Јас сум некако бос за некои работи во биологијата....ме интересира кои докази(во лабораторија) ги имаме за еволуцијата...тоа со фосилите да баталиме. Со бактерии да речеме и сл. каде од мајка до ќерка е многу мал период. Поткрепено со ДНК испитувања и сл.
Има, а со тоа се занимава експерименталната еволуциска биологија.
Денес може прецизно да се утврдат различните мутации кои доведуваат до адаптација на организмите во лабораториски услови, а исто така може да се изврши
насочена еволуција. Секако, овие експерименти најчесто се вршат на микроорганизми, бидејќи за покомплексните форми на живот, потребни се многу генерации за да се забележат видливи промени, иако има експерименти кои покажуваат еволуција на лисици, глувци, рипки и мушички.
(1)(2)(3)
Логиката вика ако има еволуција тогаш има еден прапредок.....легитимно прашање е кој е тој и како е настанат, нели?
За прапрапредокот, иако не можеме да се вратиме физички назад во времето, можеме да симулираме таква околина како таа што постоела на Земјата во праисториско време, а најдобар пример за тоа е експериментот на Милер и многу други слични на тој.
Во сад се внесуваат амонијак, вода, водород и метан, со што се пушта струја на одреден напон. Садот со цевки е поврзан со друг сад во којшто врие вода која поминува низ садот со овие соединенија и молекули, а потоа настанува кондензација на растворот којшто се враќа во садот кајшто водата врие.
Со тоа, после одреден период, евидентирано е создавање на аминокиселини кои се важни за животот таков каков што го знаеме.
Најверојатно, нашиот прапредок бил примордијална форма од органски молекули кои започнале како биокибернетски систем којшто вршел метаболични процеси и едноставна форма на реплицикација.
