Film Club

Статус
Затворена за нови мислења.
Член од
21 октомври 2011
Мислења
1.357
Поени од реакции
1.370
The Man Who Planted Trees (1987)

Филмов ми беше како прочитана приказна. Сосема истиот ефект ќе го имаше и да беше радио драма. Или во форма на сликовница. Тоа околу филмичноста.
Цртежот беше рачно сенчен, секоја поза посебно, што кажува дека многу цртале со оглед и на должината на филмот. Можеби се одлучиле за тој пристап за полесно да ги изведат преодите во цртежите кои ги имаше доста. Ми се допадна како звучните ефекти ја надополнуваа сликата или нараторот, иако на моменти беа и премногу буквални. Приказната со наравоучение и силна порака, позитивна во секој случај, просто наметнува желба да излезеш и да засадиш дрво.
Чисто заради тоа оценка повеќе.

7/10

Alone in the Wilderness (2004)

Ај што човеков сам направи цела куќа за еден месец и тоа само со пила, секира и длето, па и го снимил сето тоа. Добро за снимањето имал помош, не знаеме дали и за куќата. Но како и да е, не го намалува подвигот што го направил. Кај куќата па и цел инвентар внатре и надвор. Па и садови за готвење и чување храна. Просто зачудувачки неверојатно. И останал таму триесетина години на -40 степени зимно време.
И филмот одлично снимен и измонтиран. Сликата со слаб квалитет, не знам дали заради снимката или заради зачуваноста на оригиналниот материјал. Не пречеше на гледањето затоа што приказната влечеше.
Дефинитивно ќе го гледам и вториот дел, успешно ме заинтересира да го проследам понатамошниот дел од неговиот живот.

8/10

п.с. Туку дали овој беше 100-тиот филм во клубот?
 

wot

њ
Член од
20 мај 2008
Мислења
17.459
Поени од реакции
27.243
Jas go gledav The Sting.

Ne znam zaso sum iznenaden ama mi se dopadna. Duri ne mi smetase toa sablonskoto triler momentce, u stil eden twist za negativecot u filmot i uste eden za gledacot, i iako im ja probiv forata so policijata (ne deka nesto wow) sepak mi bese interesen za gledanje, po vina na glumcite. Ovoj Paul Newman go prai Matthew McConaughey da bide Matthew McConaughey za siromasni. Isto i Redford soliden. Da imase uste edna ubava dama ko so si lici u con filmovi ke bese ekstra. Ili uste malku razvivanje negativecot, od cunny mafiozo od start go napraija шega so ponasanne i akcii. Ipak 4/5.

Zlaten go gledav synecdoche pred da go predlozam samo sto ne mi se filosofirase togas a i ne se razvi diskusija, osven corvus sto me prozva. <3 Pisi mi go normalno 5/5. Nekoj den ke proguglam za sto se rabotelo, dotogas moite depresivni teorii neka ostanat za nekoj dozdliv den. :D
 

Anon

/b/ House /b/
Член од
13 декември 2007
Мислења
11.312
Поени од реакции
16.815
The Miracle Worker 1962
филмот го бирам затоа што го немаат гледано активните во клубот и затоа што многу ми се допадна поради глумата и трпението на жената
 

Хоуп

ümid edirəm
Член од
13 април 2012
Мислења
1.244
Поени од реакции
5.932
The Miracle Worker 1962
филмот го бирам затоа што го немаат гледано активните во клубот и затоа што многу ми се допадна поради глумата и трпението на жената
Јас се мислев за него минатиот пат.
 

Хоуп

ümid edirəm
Член од
13 април 2012
Мислења
1.244
Поени од реакции
5.932
Мене до толку не ме воодушеви, пошто имам работено баш со такви деца и ептен ми беше драма, а на кралицата на драмата да и биде нешто драма.... :D
Онака ок.

Сцената кога се вртеа околу маса пола сат, исфорсиран префорсиран лик, како со филмовите за аутизам така и тука, ништо и никој не е навистина таков исто и болестите не се такви како што е прикажано на филм. Јас да ви направам филм спрема искуството мое и се што видов и знам а пред тоа врска немав иако 20000 филмови имам изгледано, interstellar ќе ви биде филм за дечиња. Никој ја нема таа сила ни моќ, ни мајка ни татко, најмалку некој непознат да влезе во светот на некој толку болен, па уште и да биде прифатен. Јас кога почнав да работам со нив исто од филмовите што ги гледав мислев дека сега јас тотален странец ќе успеам да се зближам со нив, на аутистичните да им помогнам да си ги пронајдат талентите па да шетаме после по Вегас и пари да правиме и покрај сите професионалци и дефектолози и логопеди и не знам што кои беа таму, јас најпаметна се мислев. И ништо цела таа приказна заврши само со мисла, никогаш не допрев до никој, ништо не променив и сменив работно место после некое време. Затоа вакви филмови сега после тоа искуство ми се лоши, исто како оние што имале лоши врски и бракови кога гледаат романтични комедии па викаат љубов има само на филм...
 

Anon

/b/ House /b/
Член од
13 декември 2007
Мислења
11.312
Поени од реакции
16.815
Никој ја нема таа сила ни моќ, ни мајка ни татко, најмалку некој непознат да влезе во светот на некој толку болен, па уште и да биде прифатен.
Ти очигледно не си запознаена со придонесите на Хелен Келер кон општеството.
И ако сметаш дека Ен Саливан нема висок придонес, треба моментално да си прочиташ дополнителни информации.
Пошо ти не си успеала ништо да направиш со таквите деца, тоа автоматски значи дека ни го форсираат филмов и туторкава ич не влијаела.
Еден од двата извори на кои е базирано сценариото е самата автобиографија на Хелен Келер.
Но хеј, лажат! И она лаже! Сите лажат! Пумпаат! Овие се првите кликбејтери!
Хоуп знае, она работела со деца со посебни потреби и од нив ништо никогаш нема да биде!
 
Член од
21 октомври 2011
Мислења
1.357
Поени од реакции
1.370
Miracle Worker (1962)

Многу добар и инспиративен филм. Уште една потврда дека со доволно труд и упорност може се да се постигне. Глумата на двата главни лика фантастична. Идната госпоѓа Робинзон одлично ја доловува храбрата и независна девојка од северот, која покрај борбата со девојчето треба да се справи и со стереотипите на југот. Девојчето исто ѕвер.
Сцената во трпезаријата кога ја учеше да јаде е мало ремек дело. Смели долги кадри, ниски ракурси, не само во таа сцена туку и низ целиот филм, особено кога имаше конфликти.

8/10
 
Член од
17 октомври 2011
Мислења
7.577
Поени од реакции
16.210
Поради тоа што форумот беше офлајн most of the time, продолжуваме со Miracle Worker до недела, 08.12.2019.
Автоматски споено мислење:

@Хоуп , пиши оценка, те молам. @Zlatikevichius , @Corvus , @Vlatko_Gjorce , @wot , @Gazpapir , @Anon и @__Vita____ , имате(-ме) уште 5 дена!
 
Последно уредено:
Член од
17 октомври 2011
Мислења
7.577
Поени од реакции
16.210
Е па драги мои, дојде и тој миг кога, за жал, мора да ставиме крај и на овој проект. Точно 4 години се дружевме, споделувавме мислења и ги гледавме меѓусебните предлози. И, по мое мислење, успешно беше. Ете, дури и дознавме податок (@Acid сподели), дека во месец ноември, зборовите film club се трети најпребарувани зборови на Google кои потоа пребарувачите ги донеле на форумов. Искрено, на момент се замислив дали да ја променам одлуката, која веќе тлее подолго време, клубов да згасне. Но сепак се одлучив да ставиме крај. Има неколку причини. Што велат старите: сѐ се собрало, не е само едно нешто:

-последниот филм го гледаа, и пишаа за него само двајца, од кои еден не го ни оцени. Активноста во клубов одамна е на незавидно ниво, веќе некое време едвај живуркавме. Затоа мислам дека е веќе бесцелно да се обидуваме да развиваме дискусии, кога дури и тие кои ги гледаат филмовите, чат пат немаат време ни 2 збора да напишат овде;
- @__Vita____ , која требаше да предложува следна, не одговори на мојата порака, а и секако според правилата кои во последно време моравме да ги прекршуваме за да може да опстане клубот, не ги исполнува условите да предложува, зашто има изгледани само 2 филма;
-ни јас немам повеќе толку слободно време како до сега. Од пред месец дена станав татко по втор пат, и некако како да ми се дуплираа обврските. За месец дена, и тоа во сезона на Оскари, јас имам гледано само еден филм. И ни еден од последните 3 во клубов, со што и јас добивам црвен картон од него, доколку гледаме според правила...
-а немам веќе ни ентузијазам како порано, да бидам искрен, зашто сметам дека целиот труд е залуден кога едвај два-тројца го вреднуваат;
-и покрај тоа што за секоја Нова година многумина ветуваа дека ќе се вратат или приклучат, малкумина повратници или нови членови видовме, затоа што...
-активноста во подфорумов е многу слаба. Додека до пред некоја година уживав во сите теми кои ги отворав, сега... во Moviespotting се намали бројот на бројачи и изброени филмови за повеќе од четири пати, во клубов се намали бројот на членови за повеќе од 6 пати, и најинтересно од се: доаѓа време за нови Kajgana Movie Awards, а никој не забележа, ЦЕЛА ГОДИНА, дека се уште не се објавени победниците во оние за 2018! Разбирливо, социјалните мрежи си го прават своето. Веројатно има уште некоја причина-две, но според мене, овде е веќе бесцелно од активните членови на форумот кои се бројат на прсти, да бараш повеќе од петмина бар, активни во клубов.

Затоа, со тешко срце, но мора да ставиме крај. Огромна благодарност до сите кои учествувавте, макар и за 1 филм! Или со броеви, како што милувавме, благодарност до: сите 46 стари и нови членови за 100-те предложени филма, 2950-те напишани коментари на 197-те страници од темава и за 1081-то гледање на некој од предложените филмови, во сите овие 4 години... Клубот ќе биде привремено неактивен, додека не помислам дека се створени услови за негово рестартирање. Ние секако ќе се гледаме и дружиме во другите теми од подфорумов. А можеби, доколку ептен осетам празнина, да пробаме да се преселиме на некоја друга платформа. Што и да биде, ќе бидете известени.

За крај, моја ќе биде честа да го затворам клубот со последниот, 101 филм. Благодарение на тоа што форумов не работеше 3 дена, ако 101 филм го гледаме точно 2 недели, како и сите други, би завршиле на католичкиот Божиќ, на истиот датум на кој што почнавме, 25 декември, со што клубов ќе направи точно 4 години пред да згасне. Убаво заокружување на нештата! Откако го скројав планот за крајов, цело време бев сигурен последниот филм да биде Fight Club, оној кој е виновен за насловот, но еве, баш сега се премислив, зашто тоа е филм кој ем сите го имаме гледано, ем сите го имаме коментирано. Затоа, ќе завршиме со едно ново божиќно филмче кое мене ептен ми се допадна, а со кое ќе ги зачините предпразничните денови со малку магија. Origin приказната за Дедо Мраз, во наредните две недели го гледаме Klaus!

@wot - Film Club (Klaus: 12.12-25.12.2019)

До видување, драги филм-клубери!
 

devilko

♆ wicked one ♆
Член од
28 август 2014
Мислења
962
Поени од реакции
2.954
Честитки Злате на станувањето татко по втор пат. Нека се живи и здрави децата. Нека ве прати многу љубов и хармонија во вашиот дом. :love:

Многу ми е жал што едно овакво убаво катче во кое бев дел од самиот почеток, па скоро до самиот крај згаснува.
Многу филмови се предложија овде, многу страници се испишаа... Излеговме побогати филмски, пораснавме, и го надраснавме местово. Предизвикот ќе го продолжиме да го бараме и понатаму некаде, можеби и повторно попатно ќе дружиме.

Имав чест Клаус да биде еден од ретките филмови на кои му најдов време годинава да го изгледам и да ја оставам својата последна трага во клубов.
Одамна немало оволку добар анимиран филм кој ќе ме чепне длабоко како овој. Ова посебно го збори личност која се ужасува од новогодинешните просеравања, украсувања и цела таа еуфорија.


Клаус преставува една модерна верзија на една стара приказна со малку крипи шмек за легендата за Дедо Мраз.
Анимацијата и нарацијата е одлична. На момент ме потсети на How to train your dragon, ама само на момент. Не дека ми сметаше тоа...
Легендата беше доловена максимално,пораката е испратена, на нас е дали ќе направиме подобар свет или ќе го оставиме овој и понатаму да гори.

Оцена: 9

Ви посакувам пријатни празници испреплетени со среќни мигови. Се читаме, повторно, некаде низ форумов.

Збогум Филм Клуб.
 
Член од
21 октомври 2011
Мислења
1.357
Поени од реакции
1.370
Клаус (2019)

Едно сосема ново и оригинално видување на настанокот на Дедо Мраз. Приказната за себична личност која ќе престане да мисли само за себе и ќе започне да се грижи за другите, веќе е видена и наравоучението е познато. Но тоа воопшто не штети а и треба да се повторува со оглед дека во денешно време се помалку се оди по тој пат.
Цртежот и анимацијата многу ми се допаднаа, вистинско освежување од 3Д анимациите на Пиксар и Дизни и сите останати што се трудат да ги следат. Многу ме потсетуваше на класичните поинт и клик авантури од пред многу години, особено на серијалот за Monkey Island, оние подновените верзии. Дури и главните ликови изгледаа речиси идентично. А и некоја од репликите како да беше излезена од таму, особено оние духовитите.

8/10


Што се однесува до Филмскиот клуб, па сега, сѐ што е добро има крај. Едно огромно благодарам до Злате, за несебичната заложба да го започне и четири години да го води ова катче. А секое несебично дело секогаш поттикнува ново, што би рекол Клаус.
Евидентно беше неговото оправдано отсуство во последниов период.
Сите учесници гледавме по неколку наслови, кои да не беше клубов, сигурен сум дека никогаш не би ги виделе. Многу од нив беа добри, некои и не толку, но од сите нив научивме по нешто ново, ги проширивме видиците, се запознавме со нови автори и изведувачи. Сигурен сум дека многу од членовите и продолжија со гледање на останатите нивни филмови.

До некоја следна дружба ви посакувам убави празници и многу здравје, среќа и малку повеќе пополезни активности од гледање филмови.
 
Член од
17 октомври 2011
Мислења
7.577
Поени од реакции
16.210
Драги членови на клубот. Ќе пробаме да го рестартираме, со значително изменети правила, тука: https://forum.kajgana.com/threads/film-club-2-102-under-the-silver-lake-16-02-22-02-2020.109136/

Повелете, дојдете!

@wot, те молам смени го насловот на темава во Film Club, и стави ја под клуч. Кој сака, може да коментира во новата тема. Thanks in advance.
 
Статус
Затворена за нови мислења.
На врв Bottom