Двајца загинати во тешка сообраќајка кај Злетово

[Lu]

Двајца загинаа во сообраќајката која се случи на делницата Злетово- село Ратавица, а малолетник се бори за живот. Тројцата другари биле во возилото „Фолксваген бора“, со кое управувал 24-годишниот Ненад Митевски, кој почина на лице место. Од ударот загина и совозачот 21-годишниот Иван Постолов.

-Во критичниот момент, возачот губејќи контрола врз возилото, преминал на левата страна од коловозот, удрил во карпа. Одбивајќи се, преминал на десната страна, удрил во дрва, се превртел неколкупати и возилото останало на кров, вели портпаролот во СВР Штип, Снежана Санева.

Автомобилот бил нов. Роднините, длабоко потресени, тврдат, пребрзото возење и младешкото возачко неискуство ги однело момчињата во смрт.

-Нова кола, ја купија пред неколку недели. И сега, знаете млади без искуство, а колата брза, и што може да се случи освен најлошото, вели Јован Гичев, вујко на еден од загинатите.

Третиот сопатник, 17- годишниот Никола Манасиев е свесен и делумно се секава за несреќата. Се здобил со тешки телесни повреди. Хоспитализиран е во штипскиот Клинички центар.

-Констатиравме тешки повреди на градниот кош и стомачниот предел. Итно врз повредениот е извршен оперативен зафат. Стабилизирана му е состојбата и е вон животна опасност, изјави, прим. д-р Билјана Ефтимова- анастезиолог во штипскиот Клинички центар.

Злетово денеска е во шок од трагедијата која им однесе двајца млади животи.

Извор http://www.kanal5.com.mk/default.aspx?mId=37&egId=13&eventId=73535

 

[apidrone]

Добро, кога младиве ќе се освестат, и ќе сфатат дека е опасно да се вози брзо, па уште и по такви патишта? Јас го знам тој пат, и треба да се биде внимателен дури и кога се вози бавно, никогаш не знаеш што може да ти излезе на пат (човек, куче и сл.)

 

[НеоН]

затоа ја стокец си возам...

 

[Lu]

Инаку колата со која се возеле VW Bora, не е нова бидејќи веќе не се произведува, но веројатно на старо ја купиле и во текстот „нова„ се мислело на скоро купена кола.
Па веројатно дечкиве радосни поради тоа што купиле кола, не обрнале многу внимание на брзината, се занеле и удриле во карпа.
Да, брзината е најголема причина за една сообраќајка, но исто така може да биде причина и состојбата на возилото, бидејќи ако не е целосно исправно секогаш има шанса да се случи нешто несакано.
Затоа кога одите на пат секогаш одете со исправни автомобили и секако со помала брзина возете.

 

[tanja5]

Zalni familii. Moe socuvstvo do niv. Zoshto mladite taka brzo vozat? Makedonskite patishta ne gi biva za brzo vozenje. Shteta, taka mladi lugje.