Европска круна за Дејан Недев!

[Crazy in Love]

Македонскиот каратист Дејан Недев го освои првото место во дисциплината борби на Европското првенство во Израел и со тоа се закити со титулата европски шампион.

Одличната недела за македонското карате, по златните медали за Наташа Илиевска и Мартин Несторовски, ја надополни Дејан Недев. Тој на Европското првенство во карате, кое се одржа во Ерусалим, Израел, го освои првото место во дисциплината борби. Со тоа нашиот каратист стана европски шампион во таа категорија.

Овој голем успех на Недев само го надополни одличниот настап на македонските каратисти на ЕП во Ерусалим, каде вицешампиони на Европа во екипна конкуренција во „кумите“ станаа Дејан Недев, Аљоша Недев, Матеј Ангеловски и Кристијан Кајчевски, а до бронзените медали во дисциплината „енбу“ стигнаа Аљоша Недев и Даниел Димитровски.

Македонските јуниори исто така беа успешни во Израел, од каде со сребрени медали се враќаат Матеј Ангеловски и Ернест Никочевиќ, кои се натпреваруваа во дисциплината „енбу“. Ангелковски се закити со уште еден медал, бронзениот во поединечна категорија (фукуго).

Инаку, Македонија на ова ЕП беше една од најуспешните селекции во конкуренција на 236 каратисти од 22 европски земји.
Курир
БРАВО! Секоја чест! Уште еден успех!
Само нека се редат успеси! ЕВРОПСКИ ШАМПИОН!

 

[Бавча]

Па тоа бе мајсторе, се радувам ко јас да сум освоил! Секоја чест.

 

[Out of Order]

Колку само таленти има во државава ама неможат да се докажат оти спорт у државава не постои

 

[Crazy in Love]

Колку само таленти има во државава ама неможат да се докажат оти спорт у државава не постои

Полека работите почнуваат да се придвижуваат. Полека, но сигурно. Мора малку оптимизам. Вакви работи треба со голема радост да ги примаме!

 

[Out of Order]

Полека работите почнуваат да се придвижуваат. Полека, но сигурно. Мора малку оптимизам. Вакви работи треба со голема радост да ги примаме!

Секако дека ќе бидеме радосни, сепак го претставуваат нашиов народ, одлично испадна со кошарката, еве и со ракометов, со каратево и едно девојче освои 1 место на балканов ако не се лажам да видиме што е следно.Само малку да се инвестира во спортов да не се заташкува ќе бидеме први во се

 

[Macedonia>>Europe]

Одсекогаш сме имале добри тепачи. И Наташа Илиевска и она дететo од Австралија - Пеце стално ршум прави. А да не се заборави и на ова:
http://forum.kajgana.com/threads/Македонските-самураи-ги-понижија-грците.22772/

 

[Mar-Teen]

Се знае кој е најдобар. Браво Дејан (инаку тренирав кај него). И стварно е добар, и на тренинзите најдобро тренира.

 

[О|ивер シ]

Мислам дека 2011 до сега е една од најуспешните години во Македонскиот Спорт.
Секоја често за него !

 

[Acohipmk]

Браво за Недев. Медиумите да обратат многу повеќе внимание!

 

[Рудници и]

Браво за Недев. Медиумите да обратат многу повеќе внимание!

И федерацијата.
Браво големо, за секоја чест е ваков резултат со оглед на условите за работа.

 

[Crazy in Love]

Браво за Недев. Медиумите да обратат многу повеќе внимание!

Вистинска штета е тоа што не експлодира ова низ целиот медиумски простор. Навистина многу малку се прикажа ова, на момент помислив дека никој не се замара за ваква прекрасна новост. Доколку се работеше за дневно политичка тема која би барала препукување и расправање да видите како ќе имаше фидбек и насекаде само за тоа ќе се работеше.
За плукање и хејтање сме очигледно први, а кога се работи за ваква прекрасна вест, речиси никој не ја ни коментира.

 

[Crazy in Love]

Дејан Недев, освојувачот на златниот медал на Европското првенство во традиционално карате во категоријата кумите-борби, одржано пред пет дена во Израел, на денешната прес конференција рече дека овој успех има историска важност за македонската држава, бидејќи за првпат еден каратист се враќа со златен медал од едно големо првенство во традиционално карате.

- Во мојата кариера многу пати бев блиску до златото на едно големо натпреварување во сениорска конкуренција. На ЕП 2004 година во Скопје, бев во финалето, 2002 на ЕП во Москва исто така загубив во финалната борба, 2006-та во Канада на СП дојдов до финалето, но никогаш не бев прв. Овој пат имав и повеќе среќа, бев многу подготвен и имав голема желба за освојување на златниот медал и можам да кажам дека по 18 години активно натпреварување и настапи за македонската репрезентација го направив најголемиот мој резултат, истакна Недев.
Освен во поединечна конкуренција Дејан Недев освои медал и екипно. Заедно со Аљоша Недев, Кристијан Кајчевски и Матеј Ангеловски беа второпласирани и го освоија среброто.
Тој рече дека повредата го спречила да освои уште некој медал во другите дисциплини во кои се натпреваруваше.
Од другите македонски каратисти, Аљоша Недев и Даниел Димитриевски освоија бронза во „енбу“, Матеј Ангеловски и Ернест Никочевиќ освоија сребрен медал во „енбу“ јуниорска конкуренција, Матеј Ангеловски беше бронзен во „фукуго“.
Големиот успех на „традиционалците“ во името на Владата им го честиташе директорот на Агенцијата за млади и спорт, Лазар Поповски.
- Овој успех е еден од многуте досега, но тој е многу значаен. Во минатото традиционалното карате се бореше да се признаат и почитуваат нивните резултати. Тие си го најдоа своето место во спортот во нашата држава. Во овој спорт имаме спортисти медалисти и шампиони, но и пример во својата средина надвор од спортските терени, како луѓе кои знаат да почитуваат, луѓе кои знаат да соработуваат и луѓе кои во секој сегмент од својот живот даваат максимум, истакна Поповски.
На Европскиот шампионат во Ерусалим учествуваа вкупно 22 репрезентации со преку 380 натпреварувачи во сениорска и јуниорска категорија. Македонија ја претставуваа осум каратисти. Со освоените медали од Израел, Македонија стигна до бројката 28 одличја од Европските и Светските првенства.
http://www.kurir.mk/sport/makedonski-sport/50579-Nedev-Zlatoto-od-Erusalim-e-istorisko-za-Makedonija

Па историско е, ама во Македонијава ретко кој и обврна внимание... што луѓе ќе бевме бе не ми е јасно...

 

[LaChupacabraLoca]

И на крај за едно 15-20 години , ќе го видете како станал социјален случај .. ко шо е случајот со скоро секој спортист и поштен човек у МК ...

Инаку БРАВО МАЈСТОРЕ !!

 

[Ilumious]

Ах, тешко Недев да биде социјален случај

Честитки, огромен успех за нас, уште да има кој да го цени.

 

[Acohipmk]

Вистинска штета е тоа што не експлодира ова низ целиот медиумски простор. Навистина многу малку се прикажа ова, на момент помислив дека никој не се замара за ваква прекрасна новост. Доколку се работеше за дневно политичка тема која би барала препукување и расправање да видите како ќе имаше фидбек и насекаде само за тоа ќе се работеше.
За плукање и хејтање сме очигледно први, а кога се работи за ваква прекрасна вест, речиси никој не ја ни коментира.

Да, штета што е така. Не е случај само во каратето, туку и во доста други екипни и соло спортови, како параглајдерство, картинг, итн итн. Сето ова ќе се промени ако и самите ние многу помалку би се замарале со политиката.