СП Група Б: Марадона и Меси доаѓаат по круната
Откако во квалификациите поминаа низ „иглени уши“ за да обезбедат пласман на завршницата од Мундијалот, Аргентина понесена од бројните ѕвезди сигурно е фаворит пред почетокот на натпреварите вo групата Б, каде се наоѓаат уште и Нигерија, Јужна Кореја и Грција.
Групата изгледа премногу лесна за Аргентина која предводена од магичниот Меси и контроверзниот, но исто така генијален Марадона, е еден од главните аспиранти за симнување на Италија од светскиот фудбалски трон.
Единствен недостаток за Аргентина може да се смета неискуството на нивниот тренер.Некогаш големиот фудбалер и не се снајде баш најдобро во тренерските води, Импозантниот податок дека повика повеќе од 100 фудбалери во текот на квалификациите, говори за неговата неодлучност и несигурност, што на големите натпреварување може скапо да чини.
- Да го подигнете Златниот медал е нешто најубаво на светот. Им реков на своите играчи дека секоја жртва во 30 дена натпреварување ќе се исплати за само еднаш да го бакнете трофејот. Тоа е како да сте го допреле небото.- изјави Марадона.
При патот до Африка Марадона војуваше со медиумите, но според неговите зборови, благодарение на ѕвездите, ги победил. Сите се сеќаваме на прес-конференција кога по обезбедениот пласман на СП ги „замолчи“ сите медиуми. Нема сомнеж дека сега тие истите едвај чекаат Аргентина да отиде во пропаст на Мундијалот во Африка, само за одмазда кон Марадона.
Од останатите селекции во групата, се очекува Нигерија да го има главниот збор за второто место кое води во следната фаза. Селекторот Шаибу Амуду направи комбинација од искуство и младост, за потоа да му препушти на Ларс Лагербак да ја заврши започнатата работа.
- Сакам да работам со фудбалери како Кану, бидејќи тој за мене е легенда. Мислам дека можеме да стигнеме до успех, иако имав малку време за подобро да ја запознам селекцијата.- изјави селекторот на Нигерија, Ларс Лагербак.
Доколку Нигеријците сакаат да ја минат групната фаза, тогаш треба директно да се соочат со незгодната Грција и не помалку незгодната Јужна Кореја. Корејците предводени од ѕвездата на тимот Парк Ји Сунг и креативецот на Монако Пар Чу Јонг сигурно со сите сили ќе се борат за влез во осминафиналната фаза и што подостојно претставување на својата земја.
Незгодните Грци еднаш му покажаа на светот дека на нив треба со посебно внимание да се гледа. Предводени од Охо Рехагел кој на Грците им вметна германска упорност, никој на нив веќе не гледа како на аутсајдери, иако според играчкиот кадар тешко дека можат да се надеваат на минување на групната фаза.
извор http://www.kurir.com.mk/index.php/sport/60-sport/12993-grupa-be-mundijal
![[ Македоникус ]*](/data/avatars/m/26/26045.jpg?1373015970){kind=avatar}
