Им текна да напишат за дрвјата среде булевар
Бујното зеленило ја намалува прегледноста на возачите на булеварите
Скопските булевари во последните неколку години добија богато хортикултурно уредување. Со посадувањето дрвца, грмушки и цвеќиња, жардиниерите во меѓупросторот на улиците даваат модерна и естетски прифатена содржина за граѓаните на главниот град. Во исто време тие делумно го надоместуваат зеленилото што поради проширувања на улиците и проектирањето нови сообраќајни решенија мораше да се исече-пишува
Н.Македонија.
Сепак, бујната вегетација од жардиниерите на одредени точки во главниот град може да претставува пречка за учесниците во сообраќајот. Проблемите се јавуваат на места каде што густата ограда од растенија завршува на само четири-пет метри од точката каде што пешаците пристапуваат кон пешачкиот премин. На тој начин, велат упатените, значително се намалува видното поле на возачите што возат кон пешачкиот премин, што може да доведе до доцно забележување на пешак што преминува. За ваквата состојба зборуваат и возачите, но и сообраќајните инженери што ја следат состојбата.
Пешаците се забележуваат доцна
Особено проблематични се пешачките зони што не се обезбедени со семафори за минувачите. Такви се двата премина на булеварот Кочо Рацин во близината на Црвениот Крст, како и пешачкиот премин на источниот излез на градот во близината на средното училиште „Михајло Пупин“. На овие пешачки премини дрвцата од жардиниерите се доволно високи и густи за да го затскријат видикот на шоферот. Тие се протегаат на пет-шест метри од точката каде што започнува зоната за минување и на тој начин го попречуваат видното поле на возачите.
- Ми се случи неколкупати дури возев по левата лента да забележам пешак како стапнува на коловозот за да премине, и тоа на само четири-пет метри оддалеченост. Морав да запрам одеднаш, а тоа создаде стрес и кај мене и кај пешакот. И да сакав не можев да го забележам порано, затоа што од подалеку не гледам речиси ништо од другата страна поради густината на дрвцата во жардиниерата – вели скопјанец што честопати го минува овој булевар.
Пешачкиот премин во близината на средното училиште „Михајло Пупин“ може да биде особено проблематичен. Станува збор за локација на која булеварот преминува во отворен автопат, а возачите возат и со 80 километри на час, особено при излез од градот.
- Дрвцата во средишното зеленило отспротива ми го попречуваат видикот затоа што се високи по целта должина на коловозот. Пониските грмушки се на пет-шест метри, но и тие се доволно густи за да попречат. На овој начин и особено при брзо возење навистина имам проблем да ги забележам минувачите од подалеку – вели жител од населбата Автокоманда.
.
.
срамаота
