Фала за одговорите и видеата!
Е, сега, да дообјаснам; сеуште не е конкретно одлучено да се купува кола, но постои можност, па разгледувам опции. Пошто колата ќе ја плаќаат родителите (стандардна македонска работа :kesa
, тие ја одредуваат границата на околу 10000 евра. Но, бидејќи јас би ја користел најмногу и јас и се прашувам најмногу за изборот (во рамките на тој износ, де), мислам дека можам да ја растегнам цената до некои 11500, да речеме.
Гледајќи ги понудите, за тие пари може да се земе нешто солидно од Б сегментот, но и Хјундаи и30 и Астра Класик. Хјундаито со доста опрема и мотор 1.4 бензинец е 11190, а Астрата со истата кубикажа и нешто послаба опрема - но се што ми битно го има (мислам дека оној пакет со клима, ЦД плеер, кожен волан со команди и уште нешто го дават гратис) - е околу 11300.
Предностите на Астрата - прво, даваат некој дополнителен попуст за членови на лекарска комора (мислам дека би дале до околу 9-10%), па би можел за цената на 1.4 Хјундаи да земам 1.6 Астра, или да земам 1.4 Астра поевтино (лично сум повеќе за првата опција). Исто така, во Опел имаат богата понуда на додатни поединечни опции: би можел да земам ЕСП за 300 евра (или ЕСП+бочни перници и завеси за 410 евра), темпомат за околу 100 евра, можеби и наслон за рака за околу 200 евра, стандардно рез. тркало за 35 евра - кај Хјундаи овие ги нема во основниот модел, а и не сум сигурен дека можеш вака поединечно да одбираш дополнителни опции.
Предностите на Хјундаи - па побогата основна опрема, но имајќи го в предвид она што погоре го напишав, есапот може и да не излезе така. Друго, 1.4 на Хјундаи барем на хартија ми стои посилен од истиот на Астрата, а задоволува ЕУРО 5 стандарди (Астрата ЕУРО 4) - е, ова не знам колку би било битно, пред се во иднина (во смисла доколку донесат некои построги еколошки регулативи, плаќање давачки врз основа на истите итн). Не сум седнал во Хјундаито, но судејќи по се она што читам во тестовите, би требало да е нешто поудобен и покомфорен; во Астра сум се возел и личен впечаток ми е дека е доста стабилна, но и (пре)крута кола, посебно за нашиве патишта. За споредба, сум се возел и во Корола од иста генерација, и осетно е поудобна.
Тест-возење би ги разрешило дилемите, особено затоа што мене, лично, најбитни ми се управливоста и стабилноста, добрата амортизација и звучната изолација, а нешто помалку комфорот (по опремата ми се тука негде исти, споменав погоре зошто). Но, тоа би го направил тогаш кога сигурно би паднала одлука да се купува (и би се дефинирале финансиските средства); ова сега за сега се само прелиминарни размислувања :icon_mrgr
Затоа ако некој има искуство со возењето на, или во, овие два автомобили, слободно нека сподели впечатоци (може и други автомобили да се предлагаат, но да бидат во тој ценовен ранг - иако, мислам дека тешко би дал предност на возило од Б сегмент, но не би било на одмет да се чујат и такви предлози).
--- надополнето ---
head, колку ти излезе со таа опрема? И, да не мешаш случајно ЕСП со ЕБД (кое знам дека го имаат во основна опрема, за ЕСП ваљда се доплаќа)?
--- надополнето ---
armin, сигурен ли си за цената? Во ценовникот на Форд не гледам такво нешто.