Машиновозачот се фалел на Фејсбук за брзината со која се движел возот!
Шпанскиот машиновозач кој што е еден од оние кои управувале со возот кој синоќа излета од шините и усмрти најмалку 80 луѓе, на својот Фејсбук профил објавил фотографија од брзинометарот.
Имено, Франциско Хосе Гарзон, еден од возачите на возот кој синоќа излета од шините непосредно пред градот Сантијаго де Компостела и усмрти најмалку 80 лица, а повеќе од 140 беа повредени, на својот Фејсбук профил објавил фотографија на која што може да се види дека стрелката од брзинометарот на возот покажува брзина од 200 километри на час, во зона каде што дозволената брзина е 80 километри на час.
Фотографијата била објавена минатата година, што според наводите на локалните медиуми, докажува дека машиновозачот и другпат ги довел во опасност сите патници на оваа релација. Неговиот интернет профил за сосема кратко време исчезнал, но фотографијата се појавила во сите шпански и светски медиуми.
Покрај фотографијата, која што тој ја објавил во март минатата година, Гарзон напишал: "Колку би било добро да се сретнеме со полицијата и да ги поминеме, правејќи и радарите нивни да откажат! Ха Ха!".
Според последните информации, еден од возачите е задржан во притвор, но не е нагласено дека станува збор за Гарзон: "Судијата нареди возачот да биде испрашан од страна на полицијата, кој моментално е под официјална истрага, во болницата каде што е задржан".
Во меѓувреме, во сите медиуми ширум светот е објавена застрашувачката снимка на која што е прикажан моментот на несреќата, кога сите вагони од возот излетуваат од шините.
68898[/ATTACH]
морон