FILM CLUB (КРУГ 5) (196. Kuru Otlar Üstüne / About Dry Grasses: 08.04-21.04.2024)

[Zlatikevichius]

I am back! Конечно изгледав филм од клубов, и ќе ги изгледам и трите пропуштени, ветувам. Е сега накратко за A Time to Kill. Јас се одлучив да му дадам седмица прво, ама по кратко размислување и откако ги исчитав коментарите ваши, ќе ја намалам малце оценката на 6/10. Образложението следува подолу.

Филмот генерално си е ОК. Солидна актерска екипа, приказна слична на To Kill a Mockingbird само со мали варијации, солидно беше пренесена приказната, убаво изрежирано се... Реков, генерално позитивен впечаток ми остави, и обично вакви ОК филмови на кои им фали нешто за да бидат WOW или над просек, добиваат 7 кај мене. Затоа и прво се одлучив за 7.

Но, филмов има многу маани:
-Кажавте дека е непотребно толку долг, можеле да го стеснат и под 2 часа и ништо да не изгуби
-Уште од старт се обидуваше преку постојаното префрлање на фокусот од едно место на друго и од едно случување на друго, да добие на комплексност. И навистина, по некаде час поминат од филмот, си реков: доста комплексен филм, паралелно прати неколку сегменти на приказната и притоа ни една од нив не трпи на сметка на другите. Но подоцна испадна дека не етака. Некои моменти, сцени, и скршнувања од главниот тек испадна дека не биле воопшто битни. За други, за кои изгледаше дека ќе бидат битни, не се дозна ништо, и останаа да лебдат неодговорени прашања, или пак можеби јас не сум се фокусирал доволно па затоа истите ми останале неодговорени (пр. кок беше Мики Маус типот и која беше неговата намера, цел, поента... Јас мислев дека тој лик е некој кој е длабоко вплеткан во целиот случај и дека ќе придонесе за да се долови нешто повеќе од идејата на филмот. После, и ликот на Сандра Булок беше мноооогу непотребен, ко да ја уфрлиле одпосле изгледаше и ко да сите сцени со неа беа само за да набе минутажа на екран, а изгледаше дека ќе биде многу позначајна и повплетена во случувањата. И.т.н.).
-Мене крајот не ми се допадна. Ми беше претерано американски, ептен претенциозен. Како бе може некој кој убил човек да биде прогласен за невин и следниот ден да си прави скара во дворот? Без оглед на контекстот во кој го извршил убиството, човек кој извршил убиство мора да биде институционализиран!
-Сцената кога се врати жена му за време на дождот и мене ми беше многу глупава. Цело време додека траеше мислев дека сонува или замислува. Поточно се трудев да се убедам дека сонува или замислува, зашто така ќе имаше поента целата таа сцена. Вака не.
-Многу дијалози, многу сцени, многу реплики ми беа максимално нереални и роботски. На пример, сцената кога се испраќаа на аеродромот со жена му и ќерка му: јас мислам дека е невозможно на таков начин, како да читаат текст од книга да комуницираат двајца кои со години се во брак. Многу вештачки ми делуваше тоа. Па и малечката, една единствена реплика изговори, и и таа беше за facepalm - така ни едно дете на светот не би одговорило на родител со кого се испраќа, па колку и да е паметно детето. Тоа беше ко роботче да се поздравува со татко му - робот. Многу lame.
-А... ова, Кевин Спејси де ми беше закон, само уште тоа да кажам.

Имаше уште моменти, ама веројатно заборавив што сакав да кажам. Ама тука сме, ако ми текне.
Значи 6/10[DOUBLEPOST=1489511744][/DOUBLEPOST]А, да - гласајте за Kajgana Movie Awards. До недела имате рок! https://goo.gl/CvwCM9[DOUBLEPOST=1489512929][/DOUBLEPOST]@MyloXyloto , @wot , @Iceboy , @wicked_1 , @Џонтра Волта , @ob1 , @moongoses , @Corvus , @Донев , @Shawn Spencer , @Carax и @Вокерка - имате уште само 5 дена за A Time to Kill. @Џонтра Волта - од тебе уште ја чекам оценката за твојот.

 

[Iceboy]

Интересна тема обработува, не дека е нешто невидено ова со црнци и белци, ама споено со убиството станува поинтересно.
Како филм кажавте и погоре, можеби има некои вишок сцени, Сандра Булок стварно беше ставена само за да е лепотица и нозете да и ги гледаме цело време, овој со Мики Маус тетоважата откако ја спаси го заборавија исто како да не постои (макар што ваљда тој му кажал на шерифот дека братот на убиениот и полицаецот се во ККК заедно). Сепак како што кажавте, се ова можело да се скоцка во околу 2 часа и можеби поголем ефект ќе имал.
Глумата беше солидна, ништо wow, ништо фенонемално, ама далеку од очајно или лошо.

Е сега, прашањето кое виси...дали ако бевте во поротата ќе го осудевте Карл Ли. Дали стварно луѓе што силувале 10 годишно дете и за малку не го убиле имаaт право да бидат ослободени после десетина години (барем така рекоа во една сцена од филмот)? Иако се бутка и расистичката линија тука, да се земе општо, без разлика дали белци, црнци, кинези, австралијанци, марсовци, дали силувачи на деца (и обид за убиство успат) не заслужуваат смртна казна (ако веќе постои во таа држава) или барем доживотен затвор. Како би гласале вие да бевте во поротата ако потсвесно знаете дека тие двајца некако ќе се извлечеа воопшто да не одат во затвор (како четворицата од Далас/Детроит што ги спомнаа во филмот) или и ако отидеа ќе излезеа многу брзо, а уништиле живот на десетгодишно девојче?

 

[Zlatikevichius]

За случајов, јас би гласал дека црнецот не е виновен за убиство со умисла. Но виновен е за убиство во афект, и за тоа мора и тој да одговара. Тоа е мојот став, не знам за другите. Ама говорот на Мекконахи на крајот не би ме убедил да гласам дека не е виновен, во секој случај.

 

[Џонтра Волта]

Злате периодов немам многу време за глеање филмови, овој што е сега на тапет го глеав пред неколку месеци, во тој момент ми беше супер, мислам дека и 8ца му пишав во мувиспотинг, глеам на летер ми е 7ца.
Нема што многу да се повторувам, горе доле сите исто размислуваме, добар филм ама малку развлечен со вишок моменти. Јас на пример би ја остаил Сандра Булок на сметка на ККК + повеќе сцени со маестро Кевин Спејси. Семи еЛ Џексон во една за него нетипична улога, потчинет нига, нема утка со црниот у никој случај.
Нека биде 7ца и од мене.

А мојот ќе го репризирам обавезно коа ќе имам повеќе време, ќе пишам како и да е, нема кај да бегам.

 

[Iceboy]

Сега гледам дека оцена не сум пишал, пиши 7/10 Злате

 

[Донев]

Добар филм. Интересни глумци собрале. Секогаш ми е интересно кога ќе видам постар филм со глумци кои сум ги запознал и ми оставиле впечаток во понови филмови, па да ги видам вака во поран дел од кариерата. Меконахи, Џексон и Спејси стварно одлични во своите улоги. Сандра Булок ми е ок, ама некако ко вишок беше во филмов, можеше да помине и без неа. Тоа ме носи до она што ми сметаше, а тоа е должината. Значи стварно интересна тема која ќе заинтересира секого, ама некако премногу го развлекле, уште по саат ипол го осетив ова, кога видов дека уште цел саат има до крајот.

Во секој случај, филмот го вади интересната приказна и добрите глумци. Од мене седмица.

 

[Setsuko]

Да не тупеа толку со расните разлики можеби многу повеќе ќе ми се допаднеше. Во принцип сакам судски драми, ама овде многу пати ми избега концентрацијата, со паузи гледав. Непотребно развлечено, да скрателе на тајминг, а да засилеле динамичност сигурно ќе беше повпечатливо и поемотивно. И покрај трагичната приказна некако не успеав да се поврзам со ликовите, крајот ми беше предвидлив. Фалеше некој твист, некој catchy момент што ќе ме заинтересира повеќе.

Постави убави морални дилеми, а сепак како да останаа недореализирани, а само начнати. Во секој случај вреди да се размисли, кој определува што е праведно, а што не, колку вредат животите на (не)човекот, може ли еден злостор да биде поголем од друг и кој е кантарот што ги мери? Вечни прашања што секогаш згаснуваат со субјективни ставови.

Од мене 6/10 овојпат.

 

[Zlatikevichius]

Се враќам малку наназад јас. Awakenings - маестрален! Браво Џони! Де Ниро и Oh-Captain-My-Captain беа лудница. Ај да не се навраќам многу на нешто што сте поминале, многу убави поенти сте доловиле низ мислењата, ве исчитав од почеток до крај. Само ќе кажам дека за разлика од wot, јас гуглав после филмов, и тоа многу. Толку многу што се фатив себеси како читам текстови и за други ментални заболувања како полио и сл. Енцефалитис летаргика, а? Прв пат слушам за епидемијата што ја зафатила Европа, искрено, ама ете, човек учи додека е жив. 9/10 за филмот, да не гњавам.

 

[wot]

I jas ne se soglasuvam so zlate, ama za noviot. Daleku od afekt, do koga bi smetal ti u afekt, mesec, godina? A umislata e tolku ocigledna naglasena... mislam deka varase samo nacin nekako da go odbranis i opravdas, zakonski.

Sram da vi e site za sandra. Odma mi teknuva na temata za oskari koga za zenska zede bas ona. Hejteri edni.

Neam bas vreme denovive ama mene mi bese prosek, sakam sudski, ama ovoj bese sudski, politicki, luboven, neso kao teska drama ke biduvase... sekade cepnato.

Go opravduvam ubistvoto ama ne i presudata. Trebase da bide osuden i da ne kenja okolu toa. Inaku zatoa mi e retardiran toj teatranliot sistem, zaso be zlate nekoj so go znae sekoe clence i go iskoristil da izgubi slucaj od glumec?

Ako iam vreme ke se navratam.
Tapa e od mob.
6.

 

[Zlatikevichius]

I jas ne se soglasuvam so zlate, ama za noviot. Daleku od afekt, do koga bi smetal ti u afekt, mesec, godina? A umislata e tolku ocigledna naglasena... mislam deka varase samo nacin nekako da go odbranis i opravdas, zakonski.

Sram da vi e site za sandra. Odma mi teknuva na temata za oskari koga za zenska zede bas ona. Hejteri edni.

Neam bas vreme denovive ama mene mi bese prosek, sakam sudski, ama ovoj bese sudski, politicki, luboven, neso kao teska drama ke biduvase... sekade cepnato.

Go opravduvam ubistvoto ama ne i presudata. Trebase da bide osuden i da ne kenja okolu toa. Inaku zatoa mi e retardiran toj teatranliot sistem, zaso be zlate nekoj so go znae sekoe clence i go iskoristil da izgubi slucaj od glumec?

Ako iam vreme ke se navratam.
Tapa e od mob.
6.

Не е важно, какво и да е, афект, умисла... Убиство е, и мораше да биде некако казнет.

 

[moongoses]

Време за убивање (1996)

Судска драма со примеси на расна нетрпеливост. Така најкратко може да се опише овој филм. Првпат го гледав во кино во времето кога излезе, втор пат сега за клубов. Нема изгубено многу за овие две децении, успеал да го издржи тестот на времето. Сепак морам да признаам дека воопшто не се сеќавав на најголемиот дел од филмот, второво гледање ми беше како прво. Тоа доволно кажува за длабочината на впечатокот што го ми го оставил филмов.

Повторно се работи за филм снимен по книга. Втор филм на Шумахер по роман на Гришам. Филмот има одличен кастинг и добро изградени иако типизирани ликови што една цела плејада од актери успеваат лесно да ни ги пренесат. По содржината ме потсети на „Да се убие птицата подбивница“ а по атмосферата на „Мисисипи во пламен“ и „Во жештината на ноќта“. Ме зачуди како и во осумдесетите години во Мисисипи се уште немаат клима уреди.

Од една страна имаме типичен лик на јавен обвинител со политички амбиции, кој случајот го гледа како можност за себепромоција. Од другата страна самоуверен адвокат кој што игра од кај добрите момци и покрај тоа што брани убиец. И како што вели неговиот ментор, ова е чуден случај и да го добиеш и да го изгубиш, правдата победува. Секако дека младиот позитивен лик победува и судењето завршува со ослободителна пресуда. Иако според било чив правен систем осветникот требаше да го казнат барем за осакатувањето на полицаецот, тоа не се случи. Ликот на Сандра Булок беше нешто како deus ex machina, се појави од никаде кога беше најпотребна и со огромна леснотија ги наоѓаше клучните докази токму во вистинскиот момент.
Камерата и монтажата се комплетно во функција на пренесување на приказната, музиката ненаметлива и претежно синхрона.
Филмот е неизвесен до пред самиот крај, но не ми остави силен впечаток и не ми наметна некоја дилема за размислување во однос на прашањата што ги опфаќаше.
Од мене 7/10.

 

[Corvus]

Awwwwwww што убав беше овој Awakenings
Би рекла освежување, ама добри филмови ми се погодија периодов, стварно многу убав... што сакам вакви old school драми, ме потсети на One Flew и K-Pax, две also одлични драми, во нивен кош го ставам

8/10

Utd и твојот ќе го изгледам деновиве, i promise не изгледа лошо вака по кастов

 

[Zlatikevichius]

На Филозофскиот филмски фестивал во Кинотека ќе има проекција и на нашиот The Wave, па кој не го гледал кога му беше терминот, ете му одлична можност да го ѕирне, а и оние кои го гледале, да го репризираат - одличен филм.
[DOUBLEPOST=1489927531][/DOUBLEPOST]Последен ден за A Time to Kill. Потсетување за: @MyloXyloto , @wicked_1 , @ob1 , @Corvus , @Shawn Spencer и @Carax .

 

[ob1]

Одличен филм, уште кога ќе се види екипата се глеа дека филмов не може да биде утка. Си имаше свои мани филмов, стварно многу го развлекоа, имаше доста непотребни сцени и непотребни улоги. Вака кога ќе се спореди со други филмови со слична тематика можеби изгледа филмов ништо посебно, ама ако не се споредува со други филмови тогаш стварно добива пролазна оценка. Глумата на Метју и Спејси е стварно предобра. Се на се, супер филмче што може да ве измори само поради долгото траење.
Оценка од мене: 7.5/10

За случајов, јас би гласал дека црнецот не е виновен за убиство со умисла. Но виновен е за убиство во афект, и за тоа мора и тој да одговара. Тоа е мојот став, не знам за другите. Ама говорот на Мекконахи на крајот не би ме убедил да гласам дека не е виновен, во секој случај.

Баш напротив, ова беше класичен пример на убиство СО умисла. Значи црнецот уште вечерта влезе во судницата, се скри и чекаше до следниот ден да дојдат обвинените за он да излезе и да ги убие при тоа повредувајќи и службено лице полицаец. Убиство од прв стен чијашто казна е смрт. Е сеа со оглед на околностите поради кои е извршено убиството можеби не заслужувапе смртна казна, ама доживотна сигурно. Тоа што 10 години казна било за силување и обид за убиство е кривица на легалниот систем. Башка не смее никој човек да си го зема правото во свои раце, бидејќи казната била преблага за силувачите.

 

[Anon]

што ќе глеаме утре
имам намирници ми останаа од денес
глејте да биде нешто лабаво за со намирници