Малку претенциозен наслов, ама најверојатно е вистина дека толку ќе биде од задолжителното К-15.
Синдикатот на работници нормално не најде за сходно барем со соопштение до медиуми да ги информира работниците.
КРАТКО ТРАЕШЕ: К15 од денеска заминува во историјата?
Сојузот на синдикати, Организацијата на работодавачи и стопанските комори, денеска ќе преговараат дали исплатата да биде на доброволна основа.
Неофицијално помеѓу трите страни е постигната начелна согласност, според која исплатата на регресот ќе се регулира на гранково ниво, односно компаниите кои не се членови на гранковиот синдикат нема да има законска обврска да исплаќаат регрес. Сепак доколку компанијата има пари и ако работодавачот сака може на своите да го исплати регресот на вработените. Овие предлози ќе бидат пoсочени на денешниот состанок на кој треба да се почнат преговори за промена на општиот колективен договор за приватниот сектор.
Првично укинување на исплатата на К15 побараа од Организацијата на работодавачи,кои посочија дека за ваквиот предлог добиле позитивно мислење и од синдикатот. По нив укинување на исплатата на К15 побараа и стопанските комори, кои пак посочија дека за да ја запазат законската обврска биле принудени да земаат и кредит.