Заштита на црквите и манастирите во полошко
30.08.2014 16:48
Оштетена и ограбена манастирската црква Свети Атанасиј на тетовското Кале. Сторителите повеќе направиле скрнавење на верскиот објект, отколку што си заминале со плен, зошто одзеле околу 700 денари. Од тетовско – гостиварската епархија најавуваат повеќе активности за заштита на верските објекти од кражби, кои се чести во овој регион.
Утрово се санираше штетата во манастирскта црква Свети Атанасиј на тетовското Кале. По кражбата која се случила вчера попладнето останале искршените прозори, икони, врати.
Според полицијата, сторителите го искршиле овој прозорец и низ него влегле во црквата. Од касата одзеле околу 700 денари, а оштетиле и некои од иконите. Потоа за да излезат се обиделе да ја искршат и влезната врата. Го оштетиле и лимот на помошната просторија во која расфрлале и пребарувале.
Бил извршен увид, оштетените делови се фотодокументирани и се земени траги за вештачење. Полицијата работи на откривање на сторителите.
Од тетовското архиерејско намесништво велат дека штетата е непроценлива затоа што е извршен чин – скрнавење на верски објект.
„Секоја црква, секој манастир за нас е светиња. Треба да се однесуваме со почит бидејќи секоја црква е дом за молитва“, изјави отец Дарко Наумоски од Тетовско архиерејско намесништво.
Најавуваат повеќе акстивности за заштита на црквите и манастирите од кражби кои се чести во овој регион.
„Поставување камери во сите верски објекти и алармни системи. Сметаме дека така ќе придонесеме во нивна заштита“, додаде отец Дарко Наумоски од Тетовско архиерејско намесништво.
Црквата Свети Атанасиј потекнува од крајот на осмиот век. Според различни историските извори претставува еден од најстарите култни христијански црковни споменици во овој дел од Македонија.
Црквата Свети Атанасиј на тетовското Кале често е менат на вандали и крадци. Големи оштетувања претрпе и во конфликтот во 2001 година, а нејзината обнова сеуште трае.
Зоран Јованоски
http://mrt.com.mk/node/13456