Флојд Мејведер со ТКО победа над Конор МекГрегор во 10-та рунда!
Па ништо изненадувачки со оглед на тоа што Конор пропушти да направи нешто во првите рунди и борбата се лизна така длабоко во 10-тата рунда.
Се согласувам со коментаторите кои зедоа став дека МекГрегор боксерски не се посрамоти и ја одработи задачата многу професионално, со многу мали и безначителни отстапувања за кои добив впечаток дека на Флојд му годеа и во неколку ситуации сам се поставуваше и го предизвикуваше Конор да направи кардинално отстапување од правилата со некаков илегален удар.
Ок, можам да кажам дека Конор мене лично ме изненади со дисциплината бидеќи потајно очекував да се осмели со нешто илегално али ок. Друга работа е тоа што не очекував борбава да стаса до 10-та рунда, очекував Конор поагресивно да тргни и се' да стави на една карта, а тоа е се' или ништо во првите 3 рунди. Вака очигледно тактиката му беше да се бори 12 рунди и мислам дека се прецени. Јасно беше дека Флојд располага со поголема кондиција и се' друго освен во првите 3 рунди би била победа на Мејведер.
По малку неблагодарно и дрско од страна на Конор што изјави дека не се согласува со судијата, и дека требало да не ја прекини борбата и му пружи шанса на Конор да ја продолжи борбата. Ха, па секој што ја гледаше борбата е свесен дека Конор веќе беше паднат во наредните неколку удари, судијата само не дозволи да се избрука и да изеди нокаут.
Како и да е, факт е дека Конор загуби од Флојд на енергија, не на демиџ и удари пошо Флојд скоро и да не зададе така добри удари, али сепак и кондиционата подготвеност е оружје што се користи и е битно за победа, ако не и најбитно.
И убеден сум дека во октагонот Флојд би престанал да диши уште во првите секунди, али не верувам уште една борба да се деси.