Стефус-Рефус
Jesus Loves Macedonia
- Член од
- 30 август 2009
- Мислења
- 3.452
- Поени од реакции
- 1.210
За бесплатен превоз нема ниту волја ниту пари
Причини што ги одвраќаат луѓето од градскиот превоз се малиот капацитет на автобусите, неповрзаноста на населбите и нередовноста на градските линии
Во одредени периоди од денот во автобусите има голем метеж
Скопје не може да биде Талин
Ниту евентуалниот бесплатен јавен превоз, ниту загадениот воздух, ниту скапиот бензин не може да ги натераат скопјани да ги остават возилата во гаражите и да се потпрат единствено на автобусите за извршување на секојдневните потреби. Властите на Талин, главниот град на Естонија, неодамна одлучија градскиот превоз да биде бесплатен за сите граѓани, што ќе придонесе за позелена и почиста околина. Шансите за ваква мерка кај нас се минимални, речиси непостојни, поради недостиг од пари, но и недоверба во градскиот превоз. Граѓаните сметаат дека уште најмалку десетина години возилата ќе бидат главно превозно средство и поради малиот капацитет на автобусите, неповрзаноста на населбите и нередовноста на градските линии.
Цената на билетот не е пресудна
Патниците велат дека 35 денари што ги даваат за карта не им се важни многу ако доцнат на работа или, пак, на друго закажано место.
- Јас се возам со автобус, но само кога имам повеќе време на располагање. Ако треба некаде да стигнам брзо, не можам да се потпрам на автобусите, затоа што тие најчесто доцнат. Мислам дека многу луѓе го делат моето мислење за автобусите. Еве пример, за јас од дома да стигнам во центар треба да сменам два автобуса, тоа веќе не е 35, туку дупло пари, а ако го земам предвид и времето додека ги чекам автобусите, не ми се исплати да се возам. Кога превозот би бил бесплатен, метежите и хаосот уште повеќе ќе се зголемат - вели Марко Јовановски.
Други, пак, тврдат дека не би се возеле во автобус за на работа затоа што од нив ќе излезат како од машина за перење алишта. Во времето кога граѓаните оделе и се враќале од работа, училиште и од факултет, во возилата имало голем метеж.
- Едно утро возилото ми се расипа и морав да одам со автобус на работа. Кога излегов од автобусот се чувствував како да сум била вакуумирана. Целата облека ми беше истуткана, а моето работно место бара секогаш да сум средена и да изгледам пристојно. Убаво е сега што имаме нови автобуси, но мислам дека ако цел град ги остави сопствените возила, ќе ни требаат уште најмалку толку автобуси колку што имаме сега. За да го достигнеме нивото на Талин, ќе ни требаат десетици години работа - вели Мирјана Симоновска.
Ивана Андоновска, пак, вели дека откако поскапеле цените на горивата, возилото го оставила во гаража и се движи со автобус и со велосипед.
- На факултет одам со автобус, кога беше времето убаво возев и велосипед. Возењето со автобус не е ниту страшно ниту пак понижувачко, според мене би било убаво сите да се возиме со автобус. Нема да трошиме пари за гориво, а нема ни да дишеме загаден воздух- објасни Андоновска.
Сериозен трошок
Според Мишо Николов, директор на јавното сообраќајно претпријатие „Скопје“, за да се направи целиот јавен градски превоз бесплатен е сериозен трошок и тој се сомнева дека кај нас би успеало такво нешто.
- Наместо бесплатен превоз, можеме да се обидеме на патниците да им овозможиме поудобно и поевтино возење со нашите автобуси. Бесплатниот превоз може да има и добри и лоши страни. Според мене, позитивно би било тоа што автобусите ќе бидат подостапни, ќе има помала емисија на штетни гасови, на граѓаните ќе им се намалат трошоците за бензин. Но исто така постои и можност да се направи голем метеж во возилата, а со тоа да се намали достапноста на возилата, затоа што никој нема да се вози со сопствено возило или пак со такси, сите ќе бидат во автобуси - појаснува директорот Николов.
Од градот велат дека целосно субвенционирање на јавниот превоз не е можно затоа што со тоа би се надминал вкупниот буџет на градот.
- Со максимални напори ги обезбедуваме и сегашните субвенции, со кои ќе им се олесни на определени социјални категории бенефицирано користење на јавниот превоз. Од буџет на име на субвенциониран превоз се издвојуваат 2,5 милиони евра годишно. Значи, покрај субвенцијата за превозот на пензионери, субвенционирани се и сите ранливи категории, ученици и студенти со посебни потреби - објаснуваат од градот.
Приходите на јавното претпријатие мината година изнесуваа една милијарда и сто милиони денари, што значи дека ако автобусите почнат да возат бесплатно, градот ќе треба овие пари да ги одвои од својот буџет.
Автор: Александра Денковска Фотографија: Игор Бансколиев
ама едно забораваат дека НАЈубавите години ги пропуштаат
10 денари од коментар 15 денари од лајк.