Awake
Одамна немав гледано ваква пилот-епизода која е предизвик за мозокот, но и за чувствата. Иако во последно време се појавија добри серии (Touch) и разочаруваки серии (Alcatraz), Awake се издвојува од се' што се појавило на телевизија (на нашки: интернет) во последно време. Барем сега-засега.
Што се случува во серијата? Мајкл е детектив кој доживува сообраќајна несреќа со жената и синот. Во несреќата има една жртва, а Мајкл преживува на бизарен начин. По несреќата тој живее во две реалности кои се менуваат кога тој се буди од спиење. Во едната реалност, неговата жена ја преживеала несреќата. Во другата, син му е оној кој е жив. Мајкл не знае дали сонува и која реалност е всушност вистинската. Постојат многу филмови и серии каде протагонистот сака да открие што е вистинито, а што не е. Кога конечно ќе сфати, приказната завршува. Awake не фукнционира на тој начин. Она што ја прави серијата необична е начинот на кој Мајкл се справува со ситуацијата. Тој не сака да знае што е реално, а што не е, туку само сака да остане заедно со целата фамилија. Единствениот начин за ова е да балансира помеѓу двете реалности. Тој е среќен и во двете, но не знае до кога овој двоен „живот“ може да трае, без никакви последици. Awake е исто така и криминалистичка серија, иако детективската работа на главниот лик е во втор план.
Она што ја прави Awake толку добра е што те тера да размислуваш, но и буди емоции. Дилемата која реалност е вистинска, а која не, е секундарна во споредба со емотивната борба на Мајл. Поважно е тоа како посебните реалности влијаат врз неговото однесување и каква закана се за неговиот разум. Како што реков, одамна немам гледано волку добра пилот-епизода, да не претерувам, можеби од онаа на Lost (oh no you didn't, VLJ). Самата епизода е како мини-филм, па ако некој нема време да загледува нови серии може да ја изгледа само првата епизода. Особено ми се допадна играта со боја во различните реалности, едноставната музика и секако, глумата. Само малку е загрижувачки тоа што оваа серија не е за секој (oops) и поради тоа не може да има којзнае колку голем рејтинг во Америка.
Не ви советувам да го гледате трејлерот колку да не ви расипе некои работи, но ако инсистирате, еве: