АРХЕОЛОГИЈА
На Таорското Градиште во скопската Општина Зелениково
ТАЈНИТЕ НА ЕДЕН ГРАД СЕ УШТЕ МИТ
* Археолозите вклучени во истражувањата на овој локалитет постојано си го поставуваат прашањето: Ќе ја "најдеме" ли "Јустинијана Прима"?!
* Можеби се уште е рано да се констатира што конкретно нуди Таор, но веќе постојат показатели исклучителни за нашата историја.
Во близина на селото Таор, 20 километри јужно од Скопје, во непосредна близина на Зелениково е откриен археолошкиот локалитет со исто име (Таор). На овој локалитет пронајдени се, еден врз друг, слоеви на три населби од различни периоди. Едната е од праисториското време, од крајот на енеолитот, датирана во 3000 и 2000 година пред Христа, втората од доцноантичкиот период (IV - VI век по Христа), додека третата е од средновековниот период (IX - X век).
На Таор се очекуваат ексклузивни наоди
Иако локалитетот е откриен пред сто години (од англискиот патописец Артур Еванс), сепак тој се уште не е доистражен и крие во себе уште многу потврдувачи за нашата историја. Археолозите вклучени во истражувањата на овој локалитет постојано си го поставуваат прашањето: Ќе ја "најдеме" ли "Јустинијана Прима"?! Ваквите констатации им се наметнуваат поради сличноста на топонимијата на селото Таор со топонимијата на античкиот град Таорисиум каде што е роден по многу нешта најзначајниот владетел од доцноантичкиот период, царот Јустинијан Први. Извесниот факт дека тоа е местото на раѓањето на Јустинијан Први е токму она што нашите археолози ги концентрира најмногу да се позанимаваат со истражувањето на античкиот период на оваа населба.
ЈУСТИНИЈАНА ПРИМА?
Иако локалитетот е откриен пред еден век, сепак систематските истражувања започнаа пред две години од страна на Музеј на град Скопје. Она што е особено интересно во истражувањата на Таор е тоа што археолозите се надеваат дека тамошните откритија ќе ги доведат до фантастичниот град Јустинијана Прима кој, наводно, Јустинијан го изградил многу бргу по реизградбата на Таорисиум, и тоа во непосредна близина. Но, сепак за него историската и археолошката наука досега немат речиси никаков извесен факт дека воопшто постоел.
Од пишувањата на античкиот теоретичар Прокопиј, кој инаку бил биограф на Јустинијан Први, извесно е дека тој бил роден во Таор. Дека по големиот земјотрес во 518 година, чиј епицентар бил на местото на денешно Скопје, а во кој најмногу ќе настрада античко Скупи, тој сега веќе цар, решава да му се оддолжи на своето родно село и да го изгради повторно. Така се создала, според пишувањата на Прокопиј, оваа урбана и за тоа време сосема современа населба. Истиот Прокопиј, во своите биографски забелешки за Јустинијан Први вели и тоа дека тој набргу потоа, во сосема непосредна близина на Таор, го изградил и волшебниот град Јустинијана Прима. Интерсно е што Прокопиј во биографијата со чудење се прашува како е можно таков генијалец да се роди во една таква провинција каква што е Дарданија. За Јустинијана Прима во своите белешки Прокопиј кажува дека во градот биле изградени библиотеки, систем за водовод, градски чешми, плоштади, дека целиот бил во мермер и убавина.
Во двориштето се откриени расфрлани столбови
Археолозите, а меѓу нив најревносен истражувач на Таор е Киро Ристов, немаат објаснување зошто еден таков велелепен град, речиси под нашите нозе, се уште не е откриен. Но, се надеваат дека токму Таор ќе го каже одговорот. И тоа набргу. Од друга страна, Киро Ристов кажува и една претпоставка која се уште е само на ниво на размислување и без конкретни факти.
Јустинијан Први кој владеел повеќе од триесет години (од 527 до 565 година по Христа) и кој пред тоталниот распад на Римското Царство успеал на кратко повторно да го обедини, бил вистински визионер. Тој, имено, уште тогаш го осознал овој дел од светот (Балканот) точно онака како што денес го согледува современата политичка наука, како крстосница помеѓу Исток и Запад, како средба на две култури. Токму поради овој факт имал и амбиција да создаде религиска доминација. Да формира архиепископија која ќе и се наметне на Атинската, а ќе биде независна од Римската, на чија територија требало да се најде Јустинијана Прима како седиште на таа архиепископија. Но, архиепископијата на Јустинијан Први, иако функционира едно време независна канонски, никогаш не заживува сосема, бидејќи е оспорувана и од Исток и од Запад. Токму тој неуспех некои археолози ги наведува на размислата дека Јустинијана Прима, градот седиште на неговата архиепископија, бил само пуста желба и дека никогаш не е ни изграден.
ДВИЖНИ НАОДИ
Можеби се уште е рано да се констатира што конкретно нуди Таор, но веќе постојат показатели исклучителни за нашата историја. Досега се откриени две големи јавни градби чии објекти ги "дели" широка улица. За археолозите посебно е интересна првата градба која е една атриумска просторија. Тие се уште не се сигурни, но тоа може да биде дел од форум. Едната од градбите имала атриум - отворено предворје, со колонада од столбови на кои се потпирал тремот, а во двориштето откриле расфрлани столбови и базиси и два капитела (горни делови од столбови). Пронајдени се и околу 130 монети, фрагменти од керамички садови, оружје, орудие, воена опрема, крстови, женски накит, стаклени садови, прозорски стакла...
Дали Таор е родното место на Јустинијан Први?!
Она што е значајно во истражувањето на локалитетот Таор е што е утврдено дека населбата е градена плански, поточно дека има статус на урбанизирана населба. Материјалот со кој е градена е со неверојатен квалитет. Ѕидовите се со значителна дебелина и исклучително добро се зачувани. На места изгледаат дури и како да се конзервирани, вели Киро Ристов. Исто така, голем интерес кај нас предизвика периодот кога евидентиравме две фази на живеење. Првата населба, од IV век до крајот на V век, била урната за време на големиот земјотрес во 518 година. Втората, која "живуркала" до почетокот на VII век, ја обновил и ја изградил Јустинијан Први. Од фактите на теренот заклучуваме дека во изградбата имало "Царска интервенција". Инвестирал човек што бил моќен.
Архелогот Киро Ристов од Музеј на град Скопје посочува дека она што досега е откриено на локалитетот Таор дава надеж дека до некаков податок за постоењето на Јустинијана Прима, до некаква плоча со натпис или слично, сепак ќе се дојде.
Мислам дека е доволно