- Член од
- 7 април 2012
- Мислења
- 1.130
- Поени од реакции
- 1.510
Hannibal е нова серија на NBC, чија прва епизода беше емитувана вчера и беше пречекана со позитивни рецензии кои на IMDB и донесоа оценка 8/10.
Во главните улоги се Mads Mikkelsen, Hugh Dancy и Laurence Fishburne, а создавач на серијата е Bryan Fuller.
За што се работи:
Will Grahaм ( Dancy ) е вешт и надарен психијатар кој исто така работи како консултант и профилер во ФБИ. Тој чувствува невообичаена емпатија. За него, тоа е и благослов и клетва. Со таа способност, тој може да ја врши својата работа, но исто така се сочувствува со убијците по кои трага, што дополнително го отежнува неговиот живот.
Jack Crawford ( Fishburne ) е директорот на Одделот за Бихевиорлани Науки во ФБИ и стар соработник на Graham. Тој не сака да го изразува Will на непотребни трауми, но многу често е приморан да го стори токму тоа, бидејќи младиот психијатар е еден од ретките луѓе кои можат да помогнат во истрагите.
Hannibal Lecter ( Mikkelsen ) е познат психијатар кој по молбa oд Crawford, станува дел од истрагата како форензички консултант, но и со цел да го анализира Will. Докторот крие тајна: Тој е всушност е еден од луѓето по кои трагаат Graham и Crawford. Генијалниот сериски убиец има сопствена агенда со ФБИ, посебно со Will.
Како што реков, првата епизода "Apéritif" беше емитувана вчера, па еве го моето мислење:
Одличен старт за одлична серија. Кога прв пат слушнав за серијава, бев голем скептик и мислев дека Холивуд пак рециклира добри филмови и создава глупи серии. Кога излезе трејлерот, ме заинтригира и си реков да и дадам шанса. Кога почнаа да излегуваат првите рецензии пред неколку дена, кои имаа главно добри оцени, знаев дека серијата ќе биде потполно спротивно од тоа што го мислев на почетокот. Првата епизода ме остави само со позитивни импресии, а рецензистите која имаа привилегија да ги гледаат и следните три епизоди тврдат дека тие се уште подобри. Се надевам дека вака добро ќе тера цела сезона.
Многу ми се допаѓаат актерите. Сите тројца се одлични во своите улоги, ама најголем впечаток ми остави Mads. Не сакам да го споредувам со Anthony Hopkins, бидејќи двата глумат потполно различни верзии на Hannibal. Мислам дека Mads го продлабочува ликот на Hannibal. Го прави пореален, полош и пострашен.
Сценариото и дијалозите со одлично напишани и секоја сцена е елегантно изведена, а серијата успева да долови и тензија и страв кога тоа е потребно.
За крај, ви оставам трејлер: