Локализиран софтвер на македонски

[zlxlclvlbln]

Пред неколку дена имаше една мала дискусија на за оваа работа. Е па ете да отвориме тема.

Современиот компјутер е конструиран Америка, па и првиот софтвер за нив е таму направен. Најнормално тој е правен на англиски јазик. Компјутерот како една од најкористените машини се прошири низ цел свет заедно со англискиот (американска варијанта) софтвер на него. Ова е и една од причините за распространетоста на овој јазик. Во побогатите држави уште совреме почна да се преведува американскиот софтвер. Прво имаше мали проблеми со повеќејазичноста на софтверот, но се направи и UTF стандардот со кој целосно се решија тие проблеми. Па сега ништо не нѐ запира во користење на софтверот на нашиот јазик. Предноста е јасна, мајчиниот јазик најлесно се разбира.

Проблеми кај нас се тоа што не се плаќаат преведувачи од страна на софтвер ските компании (немаат голем профит во оваа држава), а пак кај бесплатниот софтвер не се наоѓаат многу доброволци. Друг (поранешен) проблем за некористење на софтвер на македонски беше што некои преводи беа лоши па потешко се разбираа од англиската верзија. Пример по преводот за Windows XP, на едно место „State“ беше преведено како „држава“, а треба „состојба“. Преведувачката дејност на софтвер во Македонија постои неколку години па ваквите грешки се исправени.

Па еве листа од некои програми на македонски:

• Mozilla Firefox - веб прелистувач, веројатно најкористената програма на македонски
• Mozilla Thunderbird - email читач
• Open Office - бесплатна замена за MS Office
• Microsoft Windows Vista - јазичен пакет, се инсталира над англиската верзија
• Microsoft Windows XP - исто
• Microsoft Office 2007 - јазичен пакет, вклучува и проверувач на правопис
• Microsoft Office 2003 - исто

Па дополнете ја листава, кажете што мислите за ова...

 

[vone]

Би додал...сега наскоро се очекува и јазичен пакет за виндовс 7 кој одма ќе го инсталирам.....едноставно сакам на мониторот да го гледам нашиот јазик, кејф ми прави.

Сите оние изговори за некористење на мајчиниот јазик од типот..не можам да се снајдам едноставно не држат вода, се е работа на ден два привикнување и ќе се нема никаков проблем со паралелно користење на двата јазика (има програми и делови од виндовсот кој не се преведени).
Изговорите..смешно е, сељачко е, не се ништо друго него малограѓанштина и недозволиво потценување на своето (кога е во прашање мајчиниот јазик тука не смее да се има компромис).

Друг изговор за користење на англиската верзија се и изјавите..така ќе го учам јазикот....жими таквото ќе научи нешто освен тоа како се викаат некои команди и по систем на визуелно препознавање ќе ги користи.

И има една чудна работа што сум ја приметил...... сите тие што го одбиваат виндовсот на македонски јазик кога инсталираат линукс (најчесто Убунту) од прва ја бираат македонската верзија А преводите на корисничките интерфејси се горе доле исти.

Сега засега толку по темава.

 

[Supervisor]

Темава е повторно отворена и може да служи како туторијал се со цел сите корисници полесно да можат да дојдат до информации и линкови за софтвер кој што е достапен на македоснки јазик.

 

[zlxlclvlbln]

Еве уште нешто.

• Opera - познат веб прелистувач. Има интернационална инсталација (а не повеќе посебни). Јазик се избира при инсталација или од опциите.
  Значи засега, 3 од најголемите 5 прелистувачи ги има на македонски. Mozilla Firefox, Opera и Internet Explorer (IE). Јазичниот пакет за Windows вклучува и превод за IE.
• Malwarebytes' Anti-Malware - позната алатка за компјутерска безбедност, поточно за чистење штетен софтвер. Исто има мултијазична инсталација, јазик се избира при инсталација или од опции.
• Format Factory - може најдобриот бесплатен сѐ-во-едно аудио/видео конвертер. Пак повеќејазична инсталација, исто јазик се менува при инсталирање или од опции.
• Skype неофицијален превод. Појдете подолу на страницата и симнете ја .lang датотеката. Потоа, во Skype, одете на Tools->Change Language->Load Skype Language File (слика) и вчитај те ја .lang датотеката.
• Sandboxie - една доста интересна програма за безбедност. Работи на концепт изолирана зона (кутија), пример го стартуваш некој програм во зоната и тој нема пристап да прави измени на компјутерот. Нешто како мини Deep Freeze. Од неодамна го има на македонски. Јазик се избира само при инсталација. Ако прво инсталирате на англиски, слободно пуштете ја инсталацијата наново, нема никаков проблем.

 

[zlxlclvlbln]

Мал апдејт.

• Microsoft Windows 7 - излезе уште пред неколку месеци. Стандардна инсталација со двоен клик.
• Microsoft Office 2010 - свежо издаден пакет. Стандарно, преведен интерфејс плус преведувач на правопис. Ако ви треба второто а сте навикнати на англискиот интерфејс, можна е и таа комбинација од Опции->Јазик.

 

[Eddie_rebel]

Имав програма CloneDVD2 која беше на македонски јазик.

 

[acermk]

Мислам дека има и BS Player-от опција за македонски јазик

 

[krkac]

• CCleaner - одлична алатка за чистење на кеш и оптимизација на регистри
• WinRAR - позната алатка за архивирање податоци
• Alcohol 52% и Alcohol 120% - софтвер за менаџирање на виртуелни дискови
• Revo Uninstaller - одличен софтвер за целосна деинсталација на програмите