РК Ѓорче Петров згасна

[Ivica^]

Знам дека има фан клуб за Ѓорче, ама сметам дека заслужува посебна тема овој немил настан
за Македонскиот женски ракомет

Ѓорчепетровки згаснаа

Пред девет години, цела Македонија ги славеше, а потоа преку ноќ сите ги заборавија

Поранешниот европски шампион Ѓорче Петров престана да постои! Одлуката на Управниот одбор да го згасне клубот е, можеби, логичен тек на настаните по две години агонија, во кои не успеа да му се најде некој солиден спонзор, кој би ја продолжил неговата славна традиција. Заминувањето на последните големи таленти од екипата летово и хроничната беспарица го ставија клубот во безнадежна ситуација и ваквата тажна судбина беше неминовна.
- Немаше веќе поента да се продолжи. Го гледавме клубот како се мачи во последните две години и како никој не сака да му помогне и одлучивме дека е најдобро да го згаснеме, да го ставиме во мирување до некои евентуални подобри времиња. Си заминаа сите подобри играчи и, едноставно, веќе не би имале со кого да играме во новата сезона. Вака е подобро за сите - вели долгогодишниот директор на клубот Димитар Тодоровски.
Крајот на ѓорчепетровки, всушност, почна многу порано, кога пред три години ги напушти Трифун Костовски, кој неуморно вложуваше во клубот и во ракометот цели деценија и пол. Трагедијата за македонскиот спорт да биде поголема, преку ноќ се случи сите да кренат раце од клубот и да заборават на него. Најдобрите играчи си заминаа, обидите за консолидирање траеја кратко и пред една година тој дури беше исселен од својата легендарна база, СРЦ "Кале".
Формиран во 1979 година, Ѓорче Петров обезбеди пласман во Првата сојузна лига непосредно пред нејзиниот распад. Безрезервната финансиска поддршка на Трифун Костовски беше нешто невидено за овие простори и тоа му се врати со освојувањето на европската титула во 2002 година.

Сите титули на клубот

Лига на шампиони: 2002.
Европски вицепрвак: 2000 и 2005.
Европски Суперкуп: 2002.
Првак на Македонија: 1993-2009.
Куп на Македонија: 1993, 1995-2009.
Интерконтинентален куп во Јужна Африка: 1994.​

http://vest.com.mk/?ItemID=3D694CD0ABC7624687322B163595A4BA&arc=1​

Жално е ова што се случи со Ѓорче, искрено се надевам дека некогаш ќе се издигнат пак таму каде што им е местото!​

 

[beneamata]

Каков клуб, каква историја...

 

[TheTrooper]

Дај Боже пак да се издигнат,а тој пат уште појаки од претходниот.

 

[Ернесто ЧЕ Гевара]

Сакајте го, мразете го, ама факт е дека ова е човекот кој е најзаслужен за тој огромен успех на македонскиот спорт. После тој си замина и ете што се случи со клубот.

 

[c i t r o]

Сакајте го, мразете го, ама факт е дека ова е човекот кој е најзаслужен за тој огромен успех на македонскиот спорт. После тој си замина и ете што се случи со клубот.

Спонзор како спонзор..доаѓа и си оди..се додека има интерес вложува..така ти е

 

[ziko bt]

Еден мзт дојде на работ на згаснување па ова шо се случи со Ѓорче беше за очеквање како и за сите клубој шо се без навивачи,и да Трифун е најмалце крив и воопшто не смеј да му замери за ова,15години наголемо да спонзорираш клуб во ова наша држава е премија.

 

[zee German]

Фала на Кометал за сите убави(навивачки) мигови и спомени кои трајно се всадени во мојата меморија .
Можам да фантазирам дека некогаш ќе се вратат затоа што тоа искрено го посакувам , но реалноста во нашата ни Македонија е многу посурова и поинаква (после толку слични примери не само на други спортски екипи туку и на фирми,компании и фабрики мојот оптимизам за вакви работи е во фаза на изумирање).

 

[аллександар]

можам да кажам дека цел спорт кај нас е за никаде токму ради овие спонзори. имаме компани кои заработуваат милиарди несакаат илјадарка да фрлат за некој спортски клуб без разлика дали е фудбал кошарка и слично. нема спонзори нема плати нема мотив за играње - јасно како солза. се прашувам само до кога ли вака?

 

[leandra]

Кометал никогаш нема да се заборави зошто зад себе остави трофеј од лига на шампиони, покажа како се игра со срце и неповторливи играчи. Повторно ќе се врати некогаш и негде

 

[Tomasino]

Штета шо го оставија да пропадне клубот шо освои европска титула..
Ако не се лажам единствено Кометал ЃП,и боречкиот клуб Бучим Јака се единствените екипи од Македонија шо се закитиле со признанието шампион на Европа...
Голем срам за ракометот,за ракометните работници...(читај Бојков,Начевците и еден куп цицачи и остала багра кои растураат во ракометот веќе две децении)....
Луѓе кои покрај Трифун се нафатираа со тежок кеш....
Е па лесно е да прајш мангуп со туѓи пари....
Требаше со време да мислат на ова,дека е можно Трифун да откажи,и со време да се бараат и други спонзори...
Покрај толку многу спонзори на времето,покрај толку ВИП фаци,кои се сликаа со дресови,снимаа спотови,први беа во салата во ВИП трибината.....и сега ракометарките останаа без ниту еден спонзор...
Кај се сега тие?Или само Трифун имаше ЈАЈЦА да дава пари за спортот...
И така не треба голема пара за да се одржува еден тим во супер лига...
Можеа и мораа да најдат барем некој поситен спонзор....
Барем немаше да го снема од ракометната карта,и ќе се чекаа подобри денови...

 

[Зајче]

Оваа среќа што ни ја носат кошаркарите, во 2002 ни ја донесе Кометал. Никогаш нема да се заборави таа вечер, иако бев мала, славење имаше до сабајле. Фала ти Кометал за се!!!!!
Мислам дека и никој нема да ја заборави песната Кометал шампионе!

 

[Ilumious]

I proudly represent you - спортот во Македонија..... the ugly truth, за жал. Не ме изненадува, навистина.