ФИЛМСКИ ВРЕМЕПЛОВ 1923-2022 (Патување 62: 1994 - 09-16.10.2026)

[ComfortablyNumb]

Ја го имам гледано, бидејќи директорот е истиот како на I Origins, прејак филм. Другата планета не ми се допадна баш, по спомен беше доста монотонен и накрајот всушност разбираме што се десило со затемнувањето или шо и да беше.

 

[Anon]

Приказната за рускиот космонаут раскажувана од Брит Марлинг е единственото нешто што го памтам од Another Earth пошо го имам гледано 20 пати.

 

[Io Sono Interista]

Заборавив, најважното: во 2011 @Zlatikevichius се роди на Кајгана форум.

Еј, друго ми беше муабетот - од оваа 2011 година е еден филм за кој се кршеа копја тука многу кога дојдов на форумов. Мало инди филмче е и голема е веројатноста да го испуштите ако не ви го посочам, па затоа, ако го немате гледано, гледајте го Another Earth, и баш ме интересира вашето мислење, години потоа. (А верувам и @wot и @Io Sono Interista ќе ги интересира. )

 

[wot]

Уште некои тука мислат овој може да сними добар филм. Another Earth e вреѓање за поимот инди, а овој I Origins пали кај ликови како @Ingvar и тоа е доволно информација за мене, иако грешев и проверив. Знам знам, од курот да ти станам, слушнавме 1000 пати до сега, но конзистентноста во моето нестанување е истата ко на овој кој упорно снима нови работи и постои во конверзации како број 99 од 100 најдобри серии со серии како the OA. Не вреди меѓународните односи со Ио да си ги нарушувам за вакви веќе, едвај почнав филмски него да го трпам, не можам и фаци како тој погоре. Немој Злате не потсеќај жити се... nature is healing... заборавете дека 2011 се десила најдобро.

 

[PloTwist]

1. Rango (2011)

Од полза ми се најде претплатата на Skyshow Time. Убаво филмче, анимирано, за некоја слика од дивиот запад и борбата за голтка вода.

Филмот е во светот на животните, луѓето се изземени од оваа приказна, сем како пречка кога треба да се премине кон другата страна.

Ми се допадна тоа што одметниците се претставени како најголемите предатори во животинскиот свет, оние кои ги ловат малите единки. Ранго, гуштерчето, добива статус на херој, а потоа и шерифската значка кога успева да убие еден од одметниците кој ги држи жителите на гратчето во терор.

Не е баш детско, повеќе е семејно. 3/5

 

[Zlatikevichius]

115. Limitless - Neil Burger (2011)



Со оглед на тоа што тие години гледав мнооооогу филмови, ова е еден од ретките филмови од 2011 кои нешто вредат, а јас го немав гледано. А не знам зошто не сум го гледал. Добар, стварно добар, забавен филм. Еден пропаднат wanna be писател доаѓа до апче со кое ќе може да користи 100% од својот мозок. Резултатите по тоа се една калакурница, бркотница, мешаница, акција... Филм кој не те остава да трепнеш или да застанеш. Баш ко ти да си го испил апчето. 8/10

 

[korokodildandi]

1. Warrior (2011)

https://www.imdb.com/title/tt1291584/?ref_=nv_sr_srsg_0_tt_8_nm_0_in_0_q_warrior

Ја прочитав темава ми кликна дека го имам гледано филмов и сега кога се враќам наназад ја паметам последната борба. Ако сте за квалитетен филм повелете. 10/10 без разочарување.

Исто како Златко, од 2011 имам гледано се што треба и не треба. Ама Воин е перфекција.

 

[PloTwist]

2. Cars 2 (2011)

Мора да бидам искрен дека сум малку разочаран од овој филм. Немаше никаква приказна, надвор од рамката на трката. Никогаш не сум бил фан на Ф1/Наскар. Татко ми пратеше во младоста Ф1, и јас ко дете покрај него, без авторитет и моќта над далечинскиот управувач, морав да патам и страдам. Најинтересно беше кога ќе имаше судир или некој кога ќе излеташе од стазата. Мислев дека тоа е целта, сите да се испокршат, еден да остане.

Сакав да му ставам 2ка, но акцијата со агентите малку го извади. Па и тоа што имаше Југо, макар што е претставено ко негативец. Сеуште е дел од повеќедеценискиот македонски стандард, па и жив доказ за постоењето на каква-таква автоиндустрија на овие простори.

Анимацијата беше убава, ама не се потрудиле многу околу приказната. 3/5

 

[Zlatikevichius]

116. A torinói ló / The Turin Horse - Béla Tarr (2011)



Ова е последниот филм на Бела Тар (кој почина во јануари годинава). И она „не баш за секого“ ептен одговара за него. Екстремно бавен филм - до таа мера е екстремот што има сцени од по 7-8 минути каде прикажува врата од штала во кадар, ништо не се случува, само 7 минути ја гледаш вратата и го слушаш ветрот кој дува во позадина. Целиот филм е составен од 6 повторливи секвенци: 6 дена во кои еден фармер и неговата ќерка го поминуваат денот затворени во својата колиба додека надвор беснее ветрот. Рутините се исти: станува ќерката, се облекува, станува таткото, она го облекува, оди по вода на бунар, одат кај коњот каде подработуваат нешто, се враќаат, вечераат варен компир, си легнуваат. Целиот филм е алегорија на човековото постоење. Една философска сага за човекот, за неговата природа, за кршливоста на животот, но и за светот околу. Ова е филм и за елементите - ветер, вода, земја и оган.

И покрај тоа што ова беше еден долг и досаден филм во кој Тар си игра со трпението на гледачот, кај мене имаше медитативен ефект. Особено првата половина од филмот - толку ме маѓепса и смири што не трепнав гледајќи. И покрај тоа што има 3 минути приказна во 2 и пол саати филм, сметам дека е ремек дело на европската кинематографија и многу ме замисли, погоди и смири. Затоа од мене една силна 8/10. Чиста уметност!

 

[PloTwist]

3. We need to talk about Kevin (2011)

Ајде да зборуваме за убави работи! Тилда никогаш не ми била привлечна глумица, ми личи на гоблин, или на Голум со тоа очите.

Филм со многу скалила, кој е многу сличен на Одбрана на Џејкоб. Тука го следиме животот на Кевин. Играта е мачка и глувче, од мали нозе знае како да ја извади својата мајка од чевли, а потоа и од чорапи. Сите негови постапки од одмерени, да ја повреди, потишти, разочара. Повеќе е психологија на жртвата, неговата мајка, која се крие од општеството поради постапките на својот син, живее во оклоп, се соочува со навреди, закани и физички пресметки. Страда, пати, чашите со вино стануваат слика на секој кадар. Се дави во својата беспомошност, оставена сама и изолирана против сите.

Лично би го рашамарал за секоја негова постапка, ретардираноста би му ја извадил од кожа, посебно ако ми го уништил ѕидот со боја. Со јазик има да ја вади, додека не стане пак бел. Па и татко му педерче, наместо да му каже дека треба да биде поголем брат, голта кнедли. Мен ап.

Интересна сцена беше кога го фати како го тинка, наместо одма да ја затвори вратата, гоблинот го гледаше уште едно добри 15-20 секунди. 3,5/5

 

[Zlatikevichius]

117. Wuthering Heights - Andrea Arnold (2011)



Е ова беше далеку подобра адаптација на култниот роман на Бронте отколку најновото срање на Емералд Фенел. Се сеќавам дека филмов ми беше симнат тогаш кога излезе и долго време го чував на хард диск, но не знам зошто не најдов време да го изгледам. И ова не е дословна адаптација на романот, туку негова интерпретација, па така тука Хитклиф е црнец, а од готската атмосфера нема ништо зашто се е down to Earth, и Ерншо не живеат во замокот Оркански височини, туку се сиромашни селани кои живеат на фарма, насекаде има кал, сите се валкани... Но, ко што реков, за разлика од новата адаптација каде Марго Роби глуми Gen Z тинејџерка со каприци, овде се е пореално за времето кое го опишува филмот - 18 век.

Најмногу ми се допадна кинематографијата и продукцискиот дизајн - некои пејсажи се едноставно преубави, па така филмов можам да го наречам - визуелно прекрасен. Исто - повеќе и верував на љубовта на Хитклиф и Кетрин отколку во порничот на Фенел. И, иако црнец, Хитклиф тука беше многу поблиску до Хитклиф од книгата (иако на крај го немаше тој rage кој го очекував), отколку мекушот Елорди.

Се на се - убав филм. Од 4 изгледани, овој ми е на делба на второто место од адаптациите на Оркански височини. 7/10

 

[wot]

3. We need to talk about Kevin (2011)

Ајде да зборуваме за убави работи! Тилда никогаш не ми била привлечна глумица, ми личи на гоблин, или на Голум со тоа очите.

Тилда за мене пак значи ауто-watch.

На апликацииве веќе и не даваат по година да филтрираш, морав да прогуглам 2011.

Утрово го гледав The Sunset Limited (2011)



Главна улога Samuel L. Jackson и Tommy Lee Jones. Режиран од Tommy Lee Jones исто така, напишан од Cormac McCarthy. Во една соба филм, професор кој сака да се самоубие дебатира за господ и значењето со бивш затвореник кој го спасил. На хартија изгледа одлично наместо некој подкаст, но почетокот беше вештачки и набубено читање паметен дијалог што ми требаше екстра труд за да се внесам целосно. Отворениот крај беше само доказ дека не е снимен да нешто особено се каже, туку дека целта е возењето, не дестинацијата. А како за такво, 2.5/5.

 

[Zlatikevichius]

На апликацииве веќе и не даваат по година да филтрираш, морав да прогуглам 2011.

Затоа Stremio е бог и батина за сите можни стриминг сервиси кои постојат, за сите апликации и чуда. Одиш на Discover, и во трите опции ставаш:
1. Movie
2. New
3. бираш која година сакаш
и ти дава се што е снимено таа година.
Кој го направил ова чудо не споменик, туку мавзолеј треба да му се подигне!

 

[Zlatikevichius]

118. In the Land of Blood and Honey - Angelina Jolie (2011)



Режисерско и сценаристичко деби на Анџелина Џоли. Филмов има само 4,7 оценка на IMDB зашто е бомбардиран од 1 оценки, само не знам дали од Срби или Босанци. Станува збор за љубовна приказна меѓу српски офицер и муслиманка за време на опсадата на Сараево во Босанската војна на почетокот од 90-тите. Ја има и нашата Јелена Јованова во 2-3 сцени, од кои таа најважната - како ја силуваат. Не знам, мене успеа да ми го задржи вниманието, иако крајот ми беше многу без везе и се мислев да му дадам 6 само заради крајот, ама попуштив зашто имаше нешто повеќе од тој крај во филмот. Она на што најмногу и замеруваат на Џоли е што е премногу експлицитно графички прикажано некои ужаси од војната, како силувањата и убивањата на цивили. Но според мене токму тоа е она што направи да ми го задржи вниманието, зашто во таа војна не се расфрлаа со цвеќиња, сведоци на овие ужаси по вестите бевме, секојдневно. Затоа сметам дека тоа не е лошото во филмов. Јас малце повеќе би ја продлабочил романсата само, зашто некако ми немаше доволно хемија меѓу двајцата главни актери, и секако - би го сменил крајот. Се останато беше ОК.

7/10

 

[PloTwist]

4. What's your number? (2011)

Ром-ком со Крис Еванс и Ана Фарис. Не е баш по мој вкус, ама го имаше на НВО, па си го пуштив. Сѐ се врти околу бројката на сексуални партнери на Али (Ана Фарис), која го анализира својот историјат и оттаму сака да го извлече својот иден сопруг. Од друга страна го има Колин (Крис Еванс) кој има многу едноноќни врски и засолништа бара во станот на Али додека не се расчисти гужвата. На тој начин се зближуваат и започнува меѓу нив да се јавува одредена хемија.

Ана беше барбика во раните 2000ти години, потоа непотребнио започна да се пластифицира. Во последниот Скери Муви не личеше на себе. Многу вештачки, многу неприродно.

Филмот ми беше онака, ништо посебно. Далеку од оние филмови кои сакам да гледам, лесен Б хорор, трилер или некоја историска драма. Дури не верувам дека приказната добро ќе биде продадена и кај дамите. 2,5/5

И мене ме нервира тоа што стриминг платформите немаат можност за напредно пребарување. Имам Sky Showtime и НВО Макс, претходно имав и Нетфликс. Прво ја гледам на Летер годината, по асоцијација ако ми останал некоја филм од овие платформи, па после гуглам. Од оние кои не ми се гледани, го има и Невозможна мисија не знам таму кој дел, но тоа не било гледал.