Комунистите, иако беа безбожници сепак многу се мешаа во црквата. Според Дедо Петар, главна причина за ваквото однесување е тоа што системот како го направиле комунистите, не смее да дозволи црквата да има влијание во таквото општество, да не може таа да го поведе народот, туку само да биде во служба на тогашната комунистичка власт. Тоа е и причината зошто во тој период, во ниту една македонска црква не било дозволено да се одржува верска наука.
- За разлика од тоа, тогашните муслимани имаа 8.500 деца на веронаука во џамиите, пред да заминат на училиште. Така беше затоа што Исламската Верска Заедница беше упорна тоа да го направи, и на неа не се вршеше притисок.
За тајното крштавање во периодот на седумсеттите години од минатиот век, Дедо Петар вели:
- Постоеја одредени области, каде властите беа многу строги во однос на верата, и крштавањето и венчавањето, се изведуваа кришум. Затоа во протоколите на повеќето цркви стоеја и тајни протоколи, за да не дојде до сознание комунистичката партија, да види чии деца се крстени, и тоа да се одрази на службата на нивните родители. Кога ќе дојдеше некој да си бара крштениче, ние им баравме да ни кажат година и месец кога е детето крстено. Ако не го најдевме во редовните протоколите, веднаш знаевме дека детето е тајно крстено, и ќе го побаравме во тајните протоколи.
Интересно ќе е следен да биде лустриран и Блаже Конески.
