прости !!!
https://sdk.mk/index.php/kultura/pochina-filmskata-legenda-milena-dravik/
ПОЧИНА ФИЛМСКАТА ЛЕГЕНДА МИЛЕНА ДРАВИЌ
14 октомври 2018
Во кариера долга шест децении, Милена Дравиќ оствари повеќе од 150 филмски улоги (Фото: РАС Србија)
Една од најпознатите југословенски актерки Милена Дравиќ почина ноќеска во Белград на 79 години по тешко боледување, потврди Здружението на драмски уметници.
Во филмот „Вратата останува отворена“
Родена на 5 октомври 1940 година, Дравиќ важеше за една од најголемите филмски диви во поранешната држава, остварувајќи повеќе од 150 улоги, а најголемата популарност ѝ донесе партнерството со Љубиша Самарџиќ.
Со Љубиша Самарџиќ во „Лито валовито“
Милена Дравиќ се појави на филм во 1959 година и потоа играше и во театар и на телевизија.
Во филмот „Прекубројна“
Таа е единствената југословенска актерка која била наградена на Канскиот филмски фестивал, за „Посебен третман“ во 1980 година, а награди добиваше и на фестивалите во Венеција, Авелино и во Пула, каде што повеќе пати освои Златна и Сребрена арена. Доби и низа награди за животно дело.
Во култниот, со децении забранет филм „Мистерии на организмот“ на Душан Макавејев
„Нејзиното филмско лице трепери во нашите сеќавања, и кога ќе ги затвориме очите илјадници мали целулоидни квадратчиња намигнуваат со нејзините сини очи и не ни даваат да остареме. Тоа е вечниот филм кој што ни го подари со своето лице Милена“, рече еден од најблиските пријатели и колега Раде Шербеџија во говорот при доделата на наградата „Добричин прстен“ за Милена Дравиќ лани во декември.
Четири и пол децении беше во брак со еден од најомилените југословенски актери Драган Николиќ
Четири и пол децении беше во брак со еден од најомилените југословенски актери Драган Николиќ, по чија смрт пред две и пол години тешко се разболе.
https://www.novamakedonija.com.mk/zivot/почина-актерката-милена-дравиќ/
Почина актерката Милена Дравиќ
Од НМ - 09:46 14.10.2018
Актерката Милена Дравиќ почина ноќеска во Белград на 79 години, по тешко боледување, јави Танјуг.
Милена Дравиќ, една од најпознатите српски и југословенски актерки, е родена на 5 октомври 1940 година во Белград.
Играше во преку сто филмови, а најголемата популарност ја доби во соработка со колегата Љубиша Самарџиќ.
Нејзини најпознати улоги се во филмовите „„Утро“, „Козара“, „Битката на Неретва“, „Работа на одредено време“, „Татко на службен пат“, „Секула повторно се жени“, „Не е лесно со мажите“, „Зона Замфирова“ ...
Позната е и по култните серии „Театар во куќа“ и „Луд, збунет, нормален“.
Со својот трет сопруг и колега Драган Николиќ од 1972 до 1974 година ја водеше популарната шоу програма „Образ покрај образ“.
Милена Дравиќ е добитник на наградата за најдобра споредна женска улога на Канскиот филмски фестивал, на специјалната филмска награда „Златна роза“ на Венецискиот филмски фестивал, како и на најпрестижните српски награди за целокупниот придонес кон југословенската и српската кинематографија.
https://a1on.mk/archives/961723
Почина Милена Дравиќ
14/10/2018 - 08:36
Легендарната југословенска глумица, Милена Дравиќ почина ноќеска во Белград, на 78-годишна возраст, по тешка болест, потврдија од Здружението на драмските уметности на Србија.
Пред две и пол години таа остана без својот сопруг, актерот Драган Николиќ. Оваа година беше промовирана монографијата за актерката.
Милена Дравиќ е родена на 5. октомври 1940-та година во Белград.
Филмската, театарската и телевизиската актерка важи за една од најголемите диви на просторите на поранешна Југославија.
Има одиграно дваесетина театарски улоги во претстави од различни продукции, а некои од нив се повеќе пати наградувани и играни по повеќе од 15 години. Според некои податоци таа има глумено во 150 филмски или телевизиски улоги.
Нејзини најпознати улоги се во филмовите „Утро“, „Козара“, „Битката на Неретва“, „Работа на одредено време“, „Татко на службен пат“, „Секула повторно се жени“, „Не е лесно со мажите“, „Зона Замфирова“ ...
Позната е и по култните серии „Театар во куќа“ и „Луд, збунет, нормален“.
Во брак со актерот Драган Николиќ беше четири и пол децении.
Овој познат српски актерски пар, иако има играно во речиси 200 домашни филмови, заедно се појавил во само три филма.
Милена Дравиќ е добитник на наградата за најдобра споредна женска улога на Канскиот филмски фестивал, на специјалната филмска награда „Златна роза“ на Венецискиот филмски фестивал, како и на најпрестижните српски награди за целокупниот придонес кон југословенската и српската кинематографија.
Таа е единствена актерка од поранешна Југославија, чие име е впишано во Ларусова светска енциклопедија на филмот и единствена југословенска актерка на насловната страница на „Њујорк тајмс“.
Милена Дравиќ
5 октомври 1940 - 14 октомври 2018
Лесна и` земја
нека почива во мир
R.I.P.
