Stanje šoka (2011)
Филмот како да ја позајмил идејата од Goodbye Lenin. Тоа ми беше првата асоцијација кога почна. И очекував да продолжи да тера во тој правец, т.е. да биде критички осврт на социјализмот и Југославија. Бар, тоа ми беше очекувано од Словенија, држава која најмалку пати по бившата држава и граѓани кои највеќе се изјаснуваат за среќни во ова ново, капиталистичко уредување. И секако, најдобро и котира од сите екс Ју републики. Мислев дека ќе биде нешто како
Тито и јас. Потсмевајќи се со Тито, пионерите, синдикалните друштва, итн итн.
Но, ме изненади скроз што проба преку сатира да го исмее Капитализмот, трчањето по материјалното задоволство, матната транзиција, апашлукот и кражбата, мафии, бирократија и општата апатија која се случувала низ транзицијата, а сеуште е присутна и денес овде.
И сета таа тема е одлична, и ретко овака еден филм од балканските простори се дрзнува да го критикува денешното општество на овој начин. За тоа добива чиста 10-ка од мене.
Од друга страна, реализацијата беше таа што разочара. Ликовите немаа длабочина во себе, немаше линеарно градење на нивните карактери, ниту пак успеа филмот да задлабочи малку подлабоко и остана да гребе само на површина. Не успеа на еден поперфиден начин, затскриено да ја упати својата критика, туку тоа го правеше јавно, директно и помалку пародично, млако и неумешно.
Можам само да замислам каков филм би можел да се направи за матната транзиција, за капитализмот, за падот на Југославија и да се преслика мислењето на мнозинството луѓе кои живееле во таа држава, и оние кои никогаш не живееле а го делат истото. Филм кој би можел да послужи како инспирација, да донесе промени, макар малку да ја разбие апатијата и да ги придвижи работите на подобро на овие простори.
Овака, излезе само уште еден филм со одлична тематика, но ужасна реализација.
6.5 - поради идејата и дрзнувањето да се направи еден оваков филм. Кога ние ќе направиме нешто овакво за нашите крадци кои ја искрадоа Македонија во транзицијата и луѓето ги оставија на питачки стап?