Стојаковиќ се договори со Хорнетси
Првата поголема вест на пазарот на слободни играчи стигна од Њу Орлеанс, кој успеа да го обезбеди потписот на Пеџа Стојаковиќ. Според првичните информации, станува збор за понуда која Србинот не можел да ја одбие тешка цели 64 милиони долари за следните пет години која веројатно тешко дека ќе ја добиеше од кој било друг клуб.
На Тери му е убаво во Далас
Џејсон Тери потпиша нов, шестгодишен договор со Мавси за сеуште не објавена сума пари. Со своите игри во плеј-офот во кои заедно со Дирк Новицки беше клучот што Далас стигна до големото финале, 28-годишниот Тери си ја качи цената на пазарот и покажа дека е одлична замена на плеј за Стив Неш.
80 милиони причини за Мело да биде верен на Денвер
Денвер, Нагетси и Кармело Ентони се согласија на продолжување на договорот кој истекуваше следното лето и според новите услови Мело во Колорадо ќе остане до 2012 година за сума од 80 милиони долари.
Лејкерси потпишаа со Радмановиќ, Томас негова замена во Клиперси, а Кесел го продолжи договорот за уште 2 години
Владимир Радмановиќ ја прифати понудата на Лејкерси од 31 милиони долари за пет години и покрај надежите на Клиперси дека ќе успеат да го задржат.
Сепак, и покрај неуспехот во преговорите со Владимир, Клиперси набрзина ја затворија "дупката" настаната со неговото заминување потпишувајќи четиригодишен договор со Тим Томас, кој до вчера беше играч на Феникс. Покрај Томас, тие го направија и веројатно најбитниот потег во ова лето во задржувањето на ветеранот Сем Кесел во следните две години за вкупна сума од 13 милиони долари.