Всушност ние и не заеме како се живее во Северна Кореа.
Од севернокорејците кои успеале да пребегнат во Јужна Кореја нема да слушнеме убави работи за Северна Кореја.
Но од овој пропагандистички филм ќе видиме доста работи кои се вистини, како што веќе спомнав, исклучиво испревртени вистини, но сепак вистини.
На мене воопшто не ми се допаѓа тоа што во филмот Бог и религиите се опишани како фикција, кога и самата севернокорејска пропаганда го величи Вечниот Лидер, Големиот Лидер, Милиот Лидер, како што може убаво да се види во самиот филм.
Но сепак вистина е тоа дека политичарите и владетелите ширум светот го користат Бог за своја лична и политичка корист, дури и во државите со мнозинско муслиманско население владетелите го користат Алах за своја лична и политичка корист, таков е примерот со ајатолахот во Иран, кралот на Саудиска Арабија, а најтазе пример е неодамна избраниот претседател на Египет, Мохамед Морси, кој отворено и јавно кажа дека Куранот е нивниот Устав, Мухамед е нивниот пророк и смртта во име на Алах е нивна цел.
Исто така воопшто не ми се допаѓа тоа што во филмот Израел е прикажан како окупаторска држава која гради еврејски населби на палестинска територија, кога истите тие територии се дел од денешната територија на Израел уште од 1967 година и не се дел од денешната територија на сеуште непризнаената палестинска држава. Ако Северна Кореја сака да биде солидарна кон палестинците поради нивните територии окупирани од Израел, тогаш треба да биде солидарна и кон нас Македонците поради Пиринска и Егејска Македонија кои се окупирани од Бугарија и од Грција.
Вистина е тоа дека 26 милиони војници и цивили во поранешниот Советски Сојуз загинале за време на Втората Светска Војна, како и дека денес западот се слави себеси со победата во Втората Светска Војна и со победата над фашизмот и над нацизмот, додека истовремено најголемата жртва од 26 милиони советски жители и војници се игнорира. Но нема смисла да се врши споредба помеѓу луѓе кои биле жртви на бомбардирања и на воени пресметки, наспроти над 6 милиони Евреи убиени во Холокаустот во гасни комори, во полиња за стрелање, во експерименти и на ред други ѕверски начини.
Настрана начинот на кој пропагандистичкиот филм ги опишува Бог, Евреите и религиите, речиси се останато што е опишано во филмот е вистина, најчесто испревртена вистина, но сепак е вистина.
... This is Miss Paris Hilton, this narcissistic parasite comes from a wealthy hotel family. 
