rossonerka
too good to be true
- Член од
- 8 октомври 2007
- Мислења
- 6.081
- Поени од реакции
- 889
По три години пауза во Скопје повторно ќе има модна недела. Модниот викенд-Скопје ќе се одржи од 9 до 14 март во "Мала станица" и во салонот "Ауди, порше".
Настанот беше отворен на 9 март во "Мала станица" со изложба на модни фотографии на Дарко Мораитов, Филип Кондовски, Александар Гроздановски, "АД фотографи", Владо Ѓорѓиев, Сашко Манев, Лепа ѓорѓиева, Наташа Димовска-Узуновска и светски познатиот автор со албанско потекло Фадиљ Бериша, кој има фотографирано многу холивудски ѕвезди и познати брендови.
Во текот на викендот, од 12 до 14 март, ќе се одржат модните ревии во салонот "Ауди, порше".
Ќе може да се погледнат новите колекции за сезоната пролет-лето 2010 на Ненад Секирарски, Јован Петровски, Олгица Ѓоргиева, Елена Лука, Роберт Ивановски, Ведрана Панова и дизајнерката на накит Александра Шекутковска, како и на "Ателје Кокев" и "Република дела мода". Присутните ќе се запознаат и со првите креации на студентите од класата на Александар Ношпал на ФОН и на студентите на Никола Ефтимов и на Јана Манева Чупоска на Европскиот универзитет.
Македонска модна формација со овој настан планираат да ја вратат модната недела во Скопје, со која метрополата повторно би се нашла на светската мапа на модни случувања.
Манекените кои ќе бидат ангажирани на ревиите и за потребите на едиторијалите ќе бидат од модните агенции - "Њу лук" и од "Моделс ин".
Програмата секој ден почнува во 20 часот, а на паузите во шоу-румовите ќе може да се погледнат новите колекции на накит и на чевли.
Еве од вчерашното отварање фотки.