Абе многу бргу поминаа овие две недели. Јас си мислев дека уште цела недела имам за гледање, кога оно веќе дошол нов филм... А и оној на Анон уште ми стои во комп неизгледан. Периодов ептен бев зафатен и резултатот е ниту еден изгледан филм во последните 20тина дена. Дури неќни го изгледав Џонатан и еве сега Менхантер. Утре како ќе станам само јас си знам...
Да се вратиме на филмот...
Ги имам сите филмови на Ханибал гледано со Ентони Хопкинс. Сите сум ги рејтувал многу високо а "Кога јагнињата ќе стивнат" ми е во Топ 10. Имам гледано и некои од оние после овие со Хопкинс и биле жива катастрофа, заклучно со серијата каде Ханибал го глуми Медс Микелсен. Имав големи очекувања од таа серија, Микелсен е одличен актер и верував дека достојно ќе се претстави во улогата на Лектор. За жал и таа испадна тешка бљувотина со единствена цел да го згрози гледачот. Имам читано и нешто од книгите...
Менхантер, се решив да го оставам неизгледан, посебно што го гледав веќе Ред Драгон па самата приказна ќе ми беше донекаде позната и наместо да уживам во него, ќе го немаше факторот на изненадување и целиот ќе ми поминеше во споредба. Од тогаш поминаа неколку години и сеќавањата на Ред Драгон донекаде ми се избледени, па Менхантер ми дојде донекаде како освежување на меморијата. Сепак, споредбата беше присутна...
Не гледам потреба да се збори воопшто за Ханибал Лектор, како што рече Влатко, очај, разочарување... Го немаше тој погледот по кој морници те лазат, ниту пак доби превише внимание. Ама пак кога ќе видиш дека Ентони Хопкинс имаше само 16 мин скрин тајм во јагнињата, и тоа остана запаметено како една од најдобрите улоги, евер.
Од друга страна пак, Тут Фери ми беше вистинско откровение. Добар кастинг направиле со актерот. Изгледаше страшно, злобно. Страшно потсеќаше на мојот комшија, Боро. Исто беше и он така скоро па подгрбавен, со таква полуќелава глава, високо дигнати панталони, маицата пикната во нив, а погледот... како сета злоба на светот да се собрала во него.
Не знам дали овој перформанс се должи на фактот што Менхантер беше филм на Вил Грем, и Тут Фери се појави тек на средината, па самото негово исчекување го направи своето...
Ред Драгон, обратно, беше филм на Тут Фери, се појави уште од самиот почеток, дознавме повеќе за неговото потекло и ја немаше таа неизвесност. Едвард Нортон беше запоставен, до степен да биде споредна улога. Мене ми е меѓу омилените глумци и секогаш ќе бидам субјективен кон него, ама морам да признаам и дека Петерсон доста добро ја донесе улогата.
За Реба. Потребно ли е воопшто да се пишува? Катастрофа. Исто како Лектор. Кога ќе се сетам колку беше само слатка во Ред Драгон, се плашиш да не и се случи нешто, сцената со тигарот беше толку напната... Овде навивав да ја килнат.
За крај... Менхантер од денешна перспектива делува како филм кој почнал да го јаде јазот на времето. Техничкиот аспект, камерата, сценографијата, лоши кастинзи беа нешто што не можеше до крај да ги извади одличната музика. In A Gadda Da vidda ми е толку добра што ја имам на мемориска уште од 2012 и си ја префрлам на секој новокупен мобилен.
Фалеше факторот на изненадување, бар за мене. Доколку некој прв пат се запознава со Лектор, верувам дека импресиите ќе му се поголеми.
Overall се работи за солиден филм кој вреди да го изгледа секој љубител на ликот и делото на Ханибал Лектор, но според мене севкупно заостанува зад филмовите со Ентони Хопкинс. Ред Драгон ми е подобар.
Одличен предлог и одличен тајминг.
Ако не го изгледав сега, којзнае кога ќе дојдеше на ред.
7.5